JOHAN 10:24 - AMÜSÜH HÜM CL Bible (BSI)

²⁴ Judüki Jihudarünü api zündo tüsho tha, “Külokhüh nünü isa lümshangmang ching lashihba? Nü Khrista a sho isa ki khipkhitde thaang.”

JOHAN 10:24 Cross References

1 KIULONG THSÜRÜ 18:21

Judüki Elijanü mihtsürübo alala thüninde arü tüsho tha, “Nüsa külokhüh lümkhi mahne dükeak leamba le? Mürangkhüh Atungpuh ju Thrünpuh a sho api yanang; tüshe Baal thsüa lasho, api yanang.” Mihtsürübonü api ki thiyu bümkhüh she malo.

MATHI 11:3

tüsho api ki tha, “Arüpü lakhi ju nü a shi, dashi isanü khürü aleangba?”

MARK 8:32

Apinü ha yu amikheak akhiukde tha. Tüsho Peternü api bemuwuhbah athürühpü tankih.

LUKNÜ ATHRÜTKHI THIYUSHEAK-ATSÜ HUHTANYU 3:15

Mihtsürübonü mükkin thsüde tüsho api ju Khrista a shi yung de Johan dünkheak arü mulong ching keokhide alakhinü,

JOHAN 1:19

Kheakü ha Jirusalem ching Jihudarünü amükeamrübo le Levirübo ki api she a de akeopü thiyichoki Johan thiyumütsan lakheah.

JOHAN 10:31

Judüki Jihudarübonü api kingpü lungbo lulo.

JOHAN 10:33

Jihudarübonü api ki alo, “Rhimo atsü dünkheak isanü nü müking, tüshe mükhemürangkhi dünkheak ah, tümütüsho nü mihtsürü thsübah Thrünpuh khechoh.”

JOHAN 16:25

“Harü inü rüklimnü nüsa ki asukdo; tüshe inü nüsa ki rüklimnü müthapü kim arüchoh, tüshe inü nüsa ki Abuh dünkheak khipkhitde athabah.

JOHAN 8:25

Judüki arünü api ki tha, “Nü she a?” Tüsho Jisunü alo, “Atankih chingnü inü nüsa ki tümü thakheanü ju ah.

JOHAN 8:53

Nü isa abuh sheabahkhi Abraham kheaknü atobe a de? Tüsho wukihrübo shedo. Nü she ah de nünü lümcho?”

JOHAN 9:22

Jihudarü tremonü api bebuhrünü jude athakheah, tümüde shepünü api ju Khrista ah de athabanü sinagog chingnü api yankhitbah de Jihudarünü münrüna lakheah.

2 KORINT 3:12

Tümütüsho isa hadürü mulonglam lakhinü, isa khide mulong tolah.