JOHAN 10:11 - AMÜSÜH HÜM CL Bible (BSI)

¹¹ I namfimihnu neakrü atsü ah. Namfimihnu neakrü atsünü namfimihnubo thsungkheak api rhangdung jihchoh.

JOHAN 10:11 Cross References

2 SAMUEL 24:17

Küyimki Davidnü mihtsürü thsümünimde alakhi yunirü ju angükhea, apinü Atungpuh ki tha, “I langzünü neak yihbeakdo, tüsho I langzünü mihbukmuyuk rhimodo; tüshe harü namfimihnubonü tümü rhimoa la? Inü tamkhüntamnüchoh, nü khahnü I tüsho I buh yamkhün kheak azhihang.”

MUNGSHIKHÜN 23:1

Atungpuh ju I neakbuh ah; I yihnüpü kimkethürü lah.

MUNGSHIKHÜN 80:1

Aniang, O Israel neakbuh, nü shepünü mihnu boto nangde Josep becho; nü shepü cherubim dükeak zhingzhingde la!

ISAIA 40:11

Apinü api mihnubo ki mihnu neakrünü nangde yimkipbah; apinü namfimihnunubo api bin kheak bemukhungbah, tüsho arübo api khüh kheak hanbah, tüsho namfimihnu abebo mükhihde abebah.

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

EZEKIEL 34:2

Mihtsürü tsührü, Israel namfimihnu neakrü azhihde müchitang: müchitang, tüsho namfimihnu neakrübo ki thaang: Atungpuh Thrünpuhnü ha thachoh: Nüsa nihbuh tsühyungrü Israel namfimihnu neakrübo are! Namfimihnu neakrübonü namfimihnu yimkipbe yung de?

EZEKIEL 34:23

Inü arü kurungkheak namfimihnu neakrü, I yamlarü David zojihbah, tüsho apinü arü yimkipbah: apinü arü yimkipbah tüsho arü namfimihnu neakrü thsübah.

EZEKIEL 37:24

I yamlarü David arü kurungkheak kiulongthsüpuh labah; tüsho arü alala namfimihnu neakrü khülang labah. Arünü I yuzüngbo ching tsahbah tüsho I yakzan thsükhibo anipü kümkangbah.

MIKA 5:4

Api azhipbah tüsho A TU N GPU H sühmüh ching, api Thrünpuh Atungpuh wüntre-müretah mung ching api namfimihnubo yimkipbah. Tüsho arü tsokhita labah, tümüde kheakü alomi akheambo khiungde api ato labah;

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

MATHI 20:28

Mihtsürü Tsührü she tankihshihpü yung tüshe tankihpü tüsho ahihdo rhokhitpü api rhangdung jihpü arükheah!”

JOHAN 10:2

Tüshe shepünü ripit chingnü yüzahchonü namfimihnu neakrü ah.

JOHAN 15:13

Khürünü api müyamrü thsungkheak nihbuh rhangdung jihkhi kheaknü püpü amuzho atobe müla.

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,

1 PETER 5:4

Tüsho küyimki namfimihnu neakrü atobuh arübanü amükheambe müretah kuthran nüsanü angübah.

1 JOHAN 3:16

Isa rhangdung dünkheak api rhangdung jihkhi hode isanü amuzho mükheahlah; tüsho isanü keoniorü thsungkheak isa rhangdung jihbeah.

AMIKHEAKAKHIUKKHI 7:17

Tümüde kiulongthsü-binkiu phulung ching Namfimihnunu ju arü neakrü thsübah, tüsho apinü arhang kenü lim arü bebah; tüsho Thrünpuhnü arü mükbo chingnü chike nana bahjihbah.”