JOHAN 1:45 - AMÜSÜH HÜM CL Bible (BSI)

⁴⁵ Philipnü Nathanael ngübah tha, “Mosa yakzan ching tüsho wukihrübonü thrüta lakhi Josep tsührü Nazarethrü Jisu isanü ngüdo.”

JOHAN 1:45 Cross References

THRÜNTAN 22:18

Nü müjih ching alomi trükshih alala müngühmühibah, tümütüsho nünü I ki mihyuanido.”

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

ISAIA 4:2

Ju nimung Atungpuh sangkhah akheahakhambah tüsho müretahbah, tüsho lomi sangaso ju Israel aninga larü thsungkheaknü kükheangkhi tüsho müretahkhi labah.

ISAIA 53:2

Tümüde api müngüh api sangji nangde asürü, tüsho alo akung ching yo sangying nangde; isanü api kheak kheahpü thsüde api trungdung yungsho wüntre-müretah müla, api jakphü ching isanü api mürühpü thsüde tümü müla.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

ZEKARIA 6:12

api ki thaang: Wuto Atungpuhnü ha thachoh: Ha ching mihtsürü khülang amung Akhah lah: tümüde apinü nihbuh dangpung ching akhah dübeakde wukhiukbah, tüsho apinü Atungpuh arüngyam thsübah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

MATHI 10:3

Philip tüsho Bartholoma; Thoma tüsho ruk-threbuh Mathi; Alphia tsührü Jakob, tüsho Thadia;

MATHI 13:55

Ha sangrhimosorü tsührü yung de? Abe ju Mari yung de? Tüsho api keoniorübo Jakob, Josep, Simon, tüsho Juda yung de?

MATHI 2:23

Tüsho apinü yübah Nazareth kiuto ching la, junangde wukihrübonü, “Api Nazarethrü de ajibah,” de athakhi dünjipü lakheah.

MATHI 21:11

Tüsho botonü alo, “Ha Galilee ching lakhi Nazareth chingnü wukihrü Jisu ah.”

MARK 14:67

Tüsho küyimki alibenü Peter mo thüyüpkhi ngükhea, anihbenü api kheak kheahbah tha, “Nü she Nazarethrü Jisu lung lakheah.”

MARK 6:3

Ha Mari tsührü, tüsho Jakob, Josep, Juda, tüsho Simon pürü akhiung sangrhimosorü yung de? Tüsho api niurü aliberübo ha ching isa lung lah.” Tüsho arünü api bahyuk.

LUKNÜ ATHRÜTKHI THIYUSHEAK-ATSÜ HUHTANYU 18:37

Jumonü arünü Nazarethrü Jisu hochoh de api ki tha.

LUKNÜ ATHRÜTKHI THIYUSHEAK-ATSÜ HUHTANYU 2:4

Tüsho Josep she Galilee ching lakhi Nazareth kiuto chingnü, Judea ching Bethlehem de ajikhi David kiuto ching yü, tümütüsho api David yamkhün chingnü alakheah.

LUKNÜ ATHRÜTKHI THIYUSHEAK-ATSÜ HUHTANYU 2:48

Tüsho arünü api ngüchoki müyinsah; tüsho abenü api ki tha, “I tsah-a, tümüde nünü isa ki hade arhimokhea? Kheahang, nü buh tüsho I mulong sansande nü yimde alakheah.”

LUKNÜ ATHRÜTKHI THIYUSHEAK-ATSÜ HUHTANYU 24:27

Tüsho Mosa le wukihrübo kheaknü tankihbah amüsühyu alala ching anihbuh dünkheak ane ki thanaka huh.

LUKNÜ ATHRÜTKHI THIYUSHEAK-ATSÜ HUHTANYU 24:44

Judüki apinü arü ki tha, “Harü ha I nüsa lung lachoki inü nüsa ki, Mosa yakzan tüsho Wukihrübo le Mungshikhünbo ching I dünkheak thaa lakhi alala dünjibah de athakhibo lah.”

LUKNÜ ATHRÜTKHI THIYUSHEAK-ATSÜ HUHTANYU 3:23

Küyimki api thsangyuthsangrapü tankihkhea, Jisu kam 30 azorü lakheah. Mihtsürübonü alümkhi nangde api ju Heli tsührü Josep tsührü lakheah,

LUKNÜ ATHRÜTKHI THIYUSHEAK-ATSÜ HUHTANYU 4:22

Alalanü api dünkheak tsüde asuk, tüsho api mün chingnü akhiukkhi amuzho yubo ju müyinsah; tüsho arünü tha, “Ha Josep tsührü yung de?”

JOHAN 1:44

Kheakü Philip ju Andria le Peter büne kiuto Bethsaida chingnü alakheah.

JOHAN 12:21

Judüki arünü Galilee ching lakhi Bethsaidarü Philip kilim arübah api ki keokhi, “Atobuh, isanü Jisu ngünelah.”

JOHAN 14:8

Philipnü api ki tha, “Atungpuh, isa ki Abuh huhang, tüsho ju isa thsungkheak asuhdah ah.”

JOHAN 18:5

Arünü api ki alo, “Nazarethrü Jisu.” Jisunü arü ki tha, “I api ah.” Tüsho api yinatsühbuh Juda she arü bolung zhip.

JOHAN 18:7

Judüki apinü arü ki keolo, “Nüsanü she yimcho?” Arünü tha, “Nazarethrü Jisu.”

JOHAN 19:19

Kheakü Pilatnü thiyu thrütbah sangkim kheak yihkih. Tüsho athrütkhi ju ha lakheah: Jihudarü kiulongthsüpuh, nazarethrü jisu.

JOHAN 21:2

Simon Peter, rüpde-zübekhi de ajikhi Thoma, Galilee ching Kananrü Nathanael, Zebedee tsührübo, tüsho api jingyanrü püpürü mahne rukhüh lakheah.

JOHAN 6:42

Tüsho arünü tha, “Ha isanü abuh tüsho abe mükheahkhi Josep tsührü Jisu yung de? Apinü küde thsah, ‘I yinmi chingnü akikheah’ de thacho?”

JOHAN 6:5

Judüki Jisunü yimto ato api kilim arükhi abina ngübah Philip ki tha, “Harü tsühpü isanü yikhap küchingnü athuloba?”

JOHAN 6:7

Philipnü api ki alo, “Shotoyinchi nak 200nü athulokhi yikhapnü arü anini abanpü suhdahbah.”

YUNIRÜBO RHIMO 10:38

Nüsanü Nazarethrü Jisu kheak Thrünpuhnü Amüsüh Me tüsho wu dungkihkhi mükheahlah. Apinü lüpdükhi atsü rhimode tüsho Arimri wu bukkhüp lakhi alala thsüngude yü, tümüde api lung Thrünpuh lakheah.

YUNIRÜBO RHIMO 2:22

“Israel mihtsürübo, harü yubo aniang: Nazarethrü Jisu ju khinthiyinbebo, amüyinsahbebo tüsho amütsanbo hode Thrünpuhnü nüsa kilim jih, ju nüsa küdah thsüde mükheahlah.

YUNIRÜBO RHIMO 22:8

Tüsho inü alo, ‘Nü she a Atungpuh?’ Apinü I ki tha, ‘I nünü thsümüchikhi Nazarethrü Jisu ah.’

YUNIRÜBO RHIMO 26:9

“Nazarethrü Jisu mung azhihde ahihdo rhimopü inü she alümkheah.

YUNIRÜBO RHIMO 3:6

Tüshe Peternü tha, “I a shotoyinchi tüsho suna müla, tüshe I tümü lanü inü nü kilim jihchoh; Nazarethrü Jisu mung chingnü tsahang.”