JOHAN 1:38 - AMÜSÜH HÜM CL Bible (BSI)

³⁸ Judüki Jisunü rholo tüsho ane api dunglim yande ngübah tha, “Nüke tümü yimcho?” Anenü api ki tha, “Rabbi (amütsan Thsangyurü), nü küching lacho?”

JOHAN 1:38 Cross References

1 KIULONG THSÜRÜ 10:8

Nü niuberübo asühpü! Nü yamlarübo mutuklode nü ki arürübo tüsho nü lümlung sorü asühpü!

MUNGSHIKHÜN 27:4

Inü Atungpuh ki tümükhüh khülang kheang, ha inü ayimkhi lakheah: junangde inü Atungpuh akhamkhi kheahpü, tüsho arüngyam ching api yimpü I rhangdung amuyung Atungpuh yam ching labah.

MÜCHITMUDU 13:20

Shepü lümlung larü mihtsürü lung tsahchonü lümlung labah, tüshe makharü müyamrübo a athsümünimbah.

MÜCHITMUDU 3:18

Anihbe kheak tholorü kilim hoju rhangdung sangdung ah; düngde anihbe tholorü ki asühpü de jichoh.

MÜCHITMUDU 8:34

Mihtsürü shepünü I ki anicho, I ripitbo kheak nimung aban kheahcho, I khimdopü dungjingbo kheak aleangchonü müngühmühi.

TÜZHOKHI 5:19

O Atungpuh , tüshe nünü lünnü kiulongthsüchoh; nü kiulongthsü-binkiu lünnü lün lachoh.

LUKNÜ ATHRÜTKHI THIYUSHEAK-ATSÜ HUHTANYU 10:39

Tüsho Mari de ajikhi anünürünü she Jisu jing ki bin tüsho api yu ani.

LUKNÜ ATHRÜTKHI THIYUSHEAK-ATSÜ HUHTANYU 14:25

Yimto atonü api dunglim yü. Tüsho apinü rholobah arü ki tha,

LUKNÜ ATHRÜTKHI THIYUSHEAK-ATSÜ HUHTANYU 15:20

Tüsho apinü tsahmusubah abuh kilim arü. Tüshe api limshu ching tsahchokinü, abuhnü api ngübah muzhode lüm, tüsho alihde yübah ahung kheak kap tüsho api müthsüp.

LUKNÜ ATHRÜTKHI THIYUSHEAK-ATSÜ HUHTANYU 19:5

Küyimki ju dangpung ching Jisu arükhea, apinü abinkih-a kheah tüsho api ngü, tüsho api ki tha, “Zakai nahnah akiang, tümüde khihni I nü yam ching binbah.”

LUKNÜ ATHRÜTKHI THIYUSHEAK-ATSÜ HUHTANYU 22:61

Tüsho Atungpuhnü rholobah Peter kheak kheah. Tüsho Peternü apinü anihbuh ki thakhi yu lümkhit, “Thununü mukhungyiki nünü I mahsam ki reanglobah.”

LUKNÜ ATHRÜTKHI THIYUSHEAK-ATSÜ HUHTANYU 8:38

Kheakü mihtsürü shepü kheaknü amünean mebo yankhitkheanü, apinü Jisu lung yüpü mushu. Tüshe Jisunü thiyia tsoshihde api ki tha,

JOHAN 1:37

Jingyanrü mahnenü apinü athakhi so, tüsho anenü Jisu dunglim yan.

JOHAN 1:39

Apinü ane ki tha, “Arübah kheahang.” Anenü yübah api lapung kheah, tüsho ju nimung api lung la (ju anirelim 4 king ngüm lakheah).

JOHAN 1:49

Nathanaelnü alo tüsho api ki tha, “Rabbi, nü a Thrünpuh tsührü ah! Nü Israel kiulongthsüpuh!”

JOHAN 12:21

Judüki arünü Galilee ching lakhi Bethsaidarü Philip kilim arübah api ki keokhi, “Atobuh, isanü Jisu ngünelah.”

JOHAN 18:4

Jumonü Jisunü api kheak dünjipü alala mükheahbah mikhuhlim yü tüsho arü ki tha, “Nüsanü she yimcho?”

JOHAN 18:7

Judüki apinü arü ki keolo, “Nüsanü she yimcho?” Arünü tha, “Nazarethrü Jisu.”

JOHAN 3:2

Ha mihtsürünü azhing ching Jisu ki arübah tha, “Rabbi, nü a Thrünpuh kilimnü arükhi thsangyurü ah de isanü mükheahlah; tümütüsho api lung Thrünpuh müladüa nünü arhimokhi harü khinthiyinbebo shenü mürhimokhuk.”

JOHAN 3:26

Arünü Johan ki arübah tha, “Thsangyurü, Jordan hobah nü lung labuh nünü thiyumütsan jihbuh thsü kheahang, apinü baptichoh, tüsho alala api kilim arüchoh!”

JOHAN 4:31

Ju kim ching jingyanrübonü mushude api ki tha, “Rabbi, tsühyungang.”

JOHAN 6:25

Tüsho arünü api keto thripkhüh ngübah tha, “Rabbi, nü ha ching küyimki arükhea?”

YUNIRÜBO RHIMO 10:21

Peternü mihtsürübo kilim yüki tüsho tha, “Nüsanü ayimkhi ju I ah; nüsa arükhi amütsan tümü a?”

YUNIRÜBO RHIMO 10:29

Jumonü küyimki I jipü arüshihkhea, inü marochihde arü. Dale tümü thsüpü I jipü arüshihkhea de inü nü ki keokhichoh.”

RUTH 1:16

Tüshe Ruthnü alo, “Nü bahbah atsopü I ki dümushu! I nü lung yüanü. Nü küching yübanü I she ayübah, nü küching labanü I she alabah; nü mihtsürü ju I mihtsürü thsübah, tüsho nü Thrünpuh ju I Thrünpuh thsübah.