JOHAN 1:37 - AMÜSÜH HÜM CL Bible (BSI)

³⁷ Jingyanrü mahnenü apinü athakhi so, tüsho anenü Jisu dunglim yan.

JOHAN 1:37 Cross References

MÜCHITMUDU 15:23

Mihtsürü khülang ju nihbuh mün chingnü athakhinü asühpü lah, tüsho kim dükdü ching ayede athakhi yu küdükhüh she atsü la!

ZEKARIA 8:21

kiuto khülang ching larünü püpü ching yüde athabah, “Arang, isanü yübah Atungpuhnü amulungkhi mushuanü, tüsho Wuto Atungpuh yimanü; I a yüchoh.”

JOHAN 1:36

Tüsho api tsahde alachoki Jisu kheak kheahde tha, “Thrünpuh namfimihnunu kheahang!”

JOHAN 1:38

Judüki Jisunü rholo tüsho ane api dunglim yande ngübah tha, “Nüke tümü yimcho?” Anenü api ki tha, “Rabbi (amütsan Thsangyurü), nü küching lacho?”

JOHAN 1:43

Ashidopü Jisunü Galilee ching yüpü pungkhi, tüsho apinü Philip ngübah api ki tha, “I dunglim yanang.”

ROMRÜ KILIM PAULNÜ ATHRÜTKHI KIHÜM HUHTANYU 10:17

Junangde akin ju asokhi chingnü arüchoh, tüsho Khrista dünkheak thsangyuthsangrakhi chingnü asokhi arüchoh.

EFISIA 4:29

Asorü kilim amüthsüm ngüde alü thsüpü yihnüpü atsü kheak hode nüsa mün chingnü amütsü dakhiukshih.

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.