JOHAN 1:34 - AMÜSÜH HÜM CL Bible (BSI)

³⁴ Tüsho ha Thrünpuh tsührü ah de inü ngü tüsho thiyumütsan thsü.”

JOHAN 1:34 Cross References

MUNGSHIKHÜN 2:7

Inü Atungpuh yakzan zhiyukbah: Apinü I ki tha, “Nü I tsührü ah. Khihni I nü buh kamdo.

MATHI 11:27

I Buhnü lüpdükhi I kilim jihdo, tüsho Abuh kheak hode shenü she atsührü mümükheah. Yungsho atsührü tüsho atsührünü api amikheak akhiukshihpü mokhitrübo kheak hobah shenü she Abuh mümükheah.

MATHI 16:16

Simon Peternü alo, “Nü a arhang Thrünpuh tsührü Khrista ah.”

MATHI 17:5

Api thade alachoki, amo ayinatrüm khülangnü arü liudo, tüsho amo chingnü düsheak khülangnü tha, “Ha inü amuzhokhi I tsührü; api kheak inü mulong keamchoh. Api ki aniang!”

MATHI 26:63

Tüshe Jisunü zhikde la. Tüsho achangbe amükeambuhnü api ki tha, “Nü Thrünpuh tsührü Khrista a shi yungnü isa ki thaang de inü arhang Thrünpuh tamde nü ki thachoh.”

MATHI 27:40

tüsho tha, “Nü shepünü arüngyam thsümünimbah nimung mahsam chingnü athsükhipü lanü, nü küdah thsüde khümkhitang! Nü Thrünpuh tsührü a sho sangkim chingnü akiang.”

MATHI 27:43

Apinü Thrünpuh kheak kindo; kheakü apinü anihbuh khümkhitshang; tümüde apinü tha, ‘I Thrünpuh tsührü ah.’ ”

MATHI 27:54

Küyimki bonungrü torü tüsho api lung aheangrübonü muliuyuk züngkhi tüsho adünjikhi alala ngükhea, arünü khide trede tha, “Atsütsü ha Thrünpuh tsührü thsüa lah!”

MATHI 3:17

Tüsho zukleangnü yinmi chingnü düsheak khülangnü tha, “Ha inü tsüde mulong keamkhi, amuzhokhi I tsührü ah.”

MATHI 4:3

Küyimki rükakirü arükheanü api ki tha, “Nü Thrünpuh tsührü a sho, harü lungbo yikhap kampü thiyukhüm jihang.”

MATHI 4:6

tüsho api ki tha, “Nü Thrünpuh tsührü a sho, nü küdah thsüde ayoang, tümüde amüsühyunü thachoh: ‘Thrünpuhnü api yunirü nü thsungkheak jihbah, tüsho nü jinglungnü alo müqiushihde arü khah ching nü shuhkihbah.’ ”

MATHI 8:29

Anenü zhide tha, “Thrünpuh tsührü, nünü isa kheak tümü rhimonela? Akhukhi kim mukhiungyide isa thsümüchipü nü ha ching arükhea shi?”

MARK 1:1

Ha Thrünpuh tsührü Jisu Khrista thiyusheak atsü atankih.

MARK 1:11

Tüsho yinmi chingnü düsheak khülang arü: “Nü inü amuzhokhi I tsührü; nü kheak I mulong keamchoh.”

LUKNÜ ATHRÜTKHI THIYUSHEAK-ATSÜ HUHTANYU 1:35

Tüsho yunirünü alibe ki alojihde tha, “Amüsüh Me nü kheak arübah tüsho Achangbe wunü nü alamdobah; jumonü shepü Amüsüh Khülang zübepü lanü Thrünpuh tsührü de ajibah.

LUKNÜ ATHRÜTKHI THIYUSHEAK-ATSÜ HUHTANYU 3:22

tüsho müthrithrümpü nangde Amüsüh Me api kheak aki, tüsho yinmi chingnü düsheak khülang arü, “Nü inü amuzhodakkhi tsührü; nü kheak inü tsüde mulong keamchoh.”

JOHAN 1:18

Shenü she tümü kim ching she Thrünpuh müngü. Abuh khüh kheak lakhi lapkhiung tsührünü lang api khipkhit.

JOHAN 1:49

Nathanaelnü alo tüsho api ki tha, “Rabbi, nü a Thrünpuh tsührü ah! Nü Israel kiulongthsüpuh!”

JOHAN 10:30

I tüsho I Buh khülang ah.”

JOHAN 10:36

inü I Thrünpuh tsührü de athamonü, Abuhnü tsangkhitde alomi ching arüshihbuh ki, ‘Nünü mükhemükimchoh,’ de nüsanü thacho de?

JOHAN 11:27

Alibenü alo, “Am, Atungpuh, nü ju alomi ching arüpü lakhi Thrünpuh tsührü, Khrista ah de inü mükheahlah.”

JOHAN 19:7

Jihudarünü api ki alo, “Isa yakzan khülang lah, tüsho isa yakzan yande api ashepü tsütsü, tümütüsho api aküdah thsüde Thrünpuh tsührü kamshihdo.”

JOHAN 20:28

Tüsho Thomanü api ki tha, “I Tungpuh tüsho I Thrünpuh!”

JOHAN 20:31

tüshe Jisu ju Khrista, Thrünpuh tsührü de nüsanü akinpü thsüde, tüsho akinkhi hode api mung ching nüsa rhangdung lapü thsüde harü thrüta lah.

JOHAN 6:69

Kheaküshe nü ju Thrünpuh kilimnü arükhi Amüsüh Khülang de isanü kinlah tüsho mükheahlah.”

ROMRÜ KILIM PAULNÜ ATHRÜTKHI KIHÜM HUHTANYU 1:4

amüsühkhitkhi Me ayannü ashe chingnü arhang kamlode, wulade Thrünpuh tsührü de akhipkhitkhi,

2 KORINT 1:19

Thrünpuh tsührü, Jisu Khrista dünkheak nüsa ki thsangyuthsangrarü Silvana le Timothi tüsho I a “Am” tüsho “Yung” de mülakheah; tüshe api lung kamruhroro “Am” de lah.

IBRI 7:3

Abe yungsho abuh, trükji, atankih nimungbo yungsho akheam rhangdung mülade Thrünpuh tsührü kiphahde api lünnü amükeamrü ah.

1 JOHAN 2:23

Shepünü atsührü bahyukchonü Abuh she bahyukchoh. Shepünü atsührü leangkhichonü Abuh she leangkhichoh.

1 JOHAN 3:8

Shepünü neak yihbeakchonü arimri yo ah; tümüde arimrinü atankih chingnü neak yihbeak. Thrünpuh tsührü amikheak akhiukkhi amütsan ju arimri rhimobo thsümünimpü lakheah.

1 JOHAN 4:9

Hanangde Thrünpuhnü isa bolung api amuzho huh: isanü api hode alapü thsüde Thrünpuhnü api tsührü lapkhiung lakhi alomi ching arüshih.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.

2 JOHAN 1:9

Shepünü akhuhlimnü yücho tüsho Khrista kingaün-yakzan ching mülachonü Thrünpuh müla; shepünü kingaünyakzan ching lachonü Abuh tüsho atsührü chido lah.

AMIKHEAKAKHIUKKHI 2:18

“Tüsho Thyatira borü ching yunirü kilim thrütang: ‘Amükbo motru nangde, tüsho ajing müwayinchi phezhingzhingkhi nangde alakhi Thrünpuh tsührü yubo.