JOHAN 1:3 - AMÜSÜH HÜM CL Bible (BSI)

³ Lüpdükhi api hode thrün tüsho thrüna lakhi ching api mübede tümü she mülakheah.

JOHAN 1:3 Cross References

THRÜNTAN 1:1

Atankih ching Thrünpuhnü thüningbo tüsho alomi thrün.

THRÜNTAN 1:26

Judüki Thrünpuhnü tha, “Isanü isa kiphahkhi ching mihtsürü thrünanü; tüsho keto ngüh, thüning wuhnubo, akam-shiwüh tüsho mütüm shiwüh tüsho alo kheak abübe alala kurungkheak arü atungrü thsüshihanü.”

MUNGSHIKHÜN 102:25

Atankih ching nünü alomi khimtanbo thsü, tüsho thüningbo nü khah rhimo ah.

MUNGSHIKHÜN 33:6

Atungpuh yu hode thüningbo, tüsho api mün sheak hode ani, khinu tüsho chiningbo thrün.

MÜCHITMUDU 8:30

judüki I a api ki thsüsonungnürü nangde alakheah; tüsho I a kamruhroro api miki asühachihde nimung aban api asühbe lakheah,

ISAIA 45:12

Inü alomi thrün, tüsho ju kheak mihtsürü thrün; I khahnü thüningbo thoshang tüsho chiningbo ki thiyukhüm jih.

ISAIA 45:18

Tümüde Atungpuhnü ha thachoh, shepünü thüningbo thrünkhea, api Thrünpuh ah; shepünü alomi kamshihkhea tüsho athsükhea, apinü thrünkihdo; apinü akeangkeang zopü müthrün, apinü alashihpü kamshih: I Atungpuh tüsho püpürü müla.

JOHAN 1:10

Api alomi ching lakheah, alomi ju api hode thrün, tüsho alominü api mümükheah.

JOHAN 1:2

Atankih chingnü api Thrünpuh lung lakheah.

1 KORINT 8:6

isa thsungkheak a isa api thsungkheak lakhi Thrünpuh khülang, Abuh lah; tüsho api hode lüpdükhi arükhi tüsho api hode isa lakhi, Atungpuh khülang, Jisu Khrista lah.

EFISIA 3:9

tüsho lüpdükhi thrünrü Thrünpuh kheak lünbo ching rama lakhi aramyu lümkhi mihtsürü alalanü angüshihpü lakheah;

IBRI 11:3

Thrünpuh yu hode alomiküp thrünkheah de akin hode isanü anikhitchoh, junangde tümü ngülanü amülakhi kukruk chingnü thrünkhit.

1 JOHAN 5:1

Jisu ju Khrista de akinrü aban Thrünpuh tsührü ah, tüsho shepünü abuh muzhochonü atsührü she muzhochoh.

AMIKHEAKAKHIUKKHI 3:14

“Tüsho Laodikea ching borü yunirü ki thrütang: ‘Amen de athakhi, athülünkhi, thiyuro thiyumütsan, Thrünpuhnü athrünkhi atankih yubo.

AMIKHEAKAKHIUKKHI 4:11

“Isa Atungpuh tüsho Thrünpuh, müretah, wüntre tüsho wu leangkhipü nü athülün ah, tümüde nünü alala thrün, tüsho nü lümkhinü arü thrün tüsho rhangdung lah.”