JOHAN 1:10 - AMÜSÜH HÜM CL Bible (BSI)

¹⁰ Api alomi ching lakheah, alomi ju api hode thrün, tüsho alominü api mümükheah.

JOHAN 1:10 Cross References

THRÜNTAN 16:13

Judüki alibenü anihbe ki asukbuh Atungpuh mung hade ji: “Nü a I ngübuh Thrünpuh,” tümüde alibenü tha, “Kheakü inü I kheahbuh Khülang ngüdo.”

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

THRÜNTAN 18:33

Jumonü apinü Abraham ki asukachih kheam yanalünde Atungpuhnü api limro ching yü; tüsho Abrahamnü api lapung lim alode yü.

ISAIA 53:3

Api ju mihtsürübonü mükhemükim tüsho bahyuk; mulong tukthsü mihtsürü tüsho thsünümih lakheah; tüshe mihtsürübonü api kheaknü miro ramabah, api mükhemükim thsü, tüsho isanü api mükheyuk.

MATHI 11:27

I Buhnü lüpdükhi I kilim jihdo, tüsho Abuh kheak hode shenü she atsührü mümükheah. Yungsho atsührü tüsho atsührünü api amikheak akhiukshihpü mokhitrübo kheak hobah shenü she Abuh mümükheah.

JOHAN 1:11

Api nihbuh lomi lim arü, tüshe nihbuh mihtsürünü api müleangkhi.

JOHAN 1:18

Shenü she tümü kim ching she Thrünpuh müngü. Abuh khüh kheak lakhi lapkhiung tsührünü lang api khipkhit.

JOHAN 1:3

Lüpdükhi api hode thrün tüsho thrüna lakhi ching api mübede tümü she mülakheah.

JOHAN 1:5

Ayinnü amiting ching tahchoh, tüsho amitingnü ju müyihdokhuk.

JOHAN 17:25

O thiyuro-lungki Abuh! Alominü nü mümükheah, tüshe inü nü mükheahdo; tüsho nünü I thiyikheah de harünü mükheahlah.

JOHAN 5:17

Tüshe Jisunü arü ki alo, “I Buhnü kheakü khiungde rhimochoh, tüsho I she rhimochoh.”

YUNIRÜBO RHIMO 14:17

tüshe apinü anihbuh thiyumütsan mülade müthsü, tümüde apinü atsü rhimo tüsho thüning chingnü tsüng le akheahmünchi ching sangsolungsobonü nüsa mulong reangkeamde asühshihchoh.”

1 KORINT 1:21

Tümütüsho Thrünpuh lümlung ching, alominü arü lümlung hode Thrünpuh mümükheah, tüshe akinrü khümkhitpü isanü thsangyuthsangrakhi makha yu hode Thrünpuh asühshih.

1 KORINT 2:8

Ha lün yakzanshuhrü shenü she ha manikhit; arünü anikhitkhülaa müretahkhi Atungpuh müyümkih-a labah.

1 KORINT 8:6

isa thsungkheak a isa api thsungkheak lakhi Thrünpuh khülang, Abuh lah; tüsho api hode lüpdükhi arükhi tüsho api hode isa lakhi, Atungpuh khülang, Jisu Khrista lah.

KOLOSI 1:16

tümüde api hode alala thrün: Yinmi ching tüsho alomi kheak angübe tüsho amüngübe, kiulongthsü-binkiubo yungsho wubo yungsho yakzanshuhrübo yungsho thiyukhüm-sühmühbo; alala api hode tüsho api thsungkheak thrün.

IBRI 11:3

Thrünpuh yu hode alomiküp thrünkheah de akin hode isanü anikhitchoh, junangde tümü ngülanü amülakhi kukruk chingnü thrünkhit.

1 JOHAN 3:1

Isa Thrünpuh tsührü de ajipü thsüde Abuhnü küdükhüh isa muzholanü kheahang; tüsho junangde isa lah. Alominü isa mümükheahkhi amütsan ju api mümükheahkhinü ah.