JOEL 3:9 - AMÜSÜH HÜM CL Bible (BSI)

⁹ Ha trükshih bolung zhiyukang: Thirithsüpü thsakhamang, thirithsürü thurumusuang. Bonungrü alala phünide bedarang, arü atushang.

JOEL 3:9 Cross References

MUNGSHIKHÜN 96:10

Trükshihbo lung thaang, “Atungpuhnü kiulongthsüchoh; alomiküp she düngde thsüa lah, ha maphap; apinü thiyuro-lungkinü mihtsürübo mahkhapbah.”

ISAIA 34:1

Phünide arang, O trükshihbo, tüsho aniang; O mihtsürübo, nükhün muphoang! Alomi tüsho ju ching lakhi alalanü soshang; alomiküp tüsho ju chingnü arükhi alala.

JEREMIA 31:10

Atungpuh yu aniang, O trükshihbo, tüsho limshu ching keyean lomibo ching zhiyukang; thaang, “Shepünü Israel müzütshihkheanü apinü arü bemukhungbah, tüsho mihnu neakrü nangde api mihnu boto neakbah.”

JEREMIA 50:2

Trükshih bolung thaang tüsho zhiyukang, riphin khimang tüsho zhiyukang, ha düram, thaang: Babilon dümdo, Bel achih ngüdo, Merodak mulong ninido. Anihbe mejak achih ngüdo, anihbe sangthsü mulong ninido.

JEREMIA 51:11

Hühzobo züang! Tsungbo thsakhamang! Atungpuhnü Midia kiulongthsürübo me thurumusudo, tümütüsho Babilon dünkheak api lümkhi ju athsümünimpü lah, tümüde ju Atungpuh royimkhi, api arüngyam royimkhi lah.

JEREMIA 51:27

Lomi ching riphin khülang shuhkihang, trükshih bolung hulipungpung mütang; anihbe azhihde thirithsüpü trükshihbo thsakhamang, anihbe azhihde kiulongthsübo, Ararat, Minni, tüsho Ashkenaz jimukhungang; anihbe azhihde limthorü mokhitang, tangkho boto nangde khorabo hande akhiukang.

JEREMIA 6:4

“Anihbe bede thirithsüpü thsakhamang, asürang, tüsho isanü animuro yananü!” “ Isa are, tümüde nimung hochoh, kerimkih hungshangchoh!”

EZEKIEL 38:17

Atungpuh Thrünpuhnü ha thachoh: Adüso nimungbo ching I yamlarü Israel wukihrübonü arübe nimungbo ching arü azhihde inü bedarüpü kambo müchitkhi ju nü a de?

EZEKIEL 38:7

Thsakhamang; nü tüsho nü mükamde alakhi thirithsürübo tsanglungang, tüsho arü ki thiyukhüm jihang.

MIKA 3:5

Atungpuhnü I mihtsürü bephülaprü wukihrübo dünkheak ha thachoh, sherünü tümükhüh atsühpü lachoki “Mungtsü” zhicho, tüshe sherünü arü mün ching tümü muyukjihnü arü azhihde thirithsü thakhitjihchoh.

HAGGAI 2:7

tüsho inü trükshih alala niukbah, junangde trükshih rahpungbo arübah, tüsho lakhitnü ha yam inü amishihbah, Wuto Atungpuhnü thachoh.

ZEKARIA 14:2

Tümüde inü trükshih alala Jirusalem azhihde keochihpü bemukhungbah, tüsho kiuto lubah tüsho thüyambo lubah tüsho aliberübo reangkihde thsümüchibah; mihtsürü niukshakkhüh ramtso ching yübah, tüshe aningkhi mihtsürü kiuto chingnü müdükheak.

ZEKARIA 14:3

Judüki Atungpuhnü keochih nimung apinü keochihkhi nangde khuhto ching yübah tüsho jurü trükshihbo bede keochihbah.