JOEL 3:2 - AMÜSÜH HÜM CL Bible (BSI)

² inü trükshih alala bemukhungbah tüsho arübo Jehoshaphat Jindükhün ching bede akibah, tüsho I mihtsürü Israel tüsho I yamrüplurüp dünkheaknü inü ju ching arü mahkhapbah, tümütüsho arünü arübo trükshih bolung hiumüzütshih. Arünü I lomi chamnakdo,

JOEL 3:2 Cross References

2 KIUTHSÜYUKHEAN 20:26

Nimung phüyi nipü arünü Beraka jindükhün ching mukhung, tümüde ju ching arünü Atungpuh shijih; jumonü ju dangpung ki khihni khiungde Beraka jindükhün de ajikheah.

ISAIA 66:16

Tümüde Atungpuhnü mo tüsho api nukshang hode mihtsürü alala kheak mahkhapbah; tüsho Atungpuhnü alaksahkhi ahihdo labah.

ISAIA 66:18

Tümüde inü arü rhimobo tüsho arü lümkhi mükheahlah, tüsho trükshih le thiyutha alala bemukhungpü I arüchoh; tüsho arünü arübah I müretahkhi ngübah,

JEREMIA 12:14

Atungpuhnü ha thachoh: Inü I mihtsürü Israel kilim jihkhi yamrüplurüp jangkhirü I phünirü mihbukmuyuk alala inü arü lomi chingnü arukkhitbah tüsho arü bolungnü inü Judarü khümkhitbah.

JEREMIA 25:31

Achangnü azhikhi düsheak alomi akheam ching alankihbah, tümüde Atungpuhnü trükshihbo azhihde amüneahkhibo handarübah; apinü mihtsürü alala kheak mahkhap handarübah tüsho mihbukmuyuk ju nukshang kheak yihkihbah, Atungpuhnü thachoh.

JEREMIA 49:1

Amonrü dünkheaknü Atungpuhnü ha thachoh: Israel tsührü müla de? Api münü müla de? Dale küde thsah Moleknü Gad mükühkhea tüsho api mihtsürü ju kiutobo ching lashihkhea?

JEREMIA 50:17

Israel a kekhüzünü namfimihnu yanmüzütkhi nangde lah. Akhuhde Asiria kiulongthsüpuhnü api muyu, tüsho kheakü akheam ching Babilon kiulongthsüpuh Nebukednezarnü arobo mutro.

EZEKIEL 25:8

Atungpuh Thrünpuhnü ha thachoh: Tümütüsho Moabnü tha, Juda yamkhün ju püpürü trükshihbo alala nangde lah,

EZEKIEL 34:6

I yo namfimihnubo hiumüzütabah, arübo müzüngbo tüsho awung achang alala kheak rümde tsah; I yo namfimihnubo shenü müyimde yungsho arü thsungkheak majuakheahde alomi alala kheak hiumüzüt.

EZEKIEL 35:10

Tümütüsho nünü tha, “Ha trükshih mahne tüsho lomi mahne I yo thsübah, tüsho isanü arü yamalo lubah,”–Atungpuh ju ching laa lalashe–

EZEKIEL 36:1

Tüsho, nü mihtsürü tsührü, Israel müzüngbo ki müchitang, tüsho thaang: O Israel müzüngbo, Atungpuh yu soang.

EZEKIEL 36:5

jumonü Atungpuh Thrünpuhnü ha thachoh: Inü aningkhi trükshihbo tüsho Edom alala azhihde mükthsükhi chingnü inü asukchoh. Arünü mulong athrünkhinü asühachih tüsho bahyukde I lomi yankhia lu tüsho ha rimlopung arü yamalo thsüpü lu.

EZEKIEL 38:22

Arüm-tukthsü tüsho thiyih bukde inü api kheak mahkhappü ching yüzahbah; tüsho inü api le api lung lakhi mihtsürü ahihdo kheak düchi tsüng tüsho arubo, mo tüsho motsüng akishihbah.

EZEKIEL 39:11

Ju nimung Israel ching mibahpung thsüpü Gog kilim dangpung khülang jihbah, keto aniakhiuklim Hantsahrü Jindükhün labah; hanü hantsahrü limro khudobah, tümüde ju ching Gog tüsho api mihbo kiuyuka bahbah; ha Hamon-gog Jindükhün de ajibah.

JOEL 3:12

Trükshihbonü asürüshang, tüsho Jehoshaphat Jindükhün ching atushang; tümüde ju ching inü mühirü trükshih alala mahkhapbah.

JOEL 3:14

Mahkhappü jindükhün ching mihhihlah, mihhihlah! Tümüde mahkhappü jindükhün ching Atungpuh nimung thüninde lah.

AMOS 1:11

Atungpuhnü ha thachoh: Edomnü alochode neak yihbeakkhi dünkheak, inü thsümüchi mululo; tümütüsho apinü nukshang shuhbah nihbuh keoniorü müsham tüsho mihmuzho muhuh; apinü mutukzhakde bukakhiuk tüsho lünnü mulong zhipzhipdo.

MIKA 4:12

Tüshe arünü Atungpuhnü lümkhi mümükheah; arünü apinü rhimopung ching hiphungbo nangde arü hanmukhungkhi api lümkhi thsükhi manikhit.

ZEPHANIA 3:8

Jumonü Atungpuhnü thachoh, inü thiyumütsan thsüde wusurüpü nimung aleangang. Tümüde inü apungkhikhi ju trükshihbo bemukhungpü, kiulongthsübo bemukhungpü, arü kheak I mulong zhipzhip tüsho bukakhiukkhi dungkihpü lah; tümüde I bukakhiukde mo trukhi ching alomi alala aniuabahbah.

AMIKHEAKAKHIUKKHI 11:18

Trükshihbonü bukakhiuk tüsho nü mulong zhipzhip, asherü mahkhappü kim arü, tüsho nü tankihrübo, wukihrübo tüsho amüsührü, nü mung trerü, anini tüsho ato chido thsambah jihpü, tüsho alomi thsümünimrü dükheakshihpü lah.”

AMIKHEAKAKHIUKKHI 16:14

tümüde arübo ju amünean mebo, khinthiyinbebo rhimode, khiungke lim alomiküp kiulongthsürübo kilim Wuto Thrünpuh nimung ato ching thirithsüpü arü bemukhungpü yüchoh.

AMIKHEAKAKHIUKKHI 16:16

Tüsho arünü Ibri yu ching Armageddon de ajikhi dangpung ching arübo bemukhung.

AMIKHEAKAKHIUKKHI 16:6

tümüde mihtsürübonü amüsührü tüsho wukihrübo thiyih bukshihdo, tüsho nünü arü ki thiyih yungshih. Ha arünü athülünkhi ah!

AMIKHEAKAKHIUKKHI 20:8

tüsho alomi thrip phüyi ching lakhi trükshihbo mülapyukpü, Gog tüsho Magog thirithsü bemukhungpü akhiukbah; arü khekhi ju keto loyi nangde lah.