JOEL 2:12 - AMÜSÜH HÜM CL Bible (BSI)

¹² Kheaküshe, Atungpuhnü thachoh, khümkeak thsüde, tripde tüsho tüzhode, nüsa mulong alalanü I kilim rholoang.

JOEL 2:12 Cross References

2 SAMUEL 24:10

Tüshe ju dunglim, David mulong thsümünim tümütüsho apinü mihtsürübo wühkhe lu. Davidnü Atungpuh ki tha, “Inü arhimokhi ching neak tode yihbeakdo. Tüshe kheakü, O Atungpuh , inü nü ki tamkhüntamnüchoh, nü yamlarü neak bahjang; tümüde inü bünkeangbünrude rhimodo.”

2 KIUTHSÜYUKHEAN 30:6

Jumonü yunithsürübo Israel tüsho Juda alala ching, kiulongthsüpuh tüsho atorübo kilimnü kihümbo lubah, kiulongthsüpuh yukhüm yande yü, “O Israel mihtsürübo, Abraham, Isak, tüsho Israel Thrünpuh, Atungpuh kilim rholoang, junangde nüsa Asiria kiulongthsürübo khah chingnü atsokhit-aningkhi kilim apinü arholobah.

2 KIUTHSÜYUKHEAN 6:27

nünü yinmi chingnü sojang, nünü arü ki arünü atsahpung limro atsü thsangyuchoki nü yamlarübo, nü mihtsürü Israel neak bahjang, tüsho nünü nü mihtsürübo ki yamrüplurüp jihkhi lo ching tsüng akishang.

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

ABEKHIT 33:5

Tümüde Atungpuhnü Mosa ki tha, Israelrü ki thaang, “Nüsa anihnih mihtsürü ah. I nüsa lung anükhüh kheak lang she yükhülaa, inü nüsa shahde adükheakshihbah. Kheakü nüsa zülubo yihkhitang, tüsho nüsa kheak tümü rhimobanü inü apungkhibah.”

ISAIA 22:12

Ju nimung ching Wuto Atungpuh Thrünpuhnü atrippü tüsho atüzhopü, ku hütpü tüsho shungliukhim phuyupü jikheah;

ISAIA 58:4

Kheahang, nünü rukachihpü tüsho shochihpü tüsho mihbukmuyuk khah-zhimpungkhi kheak shangpü lang khümkeak thsüchoh. Khihni ha ruk khümkeak thsükhinü nü düsheak achang kheak musoshih.

JEREMIA 3:22

Rholoang, O akin mülakhi tsührübo, inü nüsa akin mülakhi chingnü thsüngujihbah. “He, isa nü kilim arüchoh; tümüde nü a Atungpuh isa Thrünpuh.

JEREMIA 36:7

Khükia arünü mushukhi Atungpuh miki arübah, tüsho arü alala arü amütsü limrobo chingnü rholobah, tümüde ato ju Atungpuhnü ha mihtsürü azhihde athakhi bukakhiukkhi tüsho mulong zhipzhip lah.”

JEREMIA 4:1

Nüsanü rholosho, O Israel Atungpuhnü thachoh, nüsanü I kilim rholosho, nüsanü athraneanbe I mikinü yihkhita bahsho, tüsho tsahphülapde müyüsho,

JEREMIA 4:2

tüsho nüsanü, “Atungpuh lale!” de thiyuro ching, jakmükheahkhi ching, alungki chingnü thiyuchihchimsho, apinü trükshihbo müngühjihbah, tüsho api lung arü müretahbah.

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

DANIEL 9:3

Jushu inü tamkhüntamnü chingnü mushude khümkeak thsüde tüsho shungliukhim yihbah awah ching awuhde Atungpuh T H RÜ NPU H kilim rholode yü.

HOSEA 12:6

Nüsanü nüsa Thrünpuh kilim rholoang, amuzho tüsho thiyuro kheak düngde ramrihang, tüsho arümde nüsa Thrünpuhnü arhimopü aleangang.

HOSEA 12:7

Yinzüyindorü khah ching müdükkhi adünarabe shuhlah; apinü junopü muzhochoh.

HOSEA 14:1

O Israel, Atungpuh nü Thrünpuh kilim rholoang, tümütüsho nü mülimkhinü nü angakdo.

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

JOEL 1:13

Shungliukhim phuyuang tüsho tüzhoang, nüsa amükeamrübo; tüzhoang, nüsa kingaün sadam kheak tankihrübo. Arang, shungliukhim chingnü tsüngre hoshang, nüsa I Thrünpuh tankihrübo! Hi kingaün tüsho ayungbe kingaün nüsa Thrünpuh yam chingnü tukloa lah.

ZEKARIA 7:3

tüsho Wuto Atungpuh yam amükeamrü tüsho wukihrübo ki keokhipü, “ Inü kam ahihdo thsükhi nangde khinu phüngü ching tüzhode khümkeak thsüba shi?”

ZEKARIA 7:5

Lomi mihtsürü alala tüsho amükeamrübo ki thaang: Nüsanü ha kam nerü khinu phüngü tüsho thüne ching khümkeak thsükhi tüsho tüzhokhi ju I thsungkheak lakhea de?

MALAKI 1:9

Tüshe kheakü Thrünpuh amuzho mushuang, junangde apinü isa ki mihmuzho labah. Ha nüsa khahnü rhimoa lachoki, apinü nüsa ki muzhode aleangkhiba de? Wuto Atungpuhnü thachoh.

YUNIRÜBO RHIMO 26:20

tüshe akhuhde Damaska ching larü ki, jushu Jirusalem le Judea lomi alala ching, tüsho khiungkerü ki arünü mulong müthride Thrünpuh kilim rholobah ju thülünde rhimo rhimopü thsüde thsangyuthsangra.

MAHKHAPRÜ 2:4

Junangde küyimki Atungpuh yunirünü Israelrü alala ki thiyu harü ha asukkhea, mihtsürübonü arü düsheak achangnü trip.

MAHKHAPRÜ 20:26

Judüki Israel mihtsürü bonungrü athrünkhi wutubah Bethel ching arü tüsho trip; arünü Atungpuh miki bin tüsho ju nimung arelim khiungde khümkeak thsü, tüsho Atungpuh miki taka kingaünkhi le mungtsü kingaünbo jih.

1 SAMUEL 7:3

Judüki Samuelnü Israel yamkhün alala ki tha, “Nüsa mulong athrünkhinü nüsa Atungpuh kilim rholochosho, dale khiungkerü thrünpuhbo tüsho Astar sangthsübo dükheabahang. Nüsa mulong A TUN GPU H kilim anguhang, tüsho api lang tankihang, tüsho nüsa Filistiarü khah chingnü abekhitbah.”

1 SAMUEL 7:6

Jumonü arünü Mizpa ching bemukhung, tüsho ke khipbah Atungpuh miki buka bah. Arünü ju nimung khümkeak thsü, tüsho tha, “Isanü Atungpuh azhihde neak yihbeakdo.” Tüsho Samuelnü Mizpa ching Israel mihtsürü mahkhap.