JAKOB 1:11 - AMÜSÜH HÜM CL Bible (BSI)

¹¹ Tümüde ani zhipzhip takde akhiukkhinü rim yiuhabahshihchoh; asangbünbo keamkhichoh, tüsho kheahtsübe dükheakchoh. Junangde alarü mihtsürü ju api shothsümolo yüchoki dükheakabahbah.

JAKOB 1:11 Cross References

2 SAMUEL 22:46

Khiungkerübo mulong dükheakabah, tüsho arü chipibo chingnü ajande akhiuk.

MUNGSHIKHÜN 102:11

I nimungbo ju ashangkhi me khülang nangde lah, tüsho rim nangde yiuhabahchoh.

MUNGSHIKHÜN 102:4

I mulong kingdo tüsho rim nangde yiuhabahdo, junangde I yikhap tsühpü inü mihchoh.

MUNGSHIKHÜN 103:15

Mihtsürü thsungkheak a, api nimungbo rim nangde lah; mütüm sangbün nangde api tsüde tochoh.

MUNGSHIKHÜN 37:2

Rim mukuhabahkhi nangde arübo nahde kheamabahbah; sangrungbo yiuhkhi nangde arübo ashebah.

MUNGSHIKHÜN 39:6

Tsükjide mihtsürü aban alamme khülang nangde tsahchoh; tsükjide arü akeangkeang ching zuknukde lah; apinü lakhit wumujungchoh, tüsho shenü jurü lubanü mümükheah.

MUNGSHIKHÜN 90:6

ju yapsu tode abün pungkhitchoh; arelim ju kiushakchoh tüsho yiuhchoh.

T H S AN GYU T H S AN GR ARÜ 5:15

Berü nuyam chingnü mihtsürübo arüdo, junangde arü arükhi nangde bünkeang tsolobah; arünü arhimokhi arü khah chingnü tümü she lubah mutso.

ISAIA 28:1

Ayokhe, Ephraim amüshangrü kükheangkhi kuthran, tüsho ha müretah akheahakham yiuhabahkhi sangbün, küpü amüdanglo dükhün ku kheak la, sherü yukhunü zhidoa la!

ISAIA 28:4

Tüsho ha müretah akheahakham yiuhabahkhi sangbün, küpü amüdanglo dükhün ku kheak lanü, yimlupü müngüh akhuh münkhi khubaso nangde alabah; sherünü ha ngübanü, khah ching arüakede tsühabahchoh.

ISAIA 49:10

arü mükhüm yungsho kemüthüri yungsho apung atak yungsho aninü arü kheak mütak, tümüde shepünü arü kheak müthsümchonü arü bebah, tüsho ayung limpeang arü bebah.

MATHI 13:6

Tüshe küyimki ani akhiukkhea, arü kheak thsahkih, tüsho arü ying mülamonü yiuhabah.

MATHI 20:12

‘Ashu mihtsürübonü kimkhü 1 lang rhimo, tüsho isa nimung amuyung aninü phude arhimorü lung arübo rukhüh kamshihdo.’

MATHI 6:30

Khihni ha ching labah, shido mo ching jipyukbe mütüm sangrung Thrünpuhnü junangde phuyujihchosho, apinü nüsa alü thsüde müphuyujihba de, O nüsa akin anikhüh larübo?

MARK 4:6

Tüshe küyimki ani akhiukkhea, ju phu, tüsho aying mülakhi hode yiuhabah.

1 KORINT 7:31

tüsho sherünü alomi kukruk ahorichonü, arünü mahorikhi nangde laang. Tümüde kheakü alomi hode tsochoh.

1 PETER 1:4

tüsho nüsa khilim yinmi zojihkhi müdükheakbe, mümüneanbe, tüsho müthsümünimbe yamrüplurüp kilim,

1 PETER 5:4

Tüsho küyimki namfimihnu neakrü atobuh arübanü amükheambe müretah kuthran nüsanü angübah.