DANIEL 7:8 - AMÜSÜH HÜM CL Bible (BSI)

⁸ Inü ajuhbo kheahde lashe, arü bolung ajuh püpü khülang anikhüh akhiuk; ju yüzahpü thsüde atan lakhi ajuh mahsam ayingnü thokhita bah. Ha juh ching ju mihtsürü mükjibo nangde mükjibo lakheah, tüsho lülüshishiyu thade mün khülang lakheah.

DANIEL 7:8 Cross References

MUNGSHIKHÜN 12:3

Atungpuhnü münjipjip tüsho kükheangkhi mulo aban zhikde kamshang,

DANIEL 11:36

“ Kiulongthsüpuhnü anihbuh lümkhi rhimobah. Apinü aküdah thsüde anihbuh shuhkihbah tüsho thrünpuh kheaknü atobe lümbah, tüsho thrünpuhbo bolung Thrünpuh azhihde mükhemükimyu thabah. Bukakhiuk kim muhoyi khiungde api kukzamde alabah, tümütüsho tümü lümkihlanü arhimopü tsütsü.

DANIEL 7:19

Jushu inü shiwüh aphüyipü dünkheak thiyuro mükheahpü kün, küpü püpürü alala kheaknü büthsüde lakhea, kihode atrebe, ahü ju yinchi tüsho amüzan ju müwayinchi, junü tsüh tüsho adütre kamde yihnak, tüsho aningkhi ajingnü jung;

2 TESALONIKA 2:4

Apinü azhihbah tüsho aküdah thsüde Thrünpuh ah de ajikhi yungsho kingaünbe kukruk kurungkheak shuhkihbah, junangde api ju Thrünpuh ah de zhiyukde Thrünpuh arüngyam ching binbah.

2 TIMOTHI 3:2

Tümüde mihtsürübo ju nihbuh muzhorü, sho muzhorü, akükheang, bukakhiuk, lülüshishi, bebuhrü ki mihyumanikhi, makshemüjihkhi, mümüsühkhi,

2 PETER 2:18

Küyimki arünü lülüshishide akeangkeang yu asukbanü, arünü shihkünkhi, yakli amütsü hode dükde mülarü bolungnü atsokhirü bephülapchoh.

JUDNÜ ATHRÜTKHI KIHÜM HUHTANYU 1:16

Harübo ju jijineahneahrü tüsho mührü müdamrü, nihbuh amütsü künkhi yanchoh, thiyu-tode kükheangchoh, alü thsüpü mihtsürü thsungyukchoh.

AMIKHEAKAKHIUKKHI 13:1

Tüsho shiwüh khülang keto chingnü, ajuh thürü tüsho aku thüne, ajuhbo kheak kuthran thürü tüsho akubo kheak athruaji mung kihbah akhiukde inü ngü.

AMIKHEAKAKHIUKKHI 9:7

Tangkhobo ju khorabo thirithsüpü duklangkhi nangde alakheah; arü kubo kheak ju akheahpü suna kuthranbo nangde, arü mirobo ju mihtsürü mirobo nangde,

1 SAMUEL 2:3

Khide kükheangde thiyu dütha, akükheang yu nü mün chingnü dakhiukshih; tümüde Atungpuh ju mükheahmudu Thrünpuh ah, tüsho apinü rhimobo adünchoh.