2 SAMUEL 6:2 - AMÜSÜH HÜM CL Bible (BSI)

² David tüsho api lung mihtsürü alala Baale-juda chingnü tsahmusubah, cherubim dükeak binkhi Wuto Atungpuh mung hanbah Thrünpuh sangdan ju chingnü lubah atupü yü.

2 SAMUEL 6:2 Cross References

2 SAMUEL 22:11

Api cherub kheak bin, tüsho phin; api apung ghidükeangbo kheak ngü.

MUNGSHIKHÜN 80:1

Aniang, O Israel neakbuh, nü shepünü mihnu boto nangde Josep becho; nü shepü cherubim dükeak zhingzhingde la!

MUNGSHIKHÜN 99:1

Atungpuhnü kiulongthsüchoh; mihtsürübo ajanshang! Api cherubim dükeak lah; alomi aphapshang!

ISAIA 47:4

Isa Rhokhitrü– Wuto Atungpuh ju api mung– Israel Amüsüh Thrünpuh.

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

JIHUSUA 15:60

Kiriath-baal (ju Kiriath-jearim) tüsho Rabba: kiulongbo bebah kiuto 2.

1 PETER 1:12

Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.

1 SAMUEL 4:4

Jumonü arünü mihtsürübo Shilo ching yüshih tüsho cherubim dükeak binkhi Wuto Atungpuh tangzüng sangdan ju chingnü lubah arü. Eli tsührü mahne, Hophni tüsho Phinehas Atungpuh tangzüng sangdan lung arü.

1 SAMUEL 6:21

Jumonü arünü yunithsürübo Kiriath-jearim ching larü kilim yüshih tüsho tha, “Filistiarünü Atungpuh sangdan jihloa arüshihdo. Akiang tüsho nüsanü shuh-a lung.”

1 SAMUEL 7:1

Kiriath-jearim mihtsürübo arübah Atungpuh sangdan shuh-a lu, tüsho ju awung kheak Abinadab yam ching hande arü. Arünü Atungpuh sangdan kheahshihpü thsüde api tsührü Eleazar müsühkhit.