2 KIUTHSÜYUKHEAN 7:6 - AMÜSÜH HÜM CL Bible (BSI)

⁶ Amükeamrübonü nihbuh dangpung kheak zhip. Levirübonü she Atungpuh mungshi jihpü kiulongthsüpuh Davidnü athsükhi khün-khungbe shuhbah tha, “Tümüde apinü muzhokhi lünnü lah.” Arü mikhuh ching amükeamrübonü hulipungpungbo khung; tüsho Israel alala zhip.

2 KIUTHSÜYUKHEAN 7:6 Cross References

1 KIUTHSÜYUKHEAN 13:8

David tüsho Israel alalanü arü sühmüh alalanü, khündung khünyubo, bingshangbo, züpzüppü, larüpbo tüsho hulipungpungbo khungde Thrünpuh miki tsün.

1 KIUTHSÜYUKHEAN 15:24

Shebania, Joshaphat, Nethanel, Amasai, Zekaria, Benaia, tüsho Eliezer, amükeamrübonü Thrünpuh sangdan müngüh hulipungpungbo müt. Obed-edom tüsho Jehia ane she sangdan ripit aheangrü thsü.

1 KIUTHSÜYUKHEAN 16:34

O Atungpuh kilim makshe jihang, tümüde api tsülah; tümüde api amuzho lünnü lah.

2 KIUTHSÜYUKHEAN 23:18

Jehoiadanü Atungpuh yam kümshihpü Levirü amükeamrübo ki thiyi. Arübo Mosa yakzan ching thrüta lakhi nangde Atungpuh yam neakpü, David yukhüm yande asühachihde tüsho khün thsüde Atungpuh kilim taka kingaünkhi jihpü Davidnü thiyia lakheah.

2 KIUTHSÜYUKHEAN 29:25

Apinü Levirübo larüpbo, bingshangbo, bingkhungbo shuhbah, David tüsho kiulongthsüpuh yo angürü Gad tüsho wukihbuh Nathan yukhüm yande Atungpuh yam ching bemukhung, tümüde thiyukhüm ju api wukihrübo hode Atungpuh kilimnü alakheah.

2 KIUTHSÜYUKHEAN 29:27

Jushu taka kingaünkhi jihpü Hezekianü thiyukhüm jih. Küyimki taka kingaünpü tankihkhea, Atungpuh kilim khün thsüpü she tankih, tüsho Israel kiulongthsüpuh David yo kingzükingdobe bebah hulipungpungbo khung.

2 KIUTHSÜYUKHEAN 5:12

tüsho khün thsürü Levirü alala, Asaph, Heman, tüsho Jeduthun, arü tsührübo tüsho buhtsührübo khimthünak atsüdak yihbah, hulipungpung mütrü amükeamrü 120 lung larüpbo, bingshangbo, bingkhungbo shuhbah kingaün sadam aniakhiuklim zhip).

2 KIUTHSÜYUKHEAN 5:13

Atungpuh kilim rüpde mungshipü tüsho makshe jihpü ju hulipungpung mütrü tüsho khün thsürü rhimo lakheah, tüsho küyimki hulipungpung, larüp tüsho püpü kingzükingdobe shuhbah Atungpuh shide khün thsükhea, “Tümüde api tsülah, tümüde apinü düküngde muzhokhi lünnü lah,” Atungpuh yam ju amonü miabah,

2 KIUTHSÜYUKHEAN 7:3

Küyimki mo tüsho Atungpuh müretah akikhi Israel mihtsürü alalanü angükhea, arünü jing tsahpung kheak arü miro alo lim mükhümde kingaün tüsho Atungpuh ki makshe jihde tha, “Tümütüsho api tsülah, tümütüsho api muzho lünnü lah.”

2 KIUTHSÜYUKHEAN 7:5

Kiulongthsüpuh Solomonnü moshipung 22,000 tüsho namfimihnu 120,000 laksah-a kingaün. Jumonü kiulongthsüpuh tüsho mihtsürü alalanü Thrünpuh yam müsükhit.

EZRA 6:18

Mosa hüm ching lakhi yande, amükeamrü tüsho Levirübo buh rhimomo Thrünpuh khin shuhpü Jirusalem ching zojih.

MUNGSHIKHÜN 106:1

Atungpuh shiang! O, Atungpuh kilim makshe jihang, tümüde api tsülah; tümütüsho api amüthsüm lünnü rünkhiungde lah.

MUNGSHIKHÜN 107:1

O, Atungpuh kilim makshe jiang, tümüde api tsülah! tümütüsho api amüthsüm lünnü rünkhiungde lah.

MUNGSHIKHÜN 138:8

Atungpuhnü I thsungkheak apinü alokhikhi dünjishihbah; O Atungpuh , nü amüthsüm lünnü rünkhiungde lah; nü khah rhimobo dübahyuk.

MUNGSHIKHÜN 87:7

Khün thsürü tüsho kingzükingdorü chidonü thachoh, “I ke-bukpung alala nü kheak lah.”

ISAIA 52:6

Jumonü I mihtsürünü I mung mükheahbah; jumonü ju nimung ching asukbuh ju I ah de arünü mükheahbah: Kheahang, ha I ah.

AMOS 6:5

shepünü khün müjimpü küncho, tüsho David nangde khün-khungbe kingcho;

JIHUSUA 6:4

Amükeamrü thünenü namfimihnupung juhnü athsükhi hulipungpung shuhbah tangzüng sangdan müngüh yüshang. Nimung athüne nipü amükeamrübonü hulipungpung mütde, nüsanü kiuto thüne ki mükamde tsahang.