2 KIUTHSÜYUKHEAN 4:6 - AMÜSÜH HÜM CL Bible (BSI)

⁶ Apinü müsühmüra-phuru thsü, tüsho tsülim peang 5 zo, tüsho huzulim peang 5 zo. Harü ching arünü taka kingaünbe müsüh. Kekung ju amükeamrübo thsungkheak müsühmürapung lakheah.

2 KIUTHSÜYUKHEAN 4:6 Cross References

1 KIULONG THSÜRÜ 7:38

Apinü lolungbe abande khülang khülang müwayinchinü müsühmüraphuru 10 thsü; müsühmüra-phuru abande pungdüchi 800, tüsho adünkhi khahngak 4 lakheah.

1 KIULONG THSÜRÜ 7:40

Huramnü phühbo, alo-thsukbe, tüsho müsühmüra-phurubo she thsü. Jumonü Huramnü kiulongthsüpuh Solomon thsungkheak Atungpuh yam kheak rhimo alala thsükham:

2 KIUTHSÜYUKHEAN 4:2

Jushu apinü azünkhi kekung thsü; ju thulungde alakheah, atolim khahnap 10, tüsho achanglim khahnap 5, tüsho mükamde khahnap 30.

MUNGSHIKHÜN 51:2

Inü alakmihkhibo müsüh-a bahjang, tüsho I neak chingnü I müsühjang.

ABEKHIT 29:4

Tüsho Aron le atsührübo ashorupung khimyam limro ki bede arang tüsho kemüyihjang.

ABEKHIT 30:17

Atungpuhnü Mosa ki tha,

EZEKIEL 40:38

Chipiripit mükü ching khimdopü bede akhiungshak khülang, taka kingaünbe müsühpung lakheah.

LEVI 1:13

tüshe apinü bukning le jingkhahbo kenü amüsühbah, tüsho amükeambuhnü alala lua kingaünpung kheak Atungpuh ki taka kingaün jihbah. Ha taka kingaünkhi rhümnü Atungpuh asühshihchoh.

LEVI 1:9

tüshe bukningbo le ajingbo apinü kenü müsühabahbeah. Tüsho amükeamrünü ju alala Atungpuh asühshihpü kingaün sadam kheaknü arhümthüneade atakbah.

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

IBRI 9:14

lün lakhi Me hode areak mükihde Thrünpuh kilim anihbuh jihkhi Khrista thiyihnü ashekhi rhimo chingnü arhang Thrünpuh tankihpü nüsa lümkhi küdükhüh she atsangkhitba!

IBRI 9:23

Hanangde yinmi kukrukbo kheahkhikhi ju atsangkhitpü yihnüpü lakheah, tüshe yinmi kukrukbo a harü kheaknü atsüdakbe shuhmülanga jihkhibo lah.

1 JOHAN 1:7

tüshe api ayin ching lakhi nangde isanü ayin ching tsahsho, isanü khülangnü khülang ki arihako lah, tüsho api tsührü Jisu thiyihnü neak alala chingnü isa müsühjihchoh.

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.