2 KIUTHSÜYUKHEAN 32:11 - AMÜSÜH HÜM CL Bible (BSI)

¹¹ Nüsa khümzung tüsho kethürinü asheshihpü, Hezekianü nüsa ki, ‘Atungpuh isa Thrünpuhnü Asiria kiulongthsüpuh khah chingnü isa khümkhitbah?’ de thade bemüchihchoh yung de?

2 KIUTHSÜYUKHEAN 32:11 Cross References

2 KIULONG THSÜRÜ 18:27

Tüshe limthobuhnü arü ki tha, “I putungrünü harü yu nüsa putungrü tüsho nüsa ki thapü I arüshihkhea de, tüsho chipi kheak binrü nüsa lung nihbuh khih tsühpü tüsho nihbuh phüyanke yungpü larü ki yung de?”

2 KIULONG THSÜRÜ 18:30

Hezekianü ha thade, Atungpuh kheak düthsün dangüshih, Tsükjide Atungpuhnü isa bekhitbah, tüsho ha kiuto Asiria kiulongthsüpuh khah ching müjih.’

2 KIULONG THSÜRÜ 19:10

“Nünü Juda kiulongthsüpuh Hezekia ki ha thaang: Jirusalem ju Asiria kiulongthsüpuh khah ching muyukjih de alokhikhi hode nünü düthsün angübuh nü Thrünpuhnü nü düthsungyukshih.

2 KIUTHSÜYUKHEAN 32:10

“Asiria kiulongthsüpuh Sennakeribnü ha thachoh: Nüsa tümü kheak mulong ramde, nüsa zündoa lakhi Jirusalem ching la?

2 KIUTHSÜYUKHEAN 32:12

Ha Juda tüsho Jirusalem ki, ‘Nüsanü kingaün sadam khülang miki kingaünbah, tüsho nüsanü ju kheak rhümthüneabe takbah’ de thade api achang dangpungbo tüsho kingaün sadambo hande atsokhi Hezekia yung de?

2 KIUTHSÜYUKHEAN 32:15

Kheakü jumonü, Hezekianü hanangde nüsa dümülapyukshih yungsho dübemüchihshih, tüsho api kheak dükin; tümüde tümü trükshih yungsho kiulongthsü thrünpuhnü api mihtsürü I yungsho I jirüpürü khah chingnü bekhitkhukde mülakheah. Nüsa Thrünpuhnü nüsa I khah chingnü dükde mübekhitkhuk!”

MUNGSHIKHÜN 22:8

“Apinü Atungpuh kheak kindo, apinü anihbuh khümkhitshang; apinü anihbuh bekhitshang, tümütüsho apinü anihbuh kheak asühlah!”

MUNGSHIKHÜN 3:2

ahihkhühnü I dünkheak, Thrünpuhnü api murung de thachoh.

MUNGSHIKHÜN 42:10

Arünü mükhemükimkhinü I züthünaka lah, arünü I ki nimung amuyung keochoh, “Nü Thrünpuh kükheak la?”

MUNGSHIKHÜN 71:11

tüsho thachoh, “Thrünpuhnü api bahyukdo; müshamang tüsho api luang, tümüde api bekhitrü she müla.”

ISAIA 36:12

Tüshe Rabshakenü tha, “ I putungrünü harü yubo nüsa putungrü tüsho nüsa ki asukpü I arüshihkhea de, tüsho rhü ki binrü mihtsürübo ki a yungde, sherübo nüsa lung nihbuh khih tsühpü tüsho phüyanke yungpü akhukhita la?”

ISAIA 36:18

Atungpuhnü isa bekhitbah de Hezekianü thade nüsa dübemüchihshih. Trükshih thrünpuhbo khürünü arü lomi Asiria kiulongthsüpuh khah chingnü bekhitdo de?

MATHI 27:43

Apinü Thrünpuh kheak kindo; kheakü apinü anihbuh khümkhitshang; tümüde apinü tha, ‘I Thrünpuh tsührü ah.’ ”