2 KIUTHSÜYUKHEAN 20:4 - AMÜSÜH HÜM CL Bible (BSI)

⁴ Judanü Atungpuh kilimnü arung yimpü mukhung; Juda kiuto alala chingnü arünü Atungpuh yimpü arü.”

2 KIUTHSÜYUKHEAN 20:4 Cross References

2 KIUTHSÜYUKHEAN 11:16

Israel Thrünpuh, Atungpuh yimpü mulongrü arü jipürü Thrünpuh, Atungpuh kilim laksah-a kingaünpü Israel trük alala chingnü arü dunglim Jirusalem ching arü.

2 KIUTHSÜYUKHEAN 19:5

Apinü chipi ayünkhi Juda kiuto alala abande lomi ching mahkhaprü zojih,

2 KIUTHSÜYUKHEAN 20:5

Jehoshaphatnü Atungpuh yam ching, khikzhakpung aso müngüh Juda tüsho Jirusalem mukhungkhi ching zhip,

2 KIUTHSÜYUKHEAN 7:14

I mung chingnü ajikhi I mihtsürübonü azhihayihsho, tamkhüntamnüsho, I miro yimsho, tüsho arü limrobo amütsü chingnü rholosho, inü yinmi chingnü sojihbah arü neak bahjihbah tüsho arü lomi thsüngujihbah.

EZRA 8:21

Judüki isa tsührübo, kukrukbo tüsho isa thsungkheaknü limro mukhiungarihdo yimkhita lupü thsüde, Thrünpuh ki isa küdah thsüde azhihayihde khümkeak thsüpü Ahava ayung kinü inü zhiyuk.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 56:4

Inü Thrünpuh kheak kinchoh tüsho I mütre; apinü alokhikhi dünkheak inü api shichoh. Mihtsürünü I ki tümü thsükhukpü?

MUNGSHIKHÜN 69:35

Tümüde Thrünpuhnü Zion khümkhitbah tüsho Juda kiutobo thsübah, junangde ju ching mihtsürübo labah tüsho müküh-a lubah;

JOEL 1:14

Khümkeak khülang lapü zhiyukang, amüsüh amukhung khülang lapü jiang. Azothsürübo tüsho lomi mihtsürü alala Atungpuh nüsa Thrünpuh yam ching mukhungang tüsho Atungpuh ki zhiang.

AMOS 5:4

Tümüde Atungpuhnü Israel yamkhün ki ha thachoh: I yimang tüsho laang;

ZEPHANIA 2:1

Rukhüh mukhungang, mukhungang, O machihkhi trükshih,