2 KIUTHSÜYUKHEAN 2:3 - AMÜSÜH HÜM CL Bible (BSI)

³ Solomonnü Tair kiulongthsüpuh Hiram kilim thiyu yüshih: “ Khülang ki nünü I buh David kheak tsüde lado tüsho api lapü thüyam thsüshihpü cedar sang mühahdo, junangde I ki rhimoang.

2 KIUTHSÜYUKHEAN 2:3 Cross References

2 SAMUEL 5:11

Tair kiulongthsüpuh Hiramnü yunithsürübo, cedar sangbo, sangrhimosorü tüsho lungzünrü bebah David yam thsüpü yüshih.

1 KIUTHSÜYUKHEAN 14:1

Tair kiulongthsüpuh Hiramnü cedar sangthulungbo mühahbah yunithsürübo tüsho lungzünrü le sangrhimosorü David kilim thüyam thsüpü yüshih.

2 KIUTHSÜYUKHEAN 13:11

Arünü yapsu tüsho are aban taka kingaünkhi tüsho rhümthüneabe Atungpuh kilim ahuhbe yikhap akhinashunü amüsüh dükhüm kheak zojih tüsho tsünpungbo are aban takshihpü suna tsünpung dubopung küm; tümüde isanü Atungpuh isa Thrünpuh yukhüm zo, tüshe nüsanü api bahyukdo.

2 KIUTHSÜYUKHEAN 24:14

Küyimki arünü abankhea, arünü aningkhi sho kiulongthsüpuh tüsho Jehoiada kilim lubah arü, tüsho junü Atungpuh yam thsungkheak pungphurubo, mukhungmüdan tüsho taka kingaünpü thsungkheak pungphurubo, mopungphüh, tüsho suna le shotoyinchi kukrukbo thsü. Jehoiada nimungbo alala ching arünü Atungpuh yam ching taka kingaünkhi mutukzhakde jih.

2 KIUTHSÜYUKHEAN 4:19

Jumonü Solomonnü Thrünpuh yam ching lakhi kukruk alala thsü: suna kingaün sadam, Thrünpuh kilim jihpü yikhap zopung dükhümbo,

2 KIUTHSÜYUKHEAN 8:13

nimung aban yihnüpü rhimo, Mosa yukhüm yande amunibo, khinu aso, tüsho kam kheam thünio mahsam thsungkheak jih–phaüm muyukkhi thünio, yimlukhi thünio, yünthsünio.

EZRA 6:3

“Sairus kiulongthsü atan kam Jirusalem ching arüngyam ju taka kingaünde alapung ching thsüloshang de apinü thiyukhüm jih: Arüngyam ju achanglim limthrip 27 tüsho apunglim limthrip 27 thüne thsübeah.

NEHEMIA 10:34

Yakzan ching lakhi nangde shepü guknü Atungpuh isa Thrünpuh ki taka kingaünpü sang jihbanü kam aban akhukhitkhi kim ching isa mihtsürübo, amükeamrübo, tüsho Levirübonü azan thsüde alabah.

ABEKHIT 25:30

Tüsho nüsanü kamruhroro I miki dükhüm kheak amüsüh yikhap zoang.

ABEKHIT 29:38

“Nünü nimung aban kam khülang bankhi namfimihnunu 2 kingaün sadam kheak mutukzhakde jihang.

ABEKHIT 29:39

Khülang yapsu jihang tüsho püpü ju shuhyini ching jihang.

ABEKHIT 29:41

Mahnepü namfimihnunu ju shuhyini ching laksah-a kingaünang, tüsho yapsu jihkhi ayikangkang, oliv müdangke tüsho yukhu lungnü Atungpuh kilim arhümthüneade taka kingaünang.

ABEKHIT 30:7

Aronnü yapsu aban tsünpung kümpü arüchoki kingaün sadam kheak jinjinlak takbeah.

LEVI 23:2

Israel trükbo ki thaang: Harü ha akhukhitkhi Atungpuh thüniobo, nüsanü amüsüh amukhung ah de azhiyukpü lah.

LEVI 9:17

Judüki apinü müyikhüh lubah hi kingaün handarü, tüsho yapsu shuhmülanga takkhi lung kingaün sadam kheak tak.

WÜHKHE 28:11

Khinu aban akhuhbe nimung nüsanü Atungpuh kilim harü taka kingaünang: moshipung nunu 2, mihnupung 1, tüsho kam khülang bankhi lapha mükihkhi namfimihnunu 7;

WÜHKHE 28:9

Tüsho amunimung kam khülang bankhi namfimihnunu lapha mükihkhi 2 tüsho ayikangkang khahngak 2 ching oliv müdangke yukbah hi kingaün tüsho ayungbe kingaün jihang.