2 KIUTHSÜYUKHEAN 19:4 - AMÜSÜH HÜM CL Bible (BSI)

⁴ Jehoshaphat Jirusalem ching lakheah; judüki api Beersheba chingnü Ephraim awung lomi lim mihtsürü bolung alode wukhiuk, tüsho arübo arü jipürü Thrünpuh, Atungpuh kilim belode arü.

2 KIUTHSÜYUKHEAN 19:4 Cross References

THRÜNTAN 21:14

Jumonü Abrahamnü yapsu mükikde asürü, tüsho yikhap le shihküp-keluh lubah Hagar dubuh kheak yihkihjih tüsho azübuh ju bebah thiyia tsoshih. Alibenü chamachih tüsho Beersheba sunglo ching rümde tsah.

THRÜNTAN 21:33

Abrahamnü Beersheba ching tamarisk sang khülang khim tüsho ju ching apinü akheam müla Thrünpuh, Atungpuh mung ji.

MALAKI 4:6

Apinü bebuhrü mulongbo arü tsührübo kilim rholoshihbah, jude yungsho I arübah tüsho ju muthrumüneannü lomi shikbah.

MATHI 25:16

Judüki suna shonak 5000 leangkhibuhnü yübah jurünü shothsübu, tüsho püpü alü 5000 kamshih.

LUKNÜ ATHRÜTKHI THIYUSHEAK-ATSÜ HUHTANYU 1:17

Apinü bebuhrü mulong tsührübo kilim, tüsho mihyumanirü thiyuro lümlung lim rholoshihde Atungpuh thsungkheak mihtsürübonü athsakhamshihpü Elija me tüsho wu chingnü Atungpuh müngüh yübah.”

JIHUSUA 17:15

Jihusuanü alo, “Nüsa khide hihdaklasho tüsho Ephraim awung lominü mathsangsho, Periz tüsho Rephaim lo ching yübah nüsa lo thsüpü murung kimang.”

MAHKHAPRÜ 19:1

Judüki nimungbo ching Israel ching kiulongthsürü mülade alakheah. Kheakü Ephraim awung lomi ashang ching lakhi Levirü khülangnü Juda ching lakhi Bethlehem chingnü hanniube khülang lu.

MAHKHAPRÜ 20:1

Judüki Israelrü alalanü Dan chingnü Beersheba tüsho Gilead lomi chingnü akhiukbah Atungpuh miki Mizpa ching mukhung.