2 KIUTHSÜYUKHEAN 17:4 - AMÜSÜH HÜM CL Bible (BSI)

⁴ tüshe apinü anihbuh abuh Thrünpuh yim tüsho Israel limro müyande api yukhümbo yande tsah.

2 KIUTHSÜYUKHEAN 17:4 Cross References

1 KIULONG THSÜRÜ 12:28

Jumonü kiulongthsüpuhnü lümkhi lu tüsho suna moshi nunu mahne thsü. Apinü mihtsürübo ki tha, “Nüsa Jirusalem lim khide shude wutudo. O Israel, nüsa Ijip lo chingnü bekhitkhi nüsa thrünpuhbo ha kheak lah.”

1 KIULONG THSÜRÜ 12:30

Tüsho ha neak kamabah, tümüde mihtsürübonü yübah khülang miki Bethel ching tüsho püpü miki Dan khiungde kingaün.

1 KIULONG THSÜRÜ 12:33

Api zangrünü akhukhitkhi khinu tizheah thürükheak phüngü nipü Bethel ching apinü athsükhi kingaün sadam lim wutu; apinü Israel mihtsürübo thsungkheak thünio akhukhit, tüsho rhümthüneabe jihpü api kingaün sadam lim wutu.

1 KIULONG THSÜRÜ 3:3

Solomonnü abuh David yakzanbo ching tsahde Atungpuh muzho; tüshe apinü she achang dangpungbo kheak laksah-a kingaün tüsho rhümthüneabe jih.

1 KIULONG THSÜRÜ 9:4

Nü thsungkheaknü, mürangkhüh nünü nü buh Davidnü thiyuro mulong tüsho alungki ching tsahkhi nangde, inü nü kilim thiyukhüm jihkhi alala ayannü rhimode tüsho I yakzanbo tüsho yuzüngbo anide I miki tsahsho,

2 KIULONG THSÜRÜ 17:19

Judanü she Atungpuh arü Thrünpuh yukhüm mani tüshe Israelnü ahuhkhi jipü-yakli ching tsah.

2 KIULONG THSÜRÜ 8:18

Apinü Ahab yamkhünnü arhimokhi nangde, Israel kiulongthsürübo limro ching tsah, tümüde api niube ju Ahab tsührü lakheah. Atungpuh miki amütsü apinü rhimo.

2 KIUTHSÜYUKHEAN 14:6

Lomi sühakhimde alachoki kiutobo thsü. Ju nimungbo ching apinü thiri müthsü, tümüde Atungpuhnü api kilim mungtsü jih.

2 KIUTHSÜYUKHEAN 17:3

Jehoshaphat lung Atungpuh lakheah, tümütüsho apinü adüso abuh limrobo ching tsah; apinü Baalbo müyim,

2 KIUTHSÜYUKHEAN 21:12

Wukihbuh Elija kilimnü kihüm khülang api kilim arüshihde tha: “Atungpuh , nü buh David Thrünpuhnü ha thachoh: Tümütüsho nünü nü buh Jehoshaphat yungsho Juda kiulongthsüpuh Asa limrobo ching mütsah,

2 KIUTHSÜYUKHEAN 22:9

Apinü Ahazia yim; Samaria ching jikde alachoki arünü api ram tüsho Jehu kilim bede arü, tüsho laksah. Arünü api kiuyukabah, tümüde arünü tha, “Api Jehoshaphat tsührü-tsührü ah, apinü api mulong athrünkhinü Atungpuh yim.” Tüsho Ahazia yamkhün ching kiulongthsü yakzan shuhkhukpü thsüde she mülade alakheah.

2 KIUTHSÜYUKHEAN 27:6

Jumonü Jotham sühmüh zahde kam tümütüsho apinü Atungpuh anihbuh Thrünpuh miki thiyuronü tsah.

2 KIUTHSÜYUKHEAN 29:2

Api jipürü Davidnü arhimokhi nangde apinü Atungpuh miki alungki rhimo.

2 KIUTHSÜYUKHEAN 34:2

Apinü Atungpuh miki alungki rhimo, tüsho anihbuh jipürü David limrobo ching tsah; apinü tsülim yungsho huzulim manguh.

HOSEA 4:15

Nünü yüliyüra ahoriri she, O Israel, Juda amülim dükamshih. Gilgal ching düyüzah, yungsho Beth-aven ching duwutu, tüsho “Atungpuh lale,” de thiyuchihchim düthsü.

LUKNÜ ATHRÜTKHI THIYUSHEAK-ATSÜ HUHTANYU 1:6

Ane chido Thrünpuh miki alungki, Atungpuh yukhüm tüsho thiyuzüngbo yande jakreak mükihde alakheah.

1 TESALONIKA 2:12

Isanü nüsa ki api kiulongthsü tüsho müretahkhi ching nüsa jibuh Thrünpuh ki thülünde rhangdung lapü mulong toshihdo, mulong shukheamdo, tüsho tuthsukde lado.

1 TESALONIKA 4:1

Akheam ching, keoniorübo, nüsanü künangde alaba tüsho Thrünpuh asühshihbanü isa kheaknü anikhitbah rhimode alakhi nangde alü thsüde rhimoang de Atungpuh Jisu mung chingnü nüsa ki mushude tuthsukchoh.