2 KIUTHSÜYUKHEAN 17:3 - AMÜSÜH HÜM CL Bible (BSI)

³ Jehoshaphat lung Atungpuh lakheah, tümütüsho apinü adüso abuh limrobo ching tsah; apinü Baalbo müyim,

2 KIUTHSÜYUKHEAN 17:3 Cross References

THRÜNTAN 39:21

Tüshe Josep lung Atungpuh lakheah tüsho api ki amüthsüm huh, tüsho rihyam aheangrü miki api amuzho ngüshih.

2 SAMUEL 5:10

Tüsho David atobe tüsho atobe kam, tümüde Atungpuh Wuto Thrünpuh api lung lakheah.

2 SAMUEL 8:15

Jumonü Israel alala kurungkheak Davidnü kiulongthsü; tüsho Davidnü thiyuro tüsho alungkinü api mihtsürü alala ki rhimo.

1 KIULONG THSÜRÜ 11:6

Jumonü Solomonnü küpü Thrünpuh miki amütsü lakheanü ju rhimo, tüsho abuh Davidnü arhimokhi nangde shahde Atungpuh müyan.

1 KIULONG THSÜRÜ 22:43

Apinü abuh Asa limro alala ching tsah; Atungpuh miki alungki rhimode, apinü ju chingnü manguh; judüalalashe achang dangpungbo lude mutso, tüsho mihtsürübonü kheaküshe laksah-a kingaün tüsho achang dangpungbo kheak rhümthüneabe jih.

1 KIULONG THSÜRÜ 3:3

Solomonnü abuh David yakzanbo ching tsahde Atungpuh muzho; tüshe apinü she achang dangpungbo kheak laksah-a kingaün tüsho rhümthüneabe jih.

2 KIULONG THSÜRÜ 14:3

Apinü Atungpuh miki alungki rhimo, tütüshe api jipürü David nangde yung; alala ching abuh Joashnü arhimokhi nangde rhimo.

2 KIULONG THSÜRÜ 16:2

Ahaz kiulongthsüpü tankihchoki api kam 20 azorü lakheah; apinü Jirusalem ching kam thürükheak thuruk kiulongthsü. Api Jipürü Davidnü arhimokhi nangde apinü nihbuh Thrünpuh Atungpuh miki alungki mürhimo,

2 KIULONG THSÜRÜ 18:3

Api jipürü Davidnü arhimokhi nangde apinü Atungpuh miki alungki rhimo.

2 KIULONG THSÜRÜ 22:2

Apinü Atungpuh miki alungki rhimo, tüsho abuh David limro alala ching tsah; apinü tsülim yungsho huzulim manguh.

1 KIUTHSÜYUKHEAN 22:18

“Atungpuh nüsa Thrünpuh nüsa lung müla de? Apinü thrip abande nüsa kilim mungtsü müjih de? Tümüde apinü lomi ching larübo I khah ching jihdo; tüsho lomi ju Atungpuh le api mihtsürü müngüh khenoa lah.

2 KIUTHSÜYUKHEAN 14:11

Asanü Atungpuh , api Thrünpuh ki zhi, “O Atungpuh , nü thsungkheaknü amürang tüsho ayiuhyiuh dükeak büthsükhi müla. Isa rungang, O Atungpuh isa Thrünpuh, tümüde isanü nü kheak düthsün angülah, tüsho nü mung chingnü ha boto azhihde isa arüdo. O Atungpuh , nü isa Thrünpuh; mihtsürü shenü nü azhihde dükukshih.”

2 KIUTHSÜYUKHEAN 15:2

Apinü Asa shorupü wukhiuk, tüsho api ki tha, “I ki aniang, Asa, tüsho Juda alala tüsho Benjamin: Atungpuh nüsa lung lah, nüsa api lung lah. Nüsanü api yimsho, nüsanü api ngübah, tüshe nüsanü api bahyuksho, apinü nüsa bahyukbah.

2 KIUTHSÜYUKHEAN 17:2

Apinü Juda chipi ayünkhi kiutobo bonungrübo zojih, tüsho Juda lomi, tüsho abuh Asanü ayankhikhi Ephraim kiutobo ching aheangrü bonungrübo zojih.

2 KIUTHSÜYUKHEAN 17:4

tüshe apinü anihbuh abuh Thrünpuh yim tüsho Israel limro müyande api yukhümbo yande tsah.

2 KIUTHSÜYUKHEAN 20:32

Apinü abuh Asa limrobo ching tsah tüsho Atungpuh miki alungki rhimode, ju chingnü manguh.

2 KIUTHSÜYUKHEAN 21:12

Wukihbuh Elija kilimnü kihüm khülang api kilim arüshihde tha: “Atungpuh , nü buh David Thrünpuhnü ha thachoh: Tümütüsho nünü nü buh Jehoshaphat yungsho Juda kiulongthsüpuh Asa limrobo ching mütsah,

2 KIUTHSÜYUKHEAN 22:9

Apinü Ahazia yim; Samaria ching jikde alachoki arünü api ram tüsho Jehu kilim bede arü, tüsho laksah. Arünü api kiuyukabah, tümüde arünü tha, “Api Jehoshaphat tsührü-tsührü ah, apinü api mulong athrünkhinü Atungpuh yim.” Tüsho Ahazia yamkhün ching kiulongthsü yakzan shuhkhukpü thsüde she mülade alakheah.

2 KIUTHSÜYUKHEAN 27:6

Jumonü Jotham sühmüh zahde kam tümütüsho apinü Atungpuh anihbuh Thrünpuh miki thiyuronü tsah.

2 KIUTHSÜYUKHEAN 29:2

Api jipürü Davidnü arhimokhi nangde apinü Atungpuh miki alungki rhimo.

2 KIUTHSÜYUKHEAN 34:2

Apinü Atungpuh miki alungki rhimo, tüsho anihbuh jipürü David limrobo ching tsah; apinü tsülim yungsho huzulim manguh.

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 46:7

Wuto Atungpuh isa lung lah; Jakob Thrünpuh ju isa tsoyukpung.

ABEKHIT 3:12

Thrünpuhnü alo, “I nü lung labah, tüsho küyimki nünü I mihtsürübo Ijip chingnü bebah akhiukbanü nüsanü ha wung kheak I kingaünbah tüsho junü inü nü yüshihkheah de amütsan thsübah.”

ABEKHIT 4:12

Jumonü yüang tüsho athapü ching inü arungbah, tüsho nünü tümü thabea ju inü thaa huhbah.”

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 8:10

Rukhühnü lümkhi thsang, tüshe ju akeangkeang kambah; thiyu thaang, tüshe ju müzhip, tümüde Thrünpuh isa lung lah.

JEREMIA 2:23

Küde thsah nünü thakhukpü, “ I a mümünean, inü Baal dunglim müyü?” Jindükhün ching nü limro kheahang; nünü arhimokhi mükheahang– nü a athrikhi mütüm Kemel halim-halim yungchoh.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

MATHI 18:20

Tümütüsho küching I mung chingnü mahne yungsho mahsam mukhunga lanü, arü bolung I lah.”

MATHI 25:16

Judüki suna shonak 5000 leangkhibuhnü yübah jurünü shothsübu, tüsho püpü alü 5000 kamshih.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

2 TIMOTHI 4:22

Atungpuh nü me lung lashang. Nü lung amüthsüm laang.

JIHUSUA 1:5

Jihusua, nü rhangdung la khiungde shenü nü mazhihkhuk. Mosa lung lakhi nangde I nü lung labah, I lünnü nü lung labah; inü küyimkishe nü mübahyuk.

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”

MAHKHAPRÜ 2:11

Judüki Israelrübonü Atungpuh miki amütsü ju rhimo tüsho Baalbo tankih;

MAHKHAPRÜ 2:18

Küyimki Atungpuhnü arü thsungkheaknü mahkhaprü arüshihkhea, Atungpuh ju mahkhaprü lung la, tüsho apinü arübo mahkhaprü nimungbo alala ching arü riri khah chingnü khümkhit; tümütüsho arü junode thsümüchirü dünkheaknü tüzhochoki Atungpuhnü mihmuzho huh.

MAHKHAPRÜ 6:12

Atungpuh yunirü api ki akhiuk tüsho anihbuh ki tha, “Nü amürang tüsho athrungrü mihtsürü, Atungpuh nü lung lah.”

MAHKHAPRÜ 8:33

Tüsho Gideon she yanalünde Israelrünü Baalbo kingaün, tüsho Baal-berith ju arü thrünpuh kamshih.

1 SAMUEL 18:12

Saulnü David tre tümüde api lung Atungpuh lakheah tüshe Saul kheaknü a chamkhiabah.

1 SAMUEL 18:14

Davidnü arhimokhi alala ching akuk ngü; tümüde Atungpuh api lung lakheah.

1 SAMUEL 18:5

Davidnü yü tüsho kürü ching Saulnü api yüshihkheanü akuk ngü; ju ayannü Saulnü api bonungrü kurungkheak aberü kamshih. Tüsho mihtsürü alala, Saul yamlarübonü she leangkhijih.