2 KIUTHSÜYUKHEAN 17:12 - AMÜSÜH HÜM CL Bible (BSI)

¹² Jehoshaphat düshihde tode zokih. Apinü Juda ching chipi ayünkhi tüsho kukruk zopung kiutobo thsü.

2 KIUTHSÜYUKHEAN 17:12 Cross References

1 KIUTHSÜYUKHEAN 29:25

Atungpuhnü Israel alala miki Solomon changde shuhkih, tüsho Israel ching api müngüh kiulongthsürü she kheak mülakhi kiulongthsü wüntremüretah api kheak jih.

2 KIUTHSÜYUKHEAN 17:11

Filistiarü khürünü Jehoshaphat kilim thsambahbo tüsho ruk thsungkheak shotoyinchi hande arü; tüsho Arabrünü she namfimihnu pung 7700 tüsho mihnupung 7700 api kilim handarü.

2 KIUTHSÜYUKHEAN 17:13

Juda kiutobo ching api lakhit-kukruk hihde alakheah; tüsho Jirusalem ching api bonungrübo, athrungrü thirithsürübo lakheah.

2 KIUTHSÜYUKHEAN 18:1

Kheakü Jehoshaphat lakhit ato tüsho akinashu lakheah; tüsho apinü Ahab kheak yihluachihde arihako.

2 KIUTHSÜYUKHEAN 26:10

Apinü sunglo ching aheangsadam thsü tüsho kekungbo ahihdo kiu, tümüde Shephela tüsho adükhün ane chido ching moshibo hihde alakheah, tüsho api yo thulu-thsürü le kurungasolu wochakrü awungbo ching tüsho atsü lobo ching lakheah, tümütüsho apinü alo muzhode alakheah.

2 KIUTHSÜYUKHEAN 27:4

Kheaküshe apinü Juda awung lomi ching kiutobo thsü, tüsho murung ching chipibo tüsho aheangsadambo thsü.

2 KIUTHSÜYUKHEAN 32:5

Hezekianü müküpde rhimo tüsho keama lakhi chipi thsü; tüsho apinü ju kheak aheangsadambo thsü, tüsho wungdo chipi püpü thsü; apinü David kiuto ching düthrüt she thsakhamlo tüsho thsühnuk le tsungbo suhdahde thsü.

ABEKHIT 1:11

Jumonü Ijiprübonü Israelrü kurungkheak aputungrü zojihbah thsümüchide rhimo rhimoshih. Tüsho Israelrübonü kiulongthsüpuh yo ahiuharapung kiutobo Pithom tüsho Rameses thsüjih.