2 KIUTHSÜYUKHEAN 17:1 - AMÜSÜH HÜM CL Bible (BSI)

¹ Api tsührü Jehoshaphatnü api müthri, tüsho Israel azhihde anihbuh reangzahde kam.

2 KIUTHSÜYUKHEAN 17:1 Cross References

1 KIULONG THSÜRÜ 15:24

Jushu Asa nihbuh jipürü lung yap, tüsho abuh David kiuto ching kiuyukabah; api tsührü Jehoshaphatnü api müthri.

1 KIULONG THSÜRÜ 22:41

Israel kiulongthsüpuh Ahab kam phüyipü ching Asa tsührü Jehoshaphatnü Juda kurungkheak kiulongthsüpü tankih.

2 KIULONG THSÜRÜ 1:17

Jumonü Elija hode asukkhi Atungpuh yu yande api sheabah. Judarü Jehoshaphat tsührü kiulongthsüpuh Jehoram kiulongthsü kam mahnepü ching, aniurü Jehoramnü api müthri, tümütüsho Ahazia tsührü athrürü mülade alakheah.

1 KIUTHSÜYUKHEAN 11:10

Kheakü harü ha David bonungrü akubeatorübo, arünü Israel dünkheak Atungpuh yu yande, Israel alala thsürude api kiulongthsürü kamshih tüsho api kiulongthsü müküpde kamshih.

2 KIUTHSÜYUKHEAN 12:1

Küyimki Rehoboam düküngde tüsho reangzahde akamkhea, api lung Israel alalanü Atungpuh yakzan bahyuk.

2 KIUTHSÜYUKHEAN 17:2

Apinü Juda chipi ayünkhi kiutobo bonungrübo zojih, tüsho Juda lomi, tüsho abuh Asanü ayankhikhi Ephraim kiutobo ching aheangrü bonungrübo zojih.

2 KIUTHSÜYUKHEAN 26:8

Amonrünü Uzzia kilim ruk jih tüsho api mungthukhi Ijip aredung khiungde yü, tümüde api khide reangzahde kam.

2 KIUTHSÜYUKHEAN 32:5

Hezekianü müküpde rhimo tüsho keama lakhi chipi thsü; tüsho apinü ju kheak aheangsadambo thsü, tüsho wungdo chipi püpü thsü; apinü David kiuto ching düthrüt she thsakhamlo tüsho thsühnuk le tsungbo suhdahde thsü.

EZEKIEL 7:27

Kiulongthsüpuhnü mitripbah, yakzanshuhrünü lümlung dükheakde khim phuyubah, tüsho lomi mihtsürü khahbo ajanbah. Inü arü rhimorhiyi yande tsangshubah, tüsho arü nihbuh lalimlako yande mahkhapbah. Judüki I Atungpuh de arünü mükheahbah.

MATHI 1:8

Asa kheaknü Jehoshaphat trükkhit, Jehoshaphat kheaknü Joram trükkhit, tüsho Joram kheaknü Uzzia trükkhit.

EFISIA 6:10

Akheamde, Atungpuh tüsho wuto sühmüh ching düküngang.

1 SAMUEL 23:16

Saul tsührü Jonathannü tsahmusubah David kilim Horesh ching arü; Atungpuh hode ju ching api reangzahlode kam.