2 KIUTHSÜYUKHEAN 14:7 - AMÜSÜH HÜM CL Bible (BSI)

⁷ Apinü Judarü ki tha, “Isanü harü kiutobo thsanü, tüsho ju rhübo, aheangsadambo, ripitbo tüsho akhrihbebonü mükamdoanü; alomi ju kheaküshe isa yo ah tümütüsho isanü Atungpuh isa Thrünpuh yimdo; isanü api yim, tüsho apinü isa kilim thrip abande mungtsü jih.” Jumonü arünü thsü tüsho akuk ngü.

2 KIUTHSÜYUKHEAN 14:7 Cross References

1 KIULONG THSÜRÜ 15:23

Kheakü Asa rhimo aningkhi alala, api wu-sühmüh, apinü arhimokhi alala, tüsho apinü athsükhi kiutobo Juda kiulongthsürübo yukhean hüm ching thrüta müla de? Tüshe api ashinbuhrü kamchoki ajing ching tukthsü lakheah.

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

2 KIUTHSÜYUKHEAN 14:4

tüsho Judarü ki arü jipürü Thrünpuh, Atungpuh yimpü, tüsho yakzan le thiyukhüm zopü thiyukhüm jih.

2 KIUTHSÜYUKHEAN 14:6

Lomi sühakhimde alachoki kiutobo thsü. Ju nimungbo ching apinü thiri müthsü, tümüde Atungpuhnü api kilim mungtsü jih.

2 KIUTHSÜYUKHEAN 15:15

Juda alalanü thiyuchihchimkhi ching asühachih; tümüde arü mulong athrünkhinü thiyuchihchim, tüsho arü me alalanü api yim, tüsho arünü api ngü, tüsho Atungpuhnü alala mükamde arü kilim sühakhim jih.

2 KIUTHSÜYUKHEAN 17:13

Juda kiutobo ching api lakhit-kukruk hihde alakheah; tüsho Jirusalem ching api bonungrübo, athrungrü thirithsürübo lakheah.

2 KIUTHSÜYUKHEAN 17:17

Benjamin chingnü: Eliada, athrungrü thirithsürü lung sanglüh tüsho tsung shuhkhi 200,000,

2 KIUTHSÜYUKHEAN 20:30

Tüsho Jehoshaphat kiulongthsü keamramde kam, tümüde api Thrünpuhnü anihbuh kilim mühi alala ching sühakhim jih.

2 KIUTHSÜYUKHEAN 25:5

Amazianü Juda mihtsürü jimukhung, tüsho Juda le Benjamin alala arü jipürü gukbo ayannü arü kurungkheak chithürübo tüsho chibo wühkenorübo zojih. Apinü kam 20nü akumung azorü bemukhung, tüsho thirithsüpü thülünde amokhitkhi, thsüh tüsho tsung zhimkhukrü arü 300,000 yimkhit.

2 KIUTHSÜYUKHEAN 26:13

Arü yukhüm khüp wu lade kiulongthsüpuh rungde thiriri bede keochihpü bonungrü 307,500 lakheah.

2 KIUTHSÜYUKHEAN 32:5

Hezekianü müküpde rhimo tüsho keama lakhi chipi thsü; tüsho apinü ju kheak aheangsadambo thsü, tüsho wungdo chipi püpü thsü; apinü David kiuto ching düthrüt she thsakhamlo tüsho thsühnuk le tsungbo suhdahde thsü.

2 KIUTHSÜYUKHEAN 8:5

Apinü akube Beth-horon tüsho abobe Beth-horon, chipi ayünkhi kiutobo, rhübo, ripitbo, tüsho akhrihbebo bede,

JOHAN 9:4

Nimung lachoki I thiyibuh rhimobo inü arhimobeah; shenü she mürhimokhukpü thsüde azhing arüchoh.

YUNIRÜBO RHIMO 9:31

Junangde Judea, Galilee tüsho Samaria ching borü alala mungtsü lade tankih-a lakheah; tüsho Atungpuh trekhi ching tsahde tüsho Amüsüh Menü mulong shukheamkhi ching wüh bude kam.

JIHUSUA 23:1

Atungpuhnü Israelrübo arü mühi thiriribo khah chingnü khümkhitbah kim ashang dunglim, küyimki Jihusua ashinbuhrü kamkhea,

1 PETER 3:12

Tümüde thiyuro-lungkirü kheak Atungpuh mükbo lah, tüsho api nükhünbo arü tamkhüntamnükhi lim lah. Tüshe Atungpuh miro amütsü rhimorü azhihde lah.”