2 KIUTHSÜYUKHEAN 14:6 - AMÜSÜH HÜM CL Bible (BSI)

⁶ Lomi sühakhimde alachoki kiutobo thsü. Ju nimungbo ching apinü thiri müthsü, tümüde Atungpuhnü api kilim mungtsü jih.

2 KIUTHSÜYUKHEAN 14:6 Cross References

1 KIULONG THSÜRÜ 5:4

Tüshe kheakü Atungpuh I Thrünpuhnü thrip abande I kilim mungtsü jihdo; I riri yungsho kuhi amütsü müla.

1 KIUTHSÜYUKHEAN 22:13

Judüki Israel thsungkheak Atungpuhnü Mosa ki thiyukhüm jihkhi yakzan thsükhibo tüsho thiyuzüngbo kümkangde yansho nü akuk ngübah. Reangzahang tüsho mulong toang. Dütre yungsho mulong dünini.

1 KIUTHSÜYUKHEAN 22:9

Kheahang, tsührü khülang nü kilim zübejihbah; api mungtsü mihtsürü labah. Inü thrip abande api riribo kheaknü api kilim mungtsü jihbah; tümüde api mung Solomon labah, tüsho inü api nimungbo ching Israel kilim mungtsü tüsho keamram jihbah.

2 KIUTHSÜYUKHEAN 15:15

Juda alalanü thiyuchihchimkhi ching asühachih; tümüde arü mulong athrünkhinü thiyuchihchim, tüsho arü me alalanü api yim, tüsho arünü api ngü, tüsho Atungpuhnü alala mükamde arü kilim sühakhim jih.

2 KIUTHSÜYUKHEAN 17:4

tüshe apinü anihbuh abuh Thrünpuh yim tüsho Israel limro müyande api yukhümbo yande tsah.

2 KIUTHSÜYUKHEAN 20:30

Tüsho Jehoshaphat kiulongthsü keamramde kam, tümüde api Thrünpuhnü anihbuh kilim mühi alala ching sühakhim jih.

2 KIUTHSÜYUKHEAN 26:5

Atungpuh trekhi ching api thsangdanbuh Zekaria nimungbo ching apinü Thrünpuh yimpü thsakham; tüsho apinü Atungpuh yimkhi amuyung, Thrünpuhnü api müngühjih.

2 KIUTHSÜYUKHEAN 31:21

Apinü Thrünpuh yam ching tankih rhimo aban tüsho api Thrünpuh yimpü yakzan tüsho thiyukhümbo yankhi ching, apinü mulong alalanü rhimo; tüsho apinü akuk ngü.

2 KIUTHSÜYUKHEAN 34:3

Tümüde kam tizheahpü ching api kiulongthsüchoki, api azürü nunu lachoki, apinü anihbuh jipürü David Thrünpuh yimpü tankih, tüsho kam thürükheak mahnepü ching apinü Juda tüsho Jirusalem achang dangpungbo Ashera sangthsübo, tüsho asümkhi le azünkhi sangthsübo thsümünimpü tankih.

JOB HU H T ANYU 34:29

Trükshih yungsho bümlangzü thsungkheak thsüthsü, küyimki apinü zhikde alabanü shepünü küpkhuk jihkhukba? Api miro ramchoki shepünü api ngükhukba?–

MUNGSHIKHÜN 46:9

Apinü alomiküp alala ching thirithsü tukloshihchoh; apinü sanglüh yihshakchoh, thsühbo thsümünimchoh tüsho monü tsungbo takchoh.

JIHUSUA 23:1

Atungpuhnü Israelrübo arü mühi thiriribo khah chingnü khümkhitbah kim ashang dunglim, küyimki Jihusua ashinbuhrü kamkhea,

MAHKHAPRÜ 3:11

Junangde lomi ju kam yirü sühakhim. Jushu Kenaz tsührü Othniel sheabah.

MAHKHAPRÜ 3:30

Ju ni Moabrü ju Israelrü bukkhüp yüzahabah, tüsho lomi ching kam zheahrü mungtsü lakheah.

MAHKHAPRÜ 5:31

Jumonü nü riri alala dükheakshang, O Atungpuh ! Tüshe nü muzhorü a ani müzhakde akhiukchoki nangde lashang. Judüki lomi ju kam yirü thsungkheak mungtsü la.