2 KIUTHSÜYUKHEAN 14:4 - AMÜSÜH HÜM CL Bible (BSI)

⁴ tüsho Judarü ki arü jipürü Thrünpuh, Atungpuh yimpü, tüsho yakzan le thiyukhüm zopü thiyukhüm jih.

2 KIUTHSÜYUKHEAN 14:4 Cross References

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

2 KIUTHSÜYUKHEAN 11:16

Israel Thrünpuh, Atungpuh yimpü mulongrü arü jipürü Thrünpuh, Atungpuh kilim laksah-a kingaünpü Israel trük alala chingnü arü dunglim Jirusalem ching arü.

2 KIUTHSÜYUKHEAN 14:3

Apinü khiungkerü kingaün sadambo tüsho achang dangpungbo lude tso, dungjingbo kingkheam, Ashera thrünbebo kiukheam,

2 KIUTHSÜYUKHEAN 14:5

Apinü Juda kiutobo alala chingnü achang dangpungbo tüsho rhümthüneabe kingaün sadambo yihkhita bah. Tüsho api bukkhüp kiulongthsü mungtsü lakheah.

2 KIUTHSÜYUKHEAN 29:21

Arünü moshi 7, namfimihnupung 7, namfimihnunu 7, tüsho mihnu pung 7 ju kiulongthsü, arüngakopung tüsho Juda thsungkheak neak kingaünpü hande arü. Apinü jurübo Atungpuh kingaün sadam kheak jihshihpü Aron tsühsoniusobo amükeamrübo ki thiyukhüm jih.

2 KIUTHSÜYUKHEAN 29:27

Jushu taka kingaünkhi jihpü Hezekianü thiyukhüm jih. Küyimki taka kingaünpü tankihkhea, Atungpuh kilim khün thsüpü she tankih, tüsho Israel kiulongthsüpuh David yo kingzükingdobe bebah hulipungpungbo khung.

2 KIUTHSÜYUKHEAN 29:30

Kiulongthsüpuh Hezekia tüsho atorübonü, David tüsho angürü Asaph yubo bede Atungpuh kilim mungshi khün thsüshihpü Levirübo kilim thiyukhüm jih. Arünü asühde mungshi khün thsü, tüsho arünü khukning tüsho kingaün.

2 KIUTHSÜYUKHEAN 30:12

Kheaküshe kiulongthsüpuh tüsho atorübo ki Atungpuh yunü thiyukhüm jihkhi kheak mulong khülangnü arholopü Thrünpuhnü Juda kheak rhimode alakheah.

2 KIUTHSÜYUKHEAN 30:19

Arüngyam müsühkhitpü yuzüng yande yungyung she sherünü Atungpuh arü jipürü Thrünpuh kheak arü mulong zocho.”

2 KIUTHSÜYUKHEAN 33:16

Apinü Atungpuh kingaün sadam she thsülo tüsho ju kheak mungtsü tüsho makshe kingaünbo jih; tüsho apinü Atungpuh Israel Thrünpuh tankihshihpü Juda ki thiyukhüm jih.

NEHEMIA 13:9

Thüyam khiungshak tsüde müsühkhitang de inü thiyukhüm jih tüsho arüngyam phühlung, hi kingaün, tüsho rhümthüneabe kukrukbo hanlodarü zo.

MUNGSHIKHÜN 119:10

I mulong athrünkhinü inü nü yimdo; O, I nü yukhümbo chingnü dakhinshih!

AMOS 5:4

Tümüde Atungpuhnü Israel yamkhün ki ha thachoh: I yimang tüsho laang;

JIHUSUA 24:15

Kheakü nüsanü api mütankihnesho, nüsa lakhi lo ching nüsa jipürünü akingaünkhi kethripkhüh yungsho Amorrü thrünpuhbo tankihba shi shepü tankihbanü khihni mokhitang; tüshe I tüsho I yamkhün a Atungpuh tankihbah.”

1 SAMUEL 3:13

Tümüde apinü amükheahkhi neak dünkheak inü api yamkhün lünnü athsümüchibah de thado, tümütüsho atsührübonü Thrünpuh ki amülim yu tha, tüsho apinü arü müyankhi.