1 SAMUEL 9:9 - AMÜSÜH HÜM CL Bible (BSI)

⁹ (Adüso Israel ching, khürünü Thrünpuh dünkheak keokhikeorapü yüsho hade tha, “ Arang, isanü angürü kilim yüanü”; tümüde shepü kheakü wukihrü de jichonü adüso a angürü de ji.)

1 SAMUEL 9:9 Cross References

THRÜNTAN 25:22

Khungarübo anihbe nuyam ching khangachih, tüsho alibenü tha, “Tümü thsükhi I kheak ha dünjicho?” Jumonü alibenü Atungpuh ki keokhipü yü.

2 SAMUEL 24:11

Küyimki Davidnü yapsu asürükhea, Atungpuh yu David yo wukihrü Gad kilim arü, tüsho tha,

2 KIULONG THSÜRÜ 17:13

Tütüshe Atungpuhnü Israel tüsho Juda ki wukihrü aban tüsho angürü aban hode tha, “Inü nüsa jipürü kilim thiyukhüm jihkhi yakzan tüsho I yamlarü wukihrübo inü nüsa kilim thiyikhi yande nüsa amütsü limrobo chingnü rholoang tüsho I yukhümbo le I yakzanbo zoang.”

1 KIUTHSÜYUKHEAN 21:9

Atungpuhnü David yo wukihbuh Gad ki asuk,

1 KIUTHSÜYUKHEAN 26:28

Kheaküshe angürü Samuel, Kish tsührü Saul, Ner tsührü Abner, tüsho Zeruia tsührü Joab arünü müsühkhitkhi thsambahbo alala Shelomith tüsho api keoniorünü kümde alakheah.

1 KIUTHSÜYUKHEAN 29:29

Kheakü kiulongthsüpuh David rhimobo, atankihnü akheam khiungde angürü Samuel hümbo, wukihbuh Nathan hümbo, tüsho angürü Gad hümbo ching thrüta lah,

1 KIUTHSÜYUKHEAN 9:22

Harü alala, ripit limro aheangrübo 212 lakheah. Arübo ju tsühsoniuso yukhean yande arü kiulongbo ching thrütyuka lakheah. David tüsho Samuel angürünü thiyuro rhimopung ching arü yüzahshih.

2 KIUTHSÜYUKHEAN 16:10

Judüki Asanü wukihbuh kheak bukakhiuk, tüsho api rihyam ching yuka zo, tümüde ha dünkheaknü api kheak abukakhiuk. Tüsho judüchoki Asanü mihtsürü khürü kheak bukakhiukde rhimo.

2 KIUTHSÜYUKHEAN 16:7

Ju kim ching wukihbuh Hananinü Juda kiulongthsüpuh Asa kilim arü, tüsho api ki tha, “Tümütüsho nünü Siria kiulongthsüpuh kheak düthsün angü, tüsho Atungpuh nü Thrünpuh kheak düthsün mangü, Siria kiulongthsüpuh yo bonungrü nü kheaknü tsokhido.

ISAIA 29:10

Tümüde Atungpuhnü nüsa kheak yapnekudobe me dungkihdo; nüsa wukihrübo, apinü nüsa mük yihdojihdo, tüsho nüsa angürübo, nüsa kubo muhiujihdo.

ISAIA 30:10

shenü angürü ki thacho, “Düngü”; tüsho wukihrü ki, “Alungki lakhi isa ki dümüchit; isa ki atsübo asukang, arükchihbo müchitang,

AMOS 7:12

Tüsho Amazianü Amos ki tha, “ O angürü, tsoang, Juda lomi ching shande tsoang, ju ching nü yikhap muloang, tüsho ju ching müchitang;

1 KORINT 12:17

Pang abümnü mük thsükhülaa, asopü küching laba? Abümnü asopü thsükhülaa, amünimpü küching laba?

MAHKHAPRÜ 1:1

Jihusua she dunglim Israelrünü Atungpuh ki keo, “Isa thsung thsüde she akhuhde yübah Kananrübo azhihde thirithsüba?”

MAHKHAPRÜ 18:5

Jumonü arünü api ki tha, “ Muzhobah Thrünpuh ki keojang, junangde isa akuk ngüde hantsahba shi yungnü amükheahbah.”

1 SAMUEL 9:10

Saulnü azübuh ki tha, “ Tsülah; arang, ike yüanü.” Jumonü anenü kiuto ching ju Thrünpuh mihtsürü lapung yü.