1 SAMUEL 9:16 - AMÜSÜH HÜM CL Bible (BSI)

¹⁶ “Shido ha kim ching inü Benjamin lomi ching yo mihtsürü khülang nü kilim arüshihbah, tüsho nünü api Israel mihtsürü kurungkheak yakzan shuhshihpü mujudemokhitbah. Apinü I mihtsürübo Filistiarü khah chingnü akhümkhitbah; tümüde inü I mihtsürü thsünükhi ngüdo, tümütüsho arünü azhikhi I kilim arüdo.”

1 SAMUEL 9:16 Cross References

2 SAMUEL 3:18

Kheakü ju rhimoang; tümüde Atungpuhnü David ki thiyuchihchim: I yamlarü David hode Filistiarü, tüsho arü riri alala khah chingnü I mihtsürü Israel khümkhitbah.”

2 KIULONG THSÜRÜ 20:5

“Rholoang, tüsho I mihtsürü yakzanshuhbuh Hezekia ki thaang, Nü pü David Thrünpuh, Atungpuhnü ha thachoh: Inü nü tamkhüntamnükhi sodo, inü nü chike ngüdo; atsütsü, inü nü thsüngubah; nimung asam nipü nü Atungpuh yam ching wutubah.

MUNGSHIKHÜN 102:1

I tamkhüntamnü sojang, O Atungpuh , tüsho inü azhikhi nü ki arüshang.

MUNGSHIKHÜN 106:44

Judüalalashe apinü arü zhikhi sochoki arü dukmüsüpkhi lümrhihde kam;

MUNGSHIKHÜN 25:18

I thsünükhi tüsho küpkhuk lümakheahjang, tüsho I neakbo alala bahjang.

MÜCHITMUDU 16:9

Mihtsürü mulongnü api limro lümkhi thsüchoh, tüshe Atungpuhnü api jingdükübo huhchoh.

JEREMIA 32:8

Judüki Atungpuh yu yande I buhdo tsührü Hanamel I kilim aheangpung rihyam ching arü, tüsho I ki tha, “Benjamin lomi Anathoth ching lakhi I lu thuloang, tümüde alakukruk tüsho rhokhitpü alim nü yo ah; ju nü thsungkheak thuloang.” Judüki ha Atungpuh yu ah de inü mükheah.

1 SAMUEL 10:1

Judüki Samuelnü oliv müdangke lubah aku kheak dungkihjih, tüsho api kheak müthsüpbah tha: “Atungpuhnü api yamrüplurüp Israel mihtsürü kurungkheak yakzan shuhpü nü mujude-mokhitdo yung de?

1 SAMUEL 14:20

Judüki Saul tüsho api lung lakhi mihtsürü alala shomukhung tüsho keochih ching yü; tüsho nukshangbo ju khülangnü khülang kheak dünkihbah alakheah, junangde khide tode ayingyingkhi lakheah.

1 SAMUEL 14:23

Jumonü ju nimung Atungpuhnü Israelrü kilim akuk ngüshih tüsho keochihkhi ju Beth-aven ching akhinde yü.

1 SAMUEL 15:1

Samuelnü Saul ki tha, “Atungpuhnü nü Israel mihtsürü kurungkheak kiulongthsürü thsüshihpü thsüde mujude-mokhitshihpü I arüshih; jumonü kheakü Atungpuh yu aniang.

1 SAMUEL 16:1

Atungpuhnü Samuel ki tha, “ Külokhüh nü Saul dünkheak tüzhoba? Inü api Israel kurungkheak kiulongthsüpü chingnü bahyukdo. Nü shihjuh ching oliv müdangke yukang tüsho tsahmusuang; inü nü Bethlehem ching Jesse kilim yüshihbah, tümüde api tsührü bolungnü inü kiulongthsürü khülang mokhitdo.”

1 SAMUEL 16:3

Laksah-a kingaünkhi ching Jesse jiyukang, tüsho nünü tümü rhimobeanü inü ahuhbah; tüsho inü nü ki mung jihkhi I thsungkheaknü mujudemokhitang.”