1 SAMUEL 7:10 - AMÜSÜH HÜM CL Bible (BSI)

¹⁰ Samuelnü taka kingaünkhi jihchoki, Filistiarü ju Israel yanpü thüninde arüa lakheah; tüshe ju nimung Filistiarü azhihde Atungpuhnü düsheak atonü tsüngmuk tüsho arübo yingyingde kamshih; tüsho Israel müngüh tso.

1 SAMUEL 7:10 Cross References

MUNGSHIKHÜN 18:15

O Atungpuh , nünü athürühchoki, nü nupung chingnü sheak mütchoki keto rubo ngüde kam, tüsho alomiküp khimtan aleangkheak lakheah.

MUNGSHIKHÜN 29:3

Atungpuh düsheak kebo kumung lah; müretahkhi Thrünpuhnü tsüngmukchoh; Atungpuh ju muliuke kumung lah.

MUNGSHIKHÜN 29:4

Atungpuh düsheak ju wu lah; Atungpuh düsheak ju wüntre-müretahnü milah.

MUNGSHIKHÜN 78:66

Tüsho apinü ariribo yanloa tsoshih; apinü arü akheam müla achih ngüshih.

ZEKARIA 4:6

Apinü I ki tha, “Ha Zerubbabel ki Atungpuh yu lah: ‘ Sühmühnü yung yungsho wunü yung, tüshe me hode lah,’ Wuto Atungpuhnü thachoh.

YUZÜNGTHALO 28:7

“Nüsa azhihrü thiriribo Atungpuhnü nüsanü akukshihbah; arünü nüsa azhihde limbeak khülang chingnü akhiukbah tüsho nüsa müngüh limbeak thüne chingnü alihde atsobah.

JIHUSUA 10:10

Tüsho Atungpuhnü arübo Israel müngüh yingyingde kamshih. Israelrübonü arü Gibeon ching laksah tüsho yande Beth-horon wutu limro khiung, tüsho Azeka le Makkeda khiungde laksah.

MAHKHAPRÜ 4:15

Atungpuhnü Sisera le api khora-lolungbe tüsho bonungrübo alala nukshangnü Barak müngüh laksahkham, tüsho Sisera ju api khora-lolungbe kheaknü akibah ajingnü alihde tso.

MAHKHAPRÜ 5:20

Thüningbo ching chiningbonü keochih, arünü arü limrobo chingnü Sisera azhihde keochih.

MAHKHAPRÜ 5:8

küyimki thrünpuhbo aso mokhitkhea, ripitbo ki thirithsü arü, tüsho Israel ching chithürü yirü bolung tsung yungsho thsüh khülang she müngü.

1 SAMUEL 12:17

Khihni ha wheat hi yimluchoh yung de? Inü Atungpuh ki jibah, junangde apinü tsüngmuk tüsho tsüng arüshihbah; tüsho nüsanü Atungpuh miki kiulongthsürü kheangde amütsü rhimokhi tolah de nüsanü angübah.”

1 SAMUEL 14:15

Binkheampung, thulu, tüsho mihtsürü alala bolung trede alakheah; bonungrü tüsho thirithsürübonü she ajan; alo ajan; tüsho ju khide trede kam.

1 SAMUEL 2:10

Atungpuh azhihrü dükheakshihbah; Khide Achangbuhnü thüning ching tsüng mukbah. Atungpuhnü alomi alala mahkhapbah; apinü api kiulongthsüpuh kilim reangzahshihbah, tüsho apinü amüsühkhitkhi wu shuhkihbah.”

1 SAMUEL 7:11

Tüsho Israel mihtsürübo Mizpa chingnü wukhiukbah Filistiarü yande müsham, tüsho arübo Beth-kar khiungde laksahde yü.