1 SAMUEL 4:4 - AMÜSÜH HÜM CL Bible (BSI)

⁴ Jumonü arünü mihtsürübo Shilo ching yüshih tüsho cherubim dükeak binkhi Wuto Atungpuh tangzüng sangdan ju chingnü lubah arü. Eli tsührü mahne, Hophni tüsho Phinehas Atungpuh tangzüng sangdan lung arü.

1 SAMUEL 4:4 Cross References

2 SAMUEL 15:24

Abiathar she wutu, tüsho Zadok she Levirü lung Thrünpuh tangzüng sangdan shuhbah yü. Mihtsürü alala kiuto chingnü müdütreakkhitkhamyi khiungde arünü Thrünpuh sangdan shuhkhia zo.

2 SAMUEL 6:2

David tüsho api lung mihtsürü alala Baale-juda chingnü tsahmusubah, cherubim dükeak binkhi Wuto Atungpuh mung hanbah Thrünpuh sangdan ju chingnü lubah atupü yü.

2 KIULONG THSÜRÜ 19:15

Tüsho Hezekianü A TUN GPU H miki tamkhüntamnü, tüsho tha: “O Atungpuh Israel Thrünpuh, shepü cherubim kumung binla, lomi kiulongthsübo alala kurungkheak nü lang Thrünpuh; nünü thüning tüsho alomi thrün.

MUNGSHIKHÜN 80:1

Aniang, O Israel neakbuh, nü shepünü mihnu boto nangde Josep becho; nü shepü cherubim dükeak zhingzhingde la!

MUNGSHIKHÜN 80:2

Ephraim, Benjamin tüsho Manase müngüh nü sühmüh akhiukang, tüsho arübah isa khümkhitang!

MUNGSHIKHÜN 99:1

Atungpuhnü kiulongthsüchoh; mihtsürübo ajanshang! Api cherubim dükeak lah; alomi aphapshang!

ISAIA 37:16

“ O Wuto Atungpuh , Israel Thrünpuh, shepü cherubim kumung binla, nü lang alomi kiulongthsü alala Thrünpuh; nünü yinmi tüsho alomi thrün.

MALAKI 1:9

Tüshe kheakü Thrünpuh amuzho mushuang, junangde apinü isa ki mihmuzho labah. Ha nüsa khahnü rhimoa lachoki, apinü nüsa ki muzhode aleangkhiba de? Wuto Atungpuhnü thachoh.

WÜHKHE 4:15

Tüshe küyimki Aron le atsührübonü kingaün sadam tüsho zowupungbo ju aphudokhambanü, arü binkheampung akhinchoki, Kohath tsührübonü arübah jurübo hanbah, tüshe arübonü amüsüh kukrukbo muqiu, jude yungsho arübo ashebah. Harü kukrukbo ha ashorupung khimyam ching yo Kohath tsührübonü ahanbebo ah.

WÜHKHE 4:5

Küyimki binkheampung akhinbanü Aron le atsührübonü ayüzahbah tüsho azhinkhi khim yihkhibah tangzüng sangdan phudobah.

WÜHKHE 7:89

Küyimki Mosanü Atungpuh ki asukachihpü ashorupung khimyam ching yüzahkhea, tangzüng sangdan kheak lakhi akhidobe cherubim mahne dükeaknü api ki thakhi düsheak so; ha ruk apinü anihbuh kheak asuk.

1 SAMUEL 1:24

Küyimki anihbenü api tsühyungshihde akamkhea, anihbe lung api bebah wutu, ju lung kam mahsam bankhi moshipung 1, ayikangkang khahngak 10 tüsho yukhu mide azahkhi shihküp qiuqiu 1. Anihbenü api ju Atungpuh yam lim Shilo ching bebah arü; tüsho khungarü ju ngangade alakheah.

1 SAMUEL 14:3

arü bolung amükeambuh Ahijanü (Ikabod akhiung Ahitub tsührü; Ahitub ju Shilo ching Atungpuh amükeambuh Eli tsührü Phinehas tsührü ah) amükeamrü khim han. Kheakü mihtsürübonü Jonathan yüabahdo de mümükheah.

1 SAMUEL 2:22

Kheakü Eli khide ashinbuhrü lakheah. Atsührübonü Israel kheak rhimokhi tüsho arübonü ashorupung khimyam ripit ki tankihrü liberübo kheak nungkhi alala so.