1 SAMUEL 22:2 - AMÜSÜH HÜM CL Bible (BSI)

² Lümthsünürü, shozüng larü, tüsho reangmükeamrü alala api ki mukhung; tüsho arü kurungkheak api wühkenorü kam. Api lung larübo 400 bande alakheah.

1 SAMUEL 22:2 Cross References

2 SAMUEL 17:8

Hushainü thalo, “Nü buh tüsho api mihtsürübo thirithsürübo ah de nünü mükheahlah, tüsho arübo thulu ching kuto anunubo jangkhikhi nangde bukmüke ah. Ju lang yung, nü buh ju thirithsüpü ching athsüso; apinü azhing ching bonungrü lung mülachoh.

2 SAMUEL 5:2

Kim anükhüh thsungkheak, küyimki Saul isa kurungkheak kiulongthsürü lakhea, nünü Israel limbe. Atungpuhnü nü ki tha: nünü I mihtsürü Israel neakbah, nünü Israel kurungkheak yakzan shuhbah.”

2 KIULONG THSÜRÜ 20:5

“Rholoang, tüsho I mihtsürü yakzanshuhbuh Hezekia ki thaang, Nü pü David Thrünpuh, Atungpuhnü ha thachoh: Inü nü tamkhüntamnükhi sodo, inü nü chike ngüdo; atsütsü, inü nü thsüngubah; nimung asam nipü nü Atungpuh yam ching wutubah.

2 KIULONG THSÜRÜ 4:1

Kheakü wukihrü bolung khülang niubenü Elisha ki zhi, “Nü yamlarü I niubuh sheabahdo; tüsho nü yamlarünü Atungpuh wüntrede lachoh de nünü mükheahlah, tüshe sho züngrü I tsührü 2 azhorü thsüde alupü arüa lah.”

MÜCHITMUDU 31:6

Phapke ju adükheakpü larü tüsho yukhu ju thsünüde alarü thsungkheak ah.

MATHI 11:12

Tüsho Johan Baptijihbuh nimungbo chingnü kheakü khiungde yinmi kiulongthsü jangachihchoh, tüsho amüküprünü ju jangkhia luchoh.

MATHI 11:28

Nüsa rozhakrü tüsho hahmülang hanrübo alala I kilim arang, tüsho inü nüsa kilim sühakhim jihbah.

IBRI 2:10

Tsührübo ahihdo kilim müretah handarüpü thsüde, shepü thsungkheak tüsho shepü hode lüpdükhi lakhea, thsünükhi hode arü akhümkhit putungrü khiukdahshihkhi api athülün lah.

MAHKHAPRÜ 11:3

Judüki Jephthanü api keoniorübo kheaknü tso tüsho Tob lomi ching la; tüsho mudukmüke mihtsürübonü api yande tsah.

MAHKHAPRÜ 18:25

Danrünü alo, “Isa kheak datsangachih, jude yungsho bukmüke mihtsürü khürünü nü zündobah, tüsho nü le nü yamkhün rhangdung dükheakbah.”

1 SAMUEL 1:10

Alibenü sükde lümthsünü tüsho Atungpuh ki tamkhüntamnü, tüsho düsüknimde trip.

1 SAMUEL 22:3

Davidnü ju chingnü Moab lomi Mizpa ching yü. Apinü Moab kiulongthsüpuh ki tha, “ Thrünpuhnü I thsungkheak tümü rhimobanü inü mümükheahyi khiungde, muzhobah I buh le I be nü kilim arüshang.”

1 SAMUEL 23:13

Judüki David tüsho amihtsürübo 600 bande Keilah bahbah tsahmusu; arünü ayükhukpü lakhibo ching yü. Küyimki David Keilah chingnü akhindo de Saulnü asokhea, apinü alümkhi tukloabah.

1 SAMUEL 25:13

Davidnü amihtsürübo ki tha, “ Mihtsürü abannü nihbuh nukshang noang!” Tüsho mihbüm abannü nukshang noa lu; David she api nukshang noa lu; tüsho mihtsürü 400 ngüm David dunglim yü, tüsho 200 hah ki bin.

1 SAMUEL 30:6

David a khide atrebe ching lakheah; tümüde mihtsürübonü api lungnü arupü tha, tümütüsho arü tsührübo thsungkheaknü mihtsürübo mulong thsümünimde alakheah. Tüshe Davidnü Atungpuh api Thrünpuh kheak azangrü reangzahlo.

1 SAMUEL 9:16

“Shido ha kim ching inü Benjamin lomi ching yo mihtsürü khülang nü kilim arüshihbah, tüsho nünü api Israel mihtsürü kurungkheak yakzan shuhshihpü mujudemokhitbah. Apinü I mihtsürübo Filistiarü khah chingnü akhümkhitbah; tümüde inü I mihtsürü thsünükhi ngüdo, tümütüsho arünü azhikhi I kilim arüdo.”