1 SAMUEL 18:5 - AMÜSÜH HÜM CL Bible (BSI)

⁵ Davidnü yü tüsho kürü ching Saulnü api yüshihkheanü akuk ngü; ju ayannü Saulnü api bonungrü kurungkheak aberü kamshih. Tüsho mihtsürü alala, Saul yamlarübonü she leangkhijih.

1 SAMUEL 18:5 Cross References

THRÜNTAN 39:23

Rihyam aheangrünü Josep khah ching lakhi tümü she mükheahlüng, tümütüsho Thrünpuh api lung lakheah; tüsho tümüpürü apinü arhimokheanü, Atungpuhnü ju akuk ngüshih.

2 SAMUEL 5:10

Tüsho David atobe tüsho atobe kam, tümüde Atungpuh Wuto Thrünpuh api lung lakheah.

2 SAMUEL 5:2

Kim anükhüh thsungkheak, küyimki Saul isa kurungkheak kiulongthsürü lakhea, nünü Israel limbe. Atungpuhnü nü ki tha: nünü I mihtsürü Israel neakbah, nünü Israel kurungkheak yakzan shuhbah.”

2 KIUTHSÜYUKHEAN 17:3

Jehoshaphat lung Atungpuh lakheah, tümütüsho apinü adüso abuh limrobo ching tsah; apinü Baalbo müyim,

MUNGSHIKHÜN 1:3

Api ju ayung yean mukhuhkhi sangdung khülang kiphahlah, akheahmünchi ching aso asochoh tüsho ayü yiuhamübah. Apinü arhimokhi alala ching akuk ngüchoh.

MUNGSHIKHÜN 101:2

Inü khiukdahkhi limro ching lümlung lade yakli huhbah. O, nü küyimki I kilim arüba? Inü I mulong khiukdahkhinü I yam ching tsahbah.

MATHI 10:16

“Kheahang, inü nüsa rimre bolung namfimihnubo nangde yüshihchoh. Jumonü phuruto nangde lümlung laang tüsho müthrithrümpü nangde lümlang thsang.

YUNIRÜBO RHIMO 7:10

api thsümütsü alala chingnü api bekhit tüsho Ijip kiulongthsüpuh Pharao miki amuzho tüsho lümlung jihbah apinü anihbuh Ijip tüsho api yamkhün alala kurungkheak kovünor kamshih.

EFISIA 5:17

Jumonü dümakha, tüshe Atungpuh lümkhi tümüanü anikhitang.

KOLOSI 4:5

Nü kim tsüde ahoride, amükinrü ki lümlung lade rhimoang.

MAHKHAPRÜ 1:19

Junangde Atungpuh Juda lung lakheah. Tüsho arünü müzüng lomi ching larü alala yankhitabah, tüshe arünü lokeam ching larübo a müyankhitkhuk tümütüsho arübo yinchi khora-lolungbebo lakheah.

1 SAMUEL 13:2

Israel bolung ching Saulnü 3000 mokhit; 2000 ju Mikmash tüsho Bethel awung lomi ching Saul lung lakheah, tüsho 1000 ju Benjamin lomi Gibea ching Jonathan lung lakheah; aningkhi mihtsürübo apinü nihbuh khimyambo ching thiyia yüshih.

1 SAMUEL 14:52

Saul nimung alala ching Filistiarü bede müküpde keochihkhi lakheah; tüsho küyimki Saulnü khürü sühmüh lade yungsho thirithsürü athrungrü ngübanü, api tankihpü ching lu.

1 SAMUEL 18:16

Tüshe Israel tüsho Juda alalanü David muzho, tümüde api ju arübo kukzam limberü lakheah.

1 SAMUEL 18:30

Judüki Filistiarü bonungrü keochihpü akhiuk; tüsho arü akhiukkhi aban Saul yamlarübo kheaknü Davidnü alü thsüde akuk ngü, junangde api mungshikhi khide ato kam.

1 SAMUEL 18:4

Jonathannü ayihkhi shulünkhim trünkhia api thirithsü zülu tüsho nukshang, sanglüh tüsho chimrümbe David kilim jih.

1 SAMUEL 18:6

Davidnü Goliath laksahbah alodarüshu arübo thüyam lim arüchoki, Israel kiutobo chingnü aliberübo khün thsüde tüsho tsünde kiulongthsüpuh Saul shorupü züpzüppü shuhbah, asühkhi khünbo thsüde tüsho khün khungbebo shuhbah arü.

1 SAMUEL 3:19

Samuel zode akamchoki, Atungpuh api lung lakheah tüsho api yu tümü lang she alo kheak mayokhishih.