1 SAMUEL 10:7 - AMÜSÜH HÜM CL Bible (BSI)

⁷ Kheakü küyimki harü amütsanbo nünü ashoruba, nünü tsüde angükhi thsang, tümüde Thrünpuh nü lung lah.

1 SAMUEL 10:7 Cross References

THRÜNTAN 21:20

Junangde azübuh lung Thrünpuh lakheah; api zode asürü tüsho sunglo ching lade sanglüh-kiprü khülang kam.

2 SAMUEL 7:3

Nathannü kiulongthsüpuh ki tha, “Yüang, nünü alümkhi alala rhimoang; tümüde Atungpuh nü lung lah.”

JOB HU H T ANYU 31:25

I lakhit tokhi yungsho I khah mikhi hode inü asüh-a lasho;

ABEKHIT 4:8

Atungpuhnü api ki tha, “Arünü nü ki manisho yungsho akhuhbe amütsan kheak akin mülasho, mahnepü amütsan jua akinbah.

T H S AN GYU T H S AN GR ARÜ 9:10

Tümüpürü nü khahnü arhimopü ngübanü, mürangde rhimoang; tümütüsho nü yüde alakhi Ashe-lomi ching rhimo yungsho lümkhi yungsho mükheahmudu yungsho lümlung müla.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

LUKNÜ ATHRÜTKHI THIYUSHEAK-ATSÜ HUHTANYU 2:12

Tüsho nüsa thsungkheak ha amütsan khülang labah: khungarü khülang ahingbekhimnü hingbah hi-müjakpung ching yapde nüsanü angübah.”

JOHAN 6:14

Judüki Jisunü khinthiyinbe rhimochoki ngürü mihtsürübonü tha, “Tsükjide ha alomi ching arüpü lakhi wukihrü ah.”

YUZÜNGTHALO 20:1

“Küyimki nüsa thiriri azhihde keochihpü yübanü, tüsho khorabo le lolungbe tüsho mihtsürübo nüsa kheaknü hihde angübanü arübo dütre; tümüde nüsa Ijip lo ching bede atubuh Atungpuh nüsa Thrünpuh nüsa lung lah.

IBRI 13:5

Sho muzhokhi chingnü nü rhangdung zuzu laang, tüsho nü tümü lanü ju kheak reangkeamang; tümüde apinü tha, “Inü küyimkishe nü müdükhe yungsho nü mübahyuk.”

JIHUSUA 1:5

Jihusua, nü rhangdung la khiungde shenü nü mazhihkhuk. Mosa lung lakhi nangde I nü lung labah, I lünnü nü lung labah; inü küyimkishe nü mübahyuk.

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”

MAHKHAPRÜ 6:12

Atungpuh yunirü api ki akhiuk tüsho anihbuh ki tha, “Nü amürang tüsho athrungrü mihtsürü, Atungpuh nü lung lah.”

MAHKHAPRÜ 9:33

Jushu yapsu, ani akhiuk akede, nahde asürang tüsho kiuto lim nanachihang; tüsho küyimki api le api lung bekhi mihtsürübo nü azhihde akhiukbanü, nüsanü akukkhi thülün arü kheak rhimoang.”

1 SAMUEL 2:34

Nü tsührü mahne, Hophni tüsho Phinehas kheak dünjikhinü nü ki amütsan labah–ane chido nimungkhühnü ashebah.

1 SAMUEL 20:13

Tüshe I buhnü thsümünimpü lümsho, tüsho inü nü ki thaa muhuhde nü thiyia tsoshihbah tsüde tsokhisho, Atungpuhnü Jonathan kheak alübe she rhimoshang. I buh lung lakhi nangde, Atungpuh nü lung lashang.

1 SAMUEL 3:19

Samuel zode akamchoki, Atungpuh api lung lakheah tüsho api yu tümü lang she alo kheak mayokhishih.