1 SAMUEL 10:3 - AMÜSÜH HÜM CL Bible (BSI)

³ Jushu nünü ju kheaknü ayübah tüsho Tabor sang ki arübah; ju ching mihtsürü mahsam Bethel ching Thrünpuh kilim wuturünü nü shorubah, khülangnü mihnu nunu mahsam, khülangnü yikhap mahsam tüsho khülangnü shihküp qiuqiu de ahanbah.

1 SAMUEL 10:3 Cross References

THRÜNTAN 28:19

Tüsho apinü ju dangpung mung Bethel de ji; tüshe ju kiuto mung akhuhlim Luz lakheah.

THRÜNTAN 28:22

Tüsho inü ha mümih-lung khima zokhi ju Thrünpuh yam thsübah, tüsho nünü I kilim jihkhi alala chingnü inü nü kilim thürü shihcham jihbah.”

THRÜNTAN 35:1

Judüki Thrünpuhnü Jakob ki tha, “Asürang, Bethel lim wutuang tüsho ju ching laang; tüsho nü khiung Esau kheaknü nü tsochoki nü ki akhiukbuh Thrünpuh kilim kingaün sadam khülang thsang.”

THRÜNTAN 35:3

Jushu isanü tsahmusuanü tüsho Bethel lim wutuanü; tüsho inü ju ching I lümthsünü nimung I ki alojihbuh tüsho I yükhi limro ching I lung lakhi Thrünpuh kilim kingaün sadam khülang thsübah.”

MUNGSHIKHÜN 89:12

Dukulim tüsho düjinglim nünü thrün; Tabor tüsho Hermon nü mung ching asühachihchoh.

JEREMIA 32:8

Judüki Atungpuh yu yande I buhdo tsührü Hanamel I kilim aheangpung rihyam ching arü, tüsho I ki tha, “Benjamin lomi Anathoth ching lakhi I lu thuloang, tümüde alakukruk tüsho rhokhitpü alim nü yo ah; ju nü thsungkheak thuloang.” Judüki ha Atungpuh yu ah de inü mükheah.

LEVI 1:10

Mürangkhüh mihtsürü khülangnü namfimihnubo yungsho mihnubo lungnü taka kingaünkhi jihsho, ju lapha mükihkhi pung thsübeah:

LEVI 23:13

Ju lung nüsanü ayikangkang khahngak 2 ching oliv müdangke yukbah hi kingaün jihde arhümthüneakhinü Atungpuh asühshihbah; tüsho yukhu she pungdüchi 1 kingaün jihbah.

LEVI 3:12

Kingaün jihkhi ju mihnu thsüsho, apinü Atungpuh miki lude arübah

LEVI 3:6

Mungtsü kingaün thsungkheaknü namfimihnu yungsho mihnu Atungpuh kilim jihsho, pung thsüthsü dre thsüthsü, lapha mükihkhi jihang.

LEVI 7:13

Ju lungnü, mungtsü kingaün makshe jihde shuhmülanga jihkhi phaüm yukkhi yikhap jihbah.

JIHUSUA 19:12

Sarid kheaknü aniakhiuklim Kisloth-tabor aredung lim yü; ju chingnü Daberath khiung tüsho Japhia lim wutulah;

JIHUSUA 19:22

Aredung ju Tabor, Shahazuma, Beth Shemesh, tüsho Jordan kheak arün ah: kiulongbo bebah kiuto 16.

MAHKHAPRÜ 20:18

Tüsho Israel mihtsürünü asürübah Thrünpuh lümkhi keopü Thrünpuh yam ching wutu. Arünü tha, “Benjamin mihtsürü bede keochihpü isa shepü akhuhde awutuba?” Atungpuhnü alo, “ Juda akhuhde awutubah.”

MAHKHAPRÜ 20:23

Israelrünü wutu tüsho arelim khiungde Atungpuh ki trip tüsho Atungpuh ki keokhi. Arünü tha, “Isanü isa keoniorü Benjamin bede keochihpü yüloba shi?” Atungpuhnü alo, “ Arü azhihde wutuang.”

MAHKHAPRÜ 20:27

Tüsho Israel mihtsürünü Atungpuh ki keokhi (tümüde ju nimungbo ching Thrünpuh tangzüng sangdan ju ching lakheah,

MAHKHAPRÜ 4:12

Tüsho Abinoam tsührü Barak ju Tabor wung ching wutudo de arünü Sisera ki thiyusheak jih.

MAHKHAPRÜ 4:6

Alibenü Naphtali ching lakhi Kadesh ching Abinoam tsührü Barak kilim yüshihde tha, “Atungpuh Israel Thrünpuhnü nü ki thiyukhüm jihchoh: Yüang tüsho Naphtali le Zebulun mihtsürü 10,000 bebah Tabor wung lim yüang.

MAHKHAPRÜ 8:18

Judüki apinü Zeba tüsho Zalmunna ki tha, “Nüsanü Tabor ching laksahkhi mihtsürübo küruk a?” Anenü alo, “ Arübo nü ruk lakheah; arübo kiulongthsürü tsührübo kiphahde alakheah.”

1 SAMUEL 10:4

Arünü nü ki salüm jihbah tüsho yikhap mahne jihbah, ju nünü aleangkhibah.