1 KIUTHSÜYUKHEAN 4:9 - AMÜSÜH HÜM CL Bible (BSI)

⁹ Jabez ju api keoniorübo kheaknü alü wüntrebuh lakheah; tüsho abenü api mung Jabez jijihde tha, “Tümütüsho inü api thsünüde zübedo.”

1 KIUTHSÜYUKHEAN 4:9 Cross References

THRÜNTAN 3:16

Apinü alibe ki tha, “Inü nü khungarü hankhi thsünü alü kamshihbah; nü thsünüsahde khungarü zübebah; jude thsüthsü she nü niubuh mürühpü nü kheak labah, tüshe apinü nü kurungkheak yakzan shuhbah.”

THRÜNTAN 34:19

Jumonü athrününgtsüngbuhnü ju rhimopü mashu, tümütüsho apinü Jakob tsührübe kheak asüh. Api ju abuh yamkhün alala kheaknü wüntre jihkhi lakheah.

THRÜNTAN 35:18

Tüsho anihbe me chamachihde alachoki (tümüde alibe sheabah), alibenü api mung Ben-oni de ji; tüshe abuhnü api ki Benjamin de ji.

1 KIUTHSÜYUKHEAN 4:10

Jabeznü Israel Thrünpuh ki jide tha, “O nünü I müngühjang tüsho I lomi tode kamshang! Nü khah I lung labah, tüsho thsümütsü chingnü I küma zoang, junangde thsünükhi chingnü I zuzu labah.” Tüsho api tamkhüntamnükhi Thrünpuhnü alojih.

1 KIUTHSÜYUKHEAN 4:8

Koz kheaknü Anub, Zobeba, tüsho Harum tsührü Aharhel gukbo trükkhit.

1 KIUTHSÜYUKHEAN 7:23

Ephraimnü api niube lung nung, tüsho alibe pang makeangde kambah tsührü athrürü zübe; tüsho apinü anihbuh mung Beria de ji, tümütüsho thsümütsü api yamkhün ching dünji.

MÜCHITMUDU 23:25

Nü buh tüsho nü be asühshang; shebenü nü zübekheanü asühshang.

ISAIA 43:4

Tümütüsho nü I miki shoto lah, tüsho akinashu lah, tüsho inü nü muzholah, inü nü müthri mihtsürübo, nü rhangdung müthri trükshihbo jihchoh.

YUNIRÜBO RHIMO 17:11

Harü Jihudarü a Tesalonika ching larü ruk yungde yakli atsü lakheah, tümüde arünü thiyusheak ju künsahde leangkhi tüsho ju atsütsü a shi de nimung aban amüsühyu yimakheah.

1 SAMUEL 4:21

Anihbenü khungarü mung Ikabod de ji, amütsan, “ Müretahkhi Israel kheaknü chamkhido”, tümütüsho Thrünpuh sangdan yankhia luabah tüsho aniubuh abuh le aniubuh ane sheabah.