1 KIUTHSÜYUKHEAN 28:2 - AMÜSÜH HÜM CL Bible (BSI)

² Judüki kiulongthsüpuh Davidnü wusubah arü miki zhip tüsho tha: “I ki aniang, I keoniorübo tüsho I mihtsürübo. Atungpuh tangzüng sangdan zopü, isa Thrünpuh jing dubopung thsungkheak inü thüyam khülang thsüpü lümkhi thsüdo; tüsho athsüpü thsungkheak inü tsanglungdo.

1 KIUTHSÜYUKHEAN 28:2 Cross References

THRÜNTAN 48:2

Tüsho Jakob ki tha, “Kheahang, nü tsührü Josep nü kilim arüchoh”; tüsho Israelnü anihbuh reangzahlo tüsho yapkiu kheak bin.

1 KIULONG THSÜRÜ 1:47

Kheaküshe kiulongthsüpuh yamlarübonü isa tungpuh kiulongthsüpuh David ki makshe jihpü arübah tha, ‘ Thrünpuhnü nü kheaknü Solomon alü mungthushang, tüsho nü kiulongthsü-binkiu kheaknü api kiulongthsü-binkiu atobe kamshang.’ Kiulongthsüpuhnü yapkiu kheak mükhümde kingaün

1 KIULONG THSÜRÜ 5:3

“Atungpuhnü api mühirü thiriribo api jinglung khüp müyüzahshihyi khiungde thirithsükhi hode I buh Davidnü Atungpuh api Thrünpuh mung thsungkheaknü thüyam khülang müthsükhukkhi nünü mükheahlah.

1 KIUTHSÜYUKHEAN 17:4

Yüang tüsho I yamlarü David ki thaang: Atungpuhnü ha thachoh: Nünü I lashihpü thüyam müthsü.

1 KIUTHSÜYUKHEAN 22:14

Khide küpkhukde Atungpuh yam thsungkheak inü suna khahngak chithürü 3400, shotoyinchi khahngak chithürü 34,000, tüsho müwayinchi le yinchi madünbinde jihdo, tümüde ju hihdakde lah; sangrhütkhi tüsho lung she inü jihdo. Ha ching nünü yimajakbeah.

1 KIUTHSÜYUKHEAN 22:6

Judüki apinü atsührü Solomon ji tüsho Israel Thrünpuh, Atungpuh yam thsüpü api ki thiyukhüm jih.

1 KIUTHSÜYUKHEAN 22:7

Davidnü Solomon ki tha, “I tsah-a, inü Atungpuh I Thrünpuh mung ching thüyam khülang thsüpü lümkheah.

1 KIUTHSÜYUKHEAN 6:31

Tangzüng sangdan hande arü shu Davidnü Atungpuh yam ching khün thsüpü mokhitrü mihtsürü harü lakheah.

2 KIUTHSÜYUKHEAN 6:7

Atungpuh Israel Thrünpuh thsungkheaknü thüyam khülang thsüpü I buh David lümkhi ching lakheah.

MUNGSHIKHÜN 110:1

Atungpuhnü I tungpuh ki tha, “Inü nü riribo nü jing-dubopung müthsüshihyi khiungde, I khah tsülim binang.”

MUNGSHIKHÜN 132:14

“Ha lünnü I sühakhimpung ah; ha ching I labah tümüde inü ha mulongdo.

MUNGSHIKHÜN 132:2

apinü künangde Atungpuh ki alokhikhea, tüsho Jakob Wuto Thrünpuh ki thiyuchihchimkhea:

MUNGSHIKHÜN 22:22

Inü I keoniorü ki nü mung khipkhitbah; amukhungrü bolung inü nü shijihbah.

MUNGSHIKHÜN 99:5

Atungpuh isa Thrünpuh shuhkihang, tüsho api müphü-dubopung ki kingaünang, tümüde api amüsüh ah.

ISAIA 60:13

Lebanon müretahkhi nü kilim arübah, saipress, juniper, tüsho tsünsang, I arüngyam jak tsüshihpü; tüsho I jing dubopung inü müretahbah.

ISAIA 66:1

Atungpuhnü ha thachoh: Yinmi I kiulongthsü-binkiu tüsho alomi I jing dubopung; nüsanü I thsungkheak tümü yam thsüjihba, tüsho I sühakhimpung tümü a?

TÜZHOKHI 2:1

Künangde Atungpuhnü abukakhiukkhi amonü Zion tsührübe liudola! Apinü Israel tsakamkhi yinmi chingnü alomi ching jipkhido; apinü api bukakhiukkhi nimung ajing thrümpung mülümkhit.

EZEKIEL 43:7

Apinü I ki tha: Mihtsürü tsührü, ha I Israel bolung lünnü alapü lakhi I kiulongthsü-binkiu zopung tüsho I jinglung dubopung. Israel yamkhünnü kheaküa arünü yungsho arü kiulongthsürübonü, arü yüliyürakhinü, tüsho arü kiulongthsürübo shechoki asheminü I mung amüsüh mümüneanjih.

MATHI 25:16

Judüki suna shonak 5000 leangkhibuhnü yübah jurünü shothsübu, tüsho püpü alü 5000 kamshih.

YUNIRÜBO RHIMO 7:49

‘Yinmi I binkiu, tüsho alomi I jing-dubopung. Nüsanü I khilim tümü yam thsüjihkhea, Atungpuhnü thachoh, yungsho I sühakhimpü dangpung tümü a?

YUZÜNGTHALO 17:15

nüsanü tsükjide Atungpuh nüsa Thrünpuhnü amokhitkhi kiulongthsürü nüsa kurungkheak mokhitbah; nüsa keoniorü bolungnü khülang nüsa kurungkheak nüsanü kiulongthsürü mokhitbah; nüsanü keoniorü yungde khiungkerü khülang nüsa kurungkheak kiulongthsürü dümokhit;

YUZÜNGTHALO 17:20

Junangde apinü nihbuh keoniorü kheaknü api atsübe ah de mülüm, tüsho thiyukhüm chingnü tsülim yungsho huzulim manguh tüsho Israelrü bolung api kiulongthsü ching api tüsho tsühsoniusobonü lün ahihdo yakzan shuhbah.