1 KIUTHSÜYUKHEAN 17:1 - AMÜSÜH HÜM CL Bible (BSI)

¹ Kheakü küyimki David anihbuh yam ching lakhea, Davidnü Nathan ki tha, “I a cedar yam khülang ching lah, tüshe Atungpuh tangzüng sangdan khimyam khüp lah.”

1 KIUTHSÜYUKHEAN 17:1 Cross References

1 KIUTHSÜYUKHEAN 17:5

Tümüde inü Israel bekhitkhi nimungnü thüyam ching laamükheah, tüshe I khimyam tüsho arüngkhimyam ching lakheah.

1 KIUTHSÜYUKHEAN 15:1

Davidnü anihbuh thsungkheak David kiuto ching thüyambo thsü, tüsho apinü Thrünpuh sangdan zopung thsakham tüsho ju thsungkheak khimyam khülang thsü.

HAGGAI 1:9

Nüsanü ahihkhüh thsungkheak kheahdo, tüsho kheahang ha anikhüh arüdo; tüsho küyimki nüsanü ju thüyam lim hande arükheanü, inü müta tsoshih. Wuto Atungpuhnü thachoh, tümü thsükhea? Tümütüsho nüsa alala nihbuh yam ching athsümünim ching lah.

HAGGAI 1:4

Ha yam thsümünima lachoki, nüsa a thüyam atsübo ching lapü ha kim a de?

DANIEL 4:4

I, Nebukednezar, I yam ching sühakhimde tüsho lalim tsüde alakheah.

JEREMIA 22:15

Cedarnü thüyambo thsümonü nü kiulongthsürü kamshihcho de? Nü buhnü atsühkhi tüsho ayungkhi yung de tüsho thiyuro tüsho thiyuro-lungki mürhimokhea de? Junangde api kheak alala tsüde alakheah.

MUNGSHIKHÜN 132:5

inü Atungpuh thsungkheak dangpung, Jakob Wuto Thrünpuh thsungkheak lapung khülang müngüyi khiungde.”

2 KIUTHSÜYUKHEAN 1:4

(Tüshe Davidnü Thrünpuh sangdan ju Kiriath-jearim ching lude apinü athsakhamkhi dangpung chingnü arü; tümüde apinü ju thsungkheak Jirusalem ching thsüa zo.)

1 KIUTHSÜYUKHEAN 29:29

Kheakü kiulongthsüpuh David rhimobo, atankihnü akheam khiungde angürü Samuel hümbo, wukihbuh Nathan hümbo, tüsho angürü Gad hümbo ching thrüta lah,

1 KIUTHSÜYUKHEAN 16:1

Arünü Thrünpuh sangdan hande yüzah, tüsho Davidnü athsükhi khimyam alunglim zo; tüsho arünü taka kingaünkhi tüsho mungtsü kingaün Thrünpuh miki jih.

1 KIUTHSÜYUKHEAN 14:1

Tair kiulongthsüpuh Hiramnü cedar sangthulungbo mühahbah yunithsürübo tüsho lungzünrü le sangrhimosorü David kilim thüyam thsüpü yüshih.

1 KIULONG THSÜRÜ 1:44

kiulongthsüpuhnü api lung amükeambuh Zadok, wukihbuh Nathan, Jehoiada tsührü Benaia, tüsho Kerethrü le Pelethrü yüshihdo; tüsho arünü api kiulongthsüpuh khoranunu kheak binshih;

1 KIULONG THSÜRÜ 1:23

Kiulongthsüpuh ki tha, “Ha kheak wukihbuh Nathan lah.” Küyimki api kiulongthsüpuh ki azah khea, apinü alo kheak khukningde kiulongthsüpuh ki akin jih.

1 KIULONG THSÜRÜ 1:8

Tüshe amükeambuh Zadok tüsho Jehoiada tsührü Benaia, tüsho wukihrü Nathan, Shimei, Rei tüsho David bonungrübonü Adonija kilim murung.

2 SAMUEL 12:25

tüsho wukihrü Nathan kheaknü thiyusheak arüshih; jumonü apinü amung Jedidia de ji, tümütüsho Atungpuhnü api muzho.

2 SAMUEL 12:1

Tüsho Atungpuhnü wukihrü Nathan ju David kilim yüshih. Api David kilim arübah tha, “Kiuto ching mihtsürü mahne lakheah, khülang alarü tüsho püpü zhochihrü.

2 SAMUEL 6:17

Arünü Atungpuh sangdan lubah yüzah, tüsho khimyam alunglim Davidnü thsüa zokhi azopung kheak zo; tüsho Davidnü taka kingaün tüsho mungtsü kingaünkhi Atungpuh miki jih.

YUNIRÜBO RHIMO 7:46

Apinü Thrünpuh amuzho ngü tüsho Jakob Thrünpuh lapung yimkhitpü keo.

1 KIULONG THSÜRÜ 8:17

Israel Thrünpuh, Atungpuh mung thsungkheak thüyam khülang thsüpü I buh David lümkhi ching lakheah.

1 KIUTHSÜYUKHEAN 17:2

Nathannü David ki tha, “Nü lüm ching lakhi alala rhimoang, tümüde Thrünpuh nü lung lah.”

1 KIUTHSÜYUKHEAN 22:7

Davidnü Solomon ki tha, “I tsah-a, inü Atungpuh I Thrünpuh mung ching thüyam khülang thsüpü lümkheah.

1 KIUTHSÜYUKHEAN 28:2

Judüki kiulongthsüpuh Davidnü wusubah arü miki zhip tüsho tha: “I ki aniang, I keoniorübo tüsho I mihtsürübo. Atungpuh tangzüng sangdan zopü, isa Thrünpuh jing dubopung thsungkheak inü thüyam khülang thsüpü lümkhi thsüdo; tüsho athsüpü thsungkheak inü tsanglungdo.

ABEKHIT 26:1

“Nüsanü zhindokhim ching khimthünak atsüdak, biyi, mürümmuchu tüsho aneakrüm hing keakyukde athsükhi thürü yukde arüngkhimyam thsang; thsüsonungnürünü athsükhi cherubim yukde keakang.

1 KIUTHSÜYUKHEAN 22:6

Judüki apinü atsührü Solomon ji tüsho Israel Thrünpuh, Atungpuh yam thsüpü api ki thiyukhüm jih.