1 KIUTHSÜYUKHEAN 16:4 - AMÜSÜH HÜM CL Bible (BSI)

⁴ Amushupü, makshe jihpü, tüsho Atungpuh Israel Thrünpuh shishihpü thsüde apinü Levirü khürü Atungpuh sangdan miki tankihrübo moyuk.

1 KIUTHSÜYUKHEAN 16:4 Cross References

MUNGSHIKHÜN 106:48

Atungpuh Israel Thrünpuh akheam mülakhi chingnü akheam müla khiungde shiang, Mihtsürü alalanü thashang, “Amen!” Atungpuh shiang.

MUNGSHIKHÜN 105:5

Apinü athsükhi api amüyinsahbe rhimobo lümkhitang, api amüyinsahbebo tüsho api mün chingnü mahkhapkhibo,

MUNGSHIKHÜN 103:2

Atungpuh shiang, O I me, tüsho api alü thsükhibo alala dümih:

MUNGSHIKHÜN 72:18

Amüyinsahbe rhimobuh, Israel Thrünpuh, Atungpuh shiang!

MUNGSHIKHÜN 70:1

O Thrünpuh, I khümkhitpü niokheamang; O Atungpuh , I rungpü nahde arang!

MUNGSHIKHÜN 37:1

Mihbukmuyuk dünkheaknü mulong düsansan; amülim rhimorü kheak mük düthsü.

1 KIUTHSÜYUKHEAN 24:3

Eleazar tsührü Zadok tüsho Ithamar tsührü Ahimelek bede, Davidnü arü tankihpü rhimo akhukhitkhi yande arü chamnakjih.

1 KIUTHSÜYUKHEAN 16:8

O Atungpuh kilim makshe jihang, api mung jiang, mihtsürü bolung api rhimobo mükheahshang.

1 KIUTHSÜYUKHEAN 15:16

Kheaküshe Davidnü Levirü aberübo ki bingshang, bingkhung tüsho larüpbo bede asühkhi düsheak achangnü khün thsüshihpü arü buhtsührü mokhitpü thiyukhüm jih.

1 KIULONG THSÜRÜ 8:15

Apinü tha, “Israel Thrünpuh, Atungpuh shiang, api münnü I buh David ki alokhikhi akhah hode dünjishih, apinü tha,

THRÜNTAN 33:20

Ju ching apinü kingaün sadam khülang thsü tüsho El Elohe Israel de ji.

THRÜNTAN 32:28

Tüsho apinü tha, “Nü mung kheaküa Jakob de müji, tüshe Israel; tümüde nünü Thrünpuh tüsho mihtsürübo bede shochih, tüsho kukdo.”

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

1 KIUTHSÜYUKHEAN 6:31

Tangzüng sangdan hande arü shu Davidnü Atungpuh yam ching khün thsüpü mokhitrü mihtsürü harü lakheah.

1 KIUTHSÜYUKHEAN 16:3

tüsho apinü Israel ching athrürü tüsho aliberü aban kilim yikhap, shihtsan, tüsho kurungaso mukuh khap khülang khülang chama jih.

1 KIUTHSÜYUKHEAN 16:5

Akubuh ju Asaph, api khinbuh Zekaria, Jeiel, Shemiramoth, Jehiel, Mattithia, Eliab, Benaia, Obed-edom, tüsho Jeiel arünü bingshang tüsho bingkhungbo khung; Asaphnü larüpbo king;

1 KIUTHSÜYUKHEAN 25:1

David tüsho bonungrü atorübonü, bingkhung, bingshang, tüsho larüpbo shuhbah müchitmudude tankihpü thsungkheaknü Asaph, Heman tüsho Jeduthun arü tsührübo bemuwuh. Rhimorü tüsho arü rhimobo:

2 KIUTHSÜYUKHEAN 5:13

Atungpuh kilim rüpde mungshipü tüsho makshe jihpü ju hulipungpung mütrü tüsho khün thsürü rhimo lakheah, tüsho küyimki hulipungpung, larüp tüsho püpü kingzükingdobe shuhbah Atungpuh shide khün thsükhea, “Tümüde api tsülah, tümüde apinü düküngde muzhokhi lünnü lah,” Atungpuh yam ju amonü miabah,

EZRA 3:10

Küyimki arüngyam thsüpü khimtan thrünmusukhea, amükeamrübonü shulünkhim phuyubah hulipungpung arü khah ching shuhbah wusu tüsho Asaph buhtsüh Levirünü larüp shuhbah kiulongthsüpuh Davidnü amülükhi yande Atungpuh mung shi.

NEHEMIA 12:24

Hashabia, Sherebia, tüsho Kadmiel tsührü Jeshua pürünü arü keoniorü lung nungbah Thrünpuh mihtsürü, kiulongthsüpuh Davidnü thsangdankhi yande, bo mahnenü aloachihde Thrünpuh mung shi.