1 KIUTHSÜYUKHEAN 13:2 - AMÜSÜH HÜM CL Bible (BSI)

² Davidnü Israel amukhungrü alala ki tha, “Ha nüsanü tsüde lümsho, tüsho Atungpuh isa Thrünpuh lümkhi thsüsho, isanü Israel lomi ching aninga lakhi alala isa keoniorübo, amükeamrü tüsho Levirü, kiutobo ching rimlopungbo larübo kilim thiyu yüshihanü, junangde arübo isa lung mukhungde arübah.

1 KIUTHSÜYUKHEAN 13:2 Cross References

1 KIULONG THSÜRÜ 12:7

Arünü api ki alo, “Mürangkhüh khihni harü mihtsürü yamlarü thsüpü tüsho arü tankihpü thsüsho, arü kilim atsükhinü alojang, arübo kamruhroro nü yamlarü thsübah.”

2 KIULONG THSÜRÜ 9:15

tüshe kiulongthsüpuh Joram a apinü Siria kiulongthsüpuh Hazael bede keochihchoki Siriarünü ayiurijihkhi mü thsüngupü Jezreel ching alode yüa lakheah. Jumonü Jehunü tha, “Ha nü lümkhi thsüsho, sheshe kiuto chingnü duwukhiukshih tüsho Jezreel ching thiyusheak thaang.”

1 KIUTHSÜYUKHEAN 10:7

Küyimki bonungrü tsokhi tüsho Saul le api tsührübo shekhi jindükhün ching lakhi Israel mihtsürübonü angükhea, arünü arü kiutobo bahjihbah tso; tüsho Filistiarünü arübah jurübo müküh-a lu.

1 KIUTHSÜYUKHEAN 13:1

Davidnü chithürü tüsho chi kumung wühkenorü, limberü abande keokhikeora.

1 KIUTHSÜYUKHEAN 13:3

Jushu isanü isa Thrünpuh sangdan isa kilim hanlode aranü; tümüde Saul nimungbo ching isanü ju bahyuk.”

ABEKHIT 18:23

Nünü ha rhimosho, tüsho Thrünpuhnü nü ki thiyukhüm jihsho, nü mükeaksah, tüsho harü mihtsürü alala lümkhi mülübah thüyam lim yübah.”

MÜCHITMUDU 15:22

Lümthiyan mülasho lümkhi akuk müngüchoh, tüshe lümthiyanrü hihkhi ching jurü akuk ngüchoh.

ISAIA 37:4

Rabshake yubo Atungpuh nü Thrünpuhnü soa labah, shepü ki api putungrü Asiria kiulongthsüpuhnü arhang Thrünpuh keangrüpü, tüsho Atungpuh nü Thrünpuhnü asokhi yubo mükhemürangpü thiyikhea; jumonü aninga larü thsungkheaknü tamkhüntamnü zhiang.”

1 SAMUEL 31:1

Kheakü Filistiarünü Israel bede keochih; tüsho Israelrübo Filistiarü müngüh tso, tüsho ahihdo Gilboa wung ching keamabah.