1 KIUTHSÜYUKHEAN 11:2 - AMÜSÜH HÜM CL Bible (BSI)

² Kheakü anükhüh kheak thsungkheak, Saul kiulongthsüpuh lalashe, nünü Israel bonungrü thiyukhüm jih. Atungpuh nü Thrünpuhnü nü ki tha: Nünü I mihtsürü Israel neakbah, nü I mihtsürü Israel kurungkheak yakzanshuhrü thsübah.”

1 KIUTHSÜYUKHEAN 11:2 Cross References

2 SAMUEL 5:2

Kim anükhüh thsungkheak, küyimki Saul isa kurungkheak kiulongthsürü lakhea, nünü Israel limbe. Atungpuhnü nü ki tha: nünü I mihtsürü Israel neakbah, nünü Israel kurungkheak yakzan shuhbah.”

2 SAMUEL 7:7

Inü Israel mihtsürü bolung tsahkhi amuyung I mihtsürü Israel neakshihpü thiyukhüm jihkhi limberübo ki, Nüsanü tümüde I thsungkheaknü thüyam khülang cedarnü müthsü le de keokhidü de?”

1 KIULONG THSÜRÜ 14:7

Yüang, Jeroboam ki thaang, ‘Atungpuh , Israel Thrünpuhnü ha thachoh: Tümütüsho mihtsürü bolungnü inü nü shuhkihde, I mihtsürü Israel kurungkheak limberü thsüshih,

1 KIULONG THSÜRÜ 3:9

Jumonü nü yamlarü kilim nü mihtsürü yakzan shuhpü, atsü tüsho amütsü dükeak mütsankhitkhukpü anikhitkhi lümlung jihang; tümüde shenü ha nü mihtsürü ato kurungkheak yakzan shuhkhukba?”

MUNGSHIKHÜN 78:71

namfimihnu neakde alakhi chingnü api mihtsürü Jakob, api yamrüplurüp Israel neakshihpü api bede arü.

ISAIA 40:11

Apinü api mihnubo ki mihnu neakrünü nangde yimkipbah; apinü namfimihnunubo api bin kheak bemukhungbah, tüsho arübo api khüh kheak hanbah, tüsho namfimihnu abebo mükhihde abebah.

ISAIA 55:4

Kheahang, inü api ki mihtsürübo thiyumütsan thsüjihdo, limberü khülang tüsho mihtsürübo thsungkheak limthorü lah.

JEREMIA 3:15

Inü I yu anirü nü kilim namfimihnu neakrü jihbah, tüsho arünü mükheahmudu tüsho anikhitkhi hode yakzan shuhbah.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

MIKA 5:4

Api azhipbah tüsho A TU N GPU H sühmüh ching, api Thrünpuh Atungpuh wüntre-müretah mung ching api namfimihnubo yimkipbah. Tüsho arü tsokhita labah, tümüde kheakü alomi akheambo khiungde api ato labah;

WÜHKHE 27:17

arü müngüh wukhiukla azahla de, tüsho bekhitla beyukla de thsüshang; junangde Atungpuh mihtsürübo ju namfimihnu aneakrü mülakhi nangde mülabah.”

MATHI 2:6

‘Tüshe nü, Juda lomi ching lakhi Bethlehem, Juda yakzanshuhrü bolung aninibe yung; tümüde nü kheaknü I mihtsürü Israel neakpü yakzanshuhrü khülang arübah.’ ”

JOHAN 10:4

Tüsho küyimki apinü namfimihnubo bekhitbanü, apinü arü müngüh yüchoh; tüsho namfimihnubonü api yanchoh, tümüde arünü api düsheak mükheahlah.

1 SAMUEL 16:1

Atungpuhnü Samuel ki tha, “ Külokhüh nü Saul dünkheak tüzhoba? Inü api Israel kurungkheak kiulongthsüpü chingnü bahyukdo. Nü shihjuh ching oliv müdangke yukang tüsho tsahmusuang; inü nü Bethlehem ching Jesse kilim yüshihbah, tümüde api tsührü bolungnü inü kiulongthsürü khülang mokhitdo.”

1 SAMUEL 16:13

Judüki Samuelnü oliv müdangke pung lu, tüsho akhiungmungrü mikinü api mujude-mokhit; tüsho ju nimungnü Atungpuh me ju wu chingnü David kheak arü. Jushu Samuelnü tsahmusu tüsho Rama lim yü.

1 SAMUEL 18:13

Jumonü Saulnü anihbuh mikinü api tsoshih, tüsho chithürü kurungkheak limthorü kamshih; tüsho Davidnü bonungrü thirithsü ching limbe.