1 JOHAN 4:1 - AMÜSÜH HÜM CL Bible (BSI)

¹ Amuzho müyamrübo, me alala kheak dükin, tüshe mebo ju Thrünpuh kilimnü a shi yungnü rükakheahang; tümüde arükchih wukihrübo ahihdo alomi ching akhiukdo.

1 JOHAN 4:1 Cross References

1 KIULONG THSÜRÜ 13:18

Judüki wukihrü awünbuhnü alo, “Nü nangde I she wukihrü ah, tüsho Atungpuh yu hode yunirü khülangnü I ki tha: Api nü lung belobah nü yam ching arang, junangde apinü jim tsühbah tüsho ke yungbah.” Tüshe apinü anihbuh ki akeangyu thade alakheah.

MÜCHITMUDU 14:15

Yancho mihtsürünü lüpdükhi akin lachoh, tüshe lümlung larünü nihbuh jingdükübo tsüde lümchoh.

JEREMIA 14:14

Tüsho Atungpuhnü I ki tha: Wukihrübonü I mung ching akeangyu müchitchoh; inü arü müthiyi, yungsho arü ki thiyukhüm müjih yungsho arü ki masuk. Arünü nü ki akeangyu michih, müthülünkhi müchityu, tüsho arü nihbuh akeangyu lümkhi müchitchoh.

JEREMIA 23:16

Wuto Atungpuhnü ha thachoh: Nüsa ki müchitrü wukihrübo yu dani; arünü nüsa bemüchihchoh. Arünü nihbuh lümkhi michih asukchoh, Atungpuh mün chingnü yung.

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

MARK 13:21

Khürünü nü ki, ‘Kheahang, Khrista ha kheak lah!’ yungsho ‘Kheahang, api ju ching lah!’ de thasho, ju akin düla.

LUKNÜ ATHRÜTKHI THIYUSHEAK-ATSÜ HUHTANYU 12:57

“Tümü thsükhi alim dünkheak nü küdah thsüde mahmükhapcho le?

LUKNÜ ATHRÜTKHI THIYUSHEAK-ATSÜ HUHTANYU 21:8

Tüsho apinü tha: “Nüsa mümülapyukpü kümkangang. Tümüde ahihkhüh I mung chingnü thade arübah, ‘I api ah,’ tüsho, ‘Kim thünindo.’ Jumonü arü dunglim düyü.

YUNIRÜBO RHIMO 17:11

Harü Jihudarü a Tesalonika ching larü ruk yungde yakli atsü lakheah, tümüde arünü thiyusheak ju künsahde leangkhi tüsho ju atsütsü a shi de nimung aban amüsühyu yimakheah.

YUNIRÜBO RHIMO 20:29

I chamachihshu namfimihnu boto maningshihpü rimre amütsü nüsa bolung arübah de inü mükheahlah;

1 KORINT 12:10

püpü kilim khinthiyinbe rhimopü, püpü kilim müchitpü, püpü kilim mebo dükeak kheahkhitkhukpü, püpü kilim thiyutha aphuaphu, püpü kilim thiyuthabo thanakpü lah.

1 KORINT 14:29

Wukihrü mahne yungsho mahsamnü thashang tüsho athakhi ju püpürünü mütsanmükhishang.

1 TESALONIKA 5:20

müchitkhi mükhemükim düthsü,

1 TESALONIKA 5:21

tüshe lüpdükhi rükakheahang; tümü atsüanü düngde ramrihang,

2 TESALONIKA 2:2

müchityu yungsho thiyusheak, yungsho isa kilimnü kihüm thsüa la, Atungpuh nimung arüdo de athakhi hode nüsa nahde mulong dajan yungsho arhungangüm mülabeah.

1 TIMOTHI 4:1

Kheakü ashulim kimbo ching mebo mülapyukkhi tüsho amünean yukhümbo anide akin chingnü khürü chamkhide atsobah de Menü thachoh.

2 TIMOTHI 3:13

mihtsürü amütsü tüsho rükmütsürü a mülapyukde tüsho mülapyukabahde amütsü chingnü amütsübe kambah.

2 PETER 2:1

Adüso arükchih wukihrübo mihtsürü bolung lakheah, junangde nüsa bolung she arükchih thsangyurübo akhiukbah. Arünü athsümünimbe akeangyu kingaünyakzan hande arübah, tüsho arü rhokhitbuh arü Putungrü reanglobah, tüsho junangde arünü arü nihbuh kheak zukleangnü athsümünim hande arübah.

1 JOHAN 2:18

Azürübo, ha akheam kim ah; Khrista azhihrü arüchoh de nüsanü asokhi nangde kheakü Khrista azhihrü ahihkhüh arüdo; jumonü ha akheam kim ah de isanü mükheahlah.

1 JOHAN 2:7

Amuzho müyamrübo, inü nüsa kilim thiyuzüng aso tümü müthrüt, tüshe atankih chingnü nüsa lakhi awün yuzüng ah; awün yuzüng ju nüsanü asokhi lah.

2 JOHAN 1:7

Jisu Khrista mihtsürü kambah arükhi müleangkhipü lakhi mihtsürübo, mülapyukrü ahihdo alomi ching wukhiukdo; hadürü ju mülapyukrü tüsho Khrista azhihrü ah.

3 JOHAN 1:11

Amuzho müyambuh, amütsü dükheahkhi tüshe atsü kheahkhiang. Shepünü atsü rhimochonü Thrünpuh kilimnü ah; shepünü amütsü rhimochonü Thrünpuh müngü.

AMIKHEAKAKHIUKKHI 2:2

“‘Inü nü rhimobo, nü khuksahkhi, nü arümkheamkhi, tüsho nünü amütsü mihtsürü ki marümkhukkhi tüsho arü küdahnü amüsüh-thsangyurü de ajirü rükakheahkhi mükheahlah, tüshe arübo a yung, tüsho arü arükchih ngükhitdo.