1 JOHAN 3:1 - AMÜSÜH HÜM CL Bible (BSI)

¹ Isa Thrünpuh tsührü de ajipü thsüde Abuhnü küdükhüh isa muzholanü kheahang; tüsho junangde isa lah. Alominü isa mümükheahkhi amütsan ju api mümükheahkhinü ah.

1 JOHAN 3:1 Cross References

2 SAMUEL 7:19

Tüsho kheaküshe ha nü miki anikhüh lakheah, O Atungpuh T HRÜNPU H ; nünü nü yamlarü yamkhün ki arübe ching dünjipü ato thado. Haju ha mihtsürübo thsungkheaknü thsangdankhi thsüshang, O Atungpuh T HRÜNPU H !

MUNGSHIKHÜN 31:19

Mihtsürü tsührübo miki nü trerü tüsho nü kheak kinrü thsungkheak nünü azojihkhi nü tsükhi küdükhüh ato a!

JEREMIA 3:19

I tsührü bolung küde thsah nü zojihpü; tüsho alo atsü, trükshih alala yo akheahakham yamrüplurüp küde ajihpü de inü tha. Tüsho nünü I ki, abuh de ajibah tüsho I kilimnü rholode mutso de inü tha.

HOSEA 1:10

Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.”

LUKNÜ ATHRÜTKHI THIYUSHEAK-ATSÜ HUHTANYU 20:36

yungsho kheaküa arü müshe, tümütüsho arübo ashe chingnü arhang kamlokhinü yunirübo tüsho Thrünpuh tsührübo lung yangyukhüh labah.

JOHAN 1:12

Tüshe api leangkhirü ahihkhüh kilim, api mung ching kinrü kilim she apinü Thrünpuh tsührü kampü alim jih:

JOHAN 11:52

tüsho ju trükshih thsungkheak lang yung tüshe Thrünpuh tsührübo hiumüzüta larü khülang kamde bemukhungpü lakheah.

JOHAN 15:21

Tüshe harü alala I mung dünkheaknü arünü nüsa ki rhimochoh, tümütüsho arünü I thiyibuh mümükheah.

JOHAN 16:3

Tüsho arünü harü nüsa ki rhimobah, tümütüsho arünü I Buh yungsho l mümükheah.

JOHAN 17:25

O thiyuro-lungki Abuh! Alominü nü mümükheah, tüshe inü nü mükheahdo; tüsho nünü I thiyikheah de harünü mükheahlah.

JOHAN 3:16

“Tümütüsho Thrünpuhnü alomiküp muzhokhinü api tsührü lapkhiung jih, junangde shepünü api kheak kinbanü müdükheak tüshe akheam müla rhangdung labah.

ROMRÜ KILIM PAULNÜ ATHRÜTKHI KIHÜM HUHTANYU 5:8

Tüshe isa aneakrü lachoki isa thsungkheak Khrista shekhinü Thrünpuhnü isa thsungkheak api muzho huh.

ROMRÜ KILIM PAULNÜ ATHRÜTKHI KIHÜM HUHTANYU 8:19

Thrünpuh tsührübo thsungkheak amikheak akhiukpü thrüna lakhi alalanü mulong dukde aleanglah;

ROMRÜ KILIM PAULNÜ ATHRÜTKHI KIHÜM HUHTANYU 8:21

tümütüsho thrüna lakhi ju she athsümünim kuhi chingnü Thrünpuh tsührübo müretahkhi zuzu ching bekhitbah.

ROMRÜ KILIM PAULNÜ ATHRÜTKHI KIHÜM HUHTANYU 8:32

Shepünü nihbuh tsührü müsühmühde isa alala dünkheak jihabahkheanü, apinü lüpdükhi isa kilim müjihba de?

2 KORINT 6:18

I nüsa abuh thsübah, tüsho nüsa I tsührübo le tsührübebo thsübah, Wuto Atungpuhnü thachoh.”

GALATIA 3:26

tümüde nüsa alala Jisu Khrista ching akin hode Thrünpuh tsührübo ah.

GALATIA 3:29

Tüsho nüsa Khrista yo thsüsho, alokhikhi ayannü nüsa ju Abraham müjih tüsho yamrüplurüp lurü ah.

YUZÜNGTHALO 14:1

“Nüsa ju Atungpuh nüsa Thrünpuh tsührü ah; asherü thsungkheaknü nüsanü nihbuh küdah thsüde dütsüt yungsho kingkang kheak kuyü dühüt.

KOLOSI 3:3

Tümüde nü shedo, tüsho nü ju Khrista lung rhangdung Thrünpuh kheak jika lah.

1 JOHAN 3:10

Ha Thrünpuh tsührübo le arimri tsührübo dükeak mütsankhi lah: Shepünü alungki mürhimocho, yungsho nihbuh keoniorü mümuzhonü Thrünpuh tsührü yung.

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.

1 JOHAN 4:17

Hanangde mahkhap nimung isanü mulong topü thsüde isa bolung amuzho ju banthsangde kamshih, tümütüsho ha lomi ching isa api nangde lah.

AMIKHEAKAKHIUKKHI 21:7

Shepünü akuk ngüchonü ha yamrüplurüp lubah, tüsho I api Thrünpuh thsübah, tüsho api I tsührü thsübah.