फिलिप्‍पि 4:7 - याम्फु

⁷ मोबा कानिङ याॽमिजिमि निवाडे़ॽ लेहेनिबा निवाहाङ्‌मि सान्‍तिडे़ॽ हे़निङ्‌मि निवानुङ सोःक्‍मा खिरिस्‍ट येसुबेॽ रच्‍छे ले़न्‍डुए।

फिलिप्‍पि 4:7 Cross References

लुका 1:79

मोबा सेन्‍जुगुपबेॽ पेङ्‌घुबाजिनुङ सिसिॽपोरोक्‍पॽआ याॽमिजि हिङ्‌मवामि उज्‍यालो पिन्‍डुजे। मोबा मो उज्‍यालोडे़ॽनोॽ कानिङ सान्‍तिमि रामबेॽ राम्‍मराप्‍मिये।”

लुका 2:14

“चोप्‍पाङ मिन्‍डु थाङ्‌सिरिबेॽ पेङ्‌घुबा निवाहाङ्‌मि ओहाङ मोबा मक्‍खाम्‍डेमबेॽ हाम्‍भा याॽमिजिनुङ निवाहाङ साप्‍थाङ्‌इये खोजिडे़ॽ सान्‍ति चुप्‍टुजिरो।”

युहन्‍ना 14:27

“के़ॽ हे़निङ्‌नुङ सान्‍ति याःॽयानुङे। के़ॽ काङ्‌मि सान्‍ति हे़निङ पिनिम्‍ने़। मो सान्‍ति इगो मक्‍खाम्‍डेमडे़ॽ पिबॽआडोॽमा ने़ॽनिबा। हे़निङ्‌मि निवा दुःखि मे़लिरो, मोबा मे़ङ्‌किस्‍सिरो।

युहन्‍ना 16:33

“हे़निङ कानुङ टुमाबेॽ सान्‍ति चुप्‍हेसानुमे लुनुङ के़ॽ हे़निङ इघा चोप खा लुबॽआ। मक्‍खाम्‍डेमबेॽ हे़निङे़ॽ खेः आङ्‌मा खे़ये, तर ए़क्‍किसिसानिङे इन्‍ढोङ्‌होङ के़ॽ मक्‍खाम्‍डेम हेजाबेटुङे।”

रोमि 1:7

रोमबेॽ टुघुबा चोप पबित्‍रा याॽमिजिमि लागि इगो पत्‍रा साप्‍मे़ॽनिङ्‌सिनुङे। निवाहाङ्‌डे़ॽ हे़निङ नम्‍नम ले़ःॽनुङ खोमि याॽमिजि लिमामि के़ःॽपॽआजि, कानिङ्‌मि पाबा निवाहाङ्‌नुङ परभु येसु खिरिस्‍टडे़ॽ अनुग्‍रहानुङ सान्‍ति पिरो।

रोमि 14:17

इन्‍ढोङ्‌होङ निवाहाङ्‌मि राज्‍य चाहिँ चामानुङ उङ्‌मे खाबाङ चुप्‍मे़ ने़ॽनि, बोरु पबित्‍रा होङ्‌निवाबाङ निवाहाङ्‌मि धारमिक खा, सान्‍तिनुङ हाङ्‌हाङ लिनुङ पेम्‍मे खा ले़ये।

रोमि 15:13

आसा पिघुबा निवाहाङ्‌डे़ॽ हे़निङ्‌मि बिस्‍वासबाङ हाङ्‌हाङ्‌नुङ सान्‍ति बेॽलो येॽपेॽरो। मोडोक्‍नोॽ पबित्‍रा होङ्‌निवामि सक्‍तिडे़ॽ हे़निङ्‌मि आसा छना वाबोक्‍लो।

रोमि 5:1

मोडोगे़ॽ बिस्‍वास ले़ःॽनुङ निवाहाङ्‌मि पोम्‍बेॽ धरमि ठरबा लिटिङ्‌मे़ मोबा कानिङ्‌मि परभु येसु खिरिस्‍टमि लामबाङ निवाहाङ्‌नुङ चुप्‍मिटिङ्‌मे।

रोमि 8:6

इडोॽ पापि बानि बेहोराबेॽ निवा टिमाबेॽ चाहिँ सिमवाबेॽ रुॽइये, तर पबित्‍रा होङ्‌निवाबेॽ निवा टिमाबेॽ चाहिँ हिङ्‌मवानुङ सान्‍ति चुप्‍मिये।

२ कोरिन्‍थि 10:5

निवाहाङ्‌मि निवा टेडिघरिक्‍हा खानुङ काङायोङ्‌बानुङ्‌हा बाधा कानिङे़ॽ नास ले़न्‍डुङ्‌मे। खिरिस्‍टमि आग्‍या पालना ले़ःॽखुबा लिमामि लागि चोप मङे़हा निवा अधिनबेॽ युङ्‌इन्‍डुङ्‌मे।

२ कोरिन्‍थि 13:11

के़हा वावानिसानुङ नानुसाजि हागो का बिदा लिङे, हाङ्‌हाङ्‌नुङ पेनानिङे। बिस्‍वासबेॽ पक्‍का लिमामि लागि सानिङ बोल लिसानिङे। हे़निङ बिन्‍ति ले़ःॽपॽआ खा खेप्‍सानुमे, इक्‍कोसे़ॽ लुबॽआ खा हाइकोसे़ॽ खेप्‍सानुमे, मे़ङ्‌खिरेॽ पेनानिङे। मोबा सान्‍तिनुङ नम्‍नम पिघुबा निवाहाङ हे़निङ्‌नुङ पेङ्‌इये।

गलाति 5:22

पबित्‍रा होङ्‌निवामि चा लुबॽआ चाहिँ इघा ले़हा-नम्‍नम ले़ःॽमा, हाङ्‌हाङ लिमा, याॽमिजिनुङ टोङ्‌जामा, निवा अधिनबेॽ युङ्‌मा, नम्‍नावा ले़ःॽमा, भलाइमि योम्‍बोक ले़ःॽमा, भरोसानुङ्‌मा लिमा,

एफिसि 3:19

मोबा याॽमिमि निवाडे़ॽ लेहेनिबा खिरिस्‍टमि नम्‍नम लेहेसानुमे, मोबा हे़निङ्‌मि चोप बेबहार निवाहाङ्‌डे़ॽ नेन्‍जामारोमा लिरो लुनुङ पारथना ले़नुङे।

फिलिप्‍पि 1:1

फिलिप्‍पि सहरबेॽ टुघुबा पबित्‍रा याॽमिजि, मन्‍डलि रेखदेख ले़ःॽखुबा अगुवाजि, डिकनजिनुङ बिस्‍वासिजिमि लागि काजिङ येसु खिरिस्‍टमि सेउतेजि पावलनुङ तिमोथिडे़ॽ इगो पत्‍रा साप्‍हाङ्‌मे़ॽसिन्‍जुङे।

फिलिप्‍पि 1:2

कानिङ्‌मि पाबा निवाहाङ्‌नुङ परभु येसु खिरिस्‍टडे़ॽ हे़निङ अनुग्‍रहा सान्‍ति पिरो।

फिलिप्‍पि 4:19

के़ए़ निवाहाङ्‌डे़ॽ हे़निङ्‌मि चोप खाँचो पुरा ले़न्‍डुए। खिरिस्‍ट येसुबेॽ टुये खोमि महिमानुङ्‌मा याङ्‌सरावाबाङ्‌नोॽ हे़निङ पाप्‍मिहा खा चोप पिये।

फिलिप्‍पि 4:21

खिरिस्‍ट येसुबेॽ बिस्‍वास ले़ःॽखुबा चोप पबित्‍रा याॽमिजिमि लागि काङ्‌मि सेवायो। इगोबेॽ कानुङ सोरि टुघुबा वावा निसाजिडे़ॽसो हे़निङ सेवायो ले़ःॽहाङ्‌इटामे।

फिलिप्‍पि 4:9

काबाङ हे़निङे़ॽ इमाङ चिङ्‌इटानुमेनुङ चुप्‍मिटानुमे माहा चिम्‍बॽआनुङ चुप्‍पॽआ खानोॽ ले़टानुमे, मोबा सान्‍ति पिघुबा निवाहाङ हे़निङ्‌नुङ सोरि पेङ्‌इये।

कलस्‍सि 3:15

खिरिस्‍टबेॽ टुये सान्‍तिडे़ॽ हे़निङ्‌मि निवाबेॽ राज्‍य ले़टुरो। चइबानोॽ इगो सान्‍तिमि लागिनोॽ हे़निङ इक्‍को हिङाबेॽ के़ए़टानिङे। इगो खामि लागि हे़निङे़ॽ ओहाक पिसानुमे।

२ थेस्‍लोनिकि 3:16

कानिङ्‌मि सान्‍तिमि परभुडे़ॽ सानिङ्‌नोॽ हे़निङ सान्‍ति पिरो। हे़निङ चोपनुङ सोरि परभु टुरो।

हिब्‍रु 13:20

हागो सामुजिमि महान गोठ्‌लानुङ टाङ्‌बामि हरिडे़ॽ सानिङ टुडुङ्‌घे़ये हेन्‍ज्‍रुङ पुरा ले़ःॽखुबा कानिङ्‌मि परभु येसु सिबॽआबाङ सान्‍तिदाङ्‌बा निवाहाङ्‌डे़ॽ,

यहुदा 1:1

का याकुबमि निसा, मोबा येसु खिरिस्‍टमि सेउते यहुदा ले़ङे। निवाहाङ पाबाडे़ॽ के़ःप्‍पॽआनुङ नम्‍नम मिॽपॽआजि, मोबा येसु खिरिस्‍टडे़ॽ रच्‍छे ले़ःॽपॽआजि इगो पत्‍रा साप्‍हाङ्‌मे़ॽसिनुङे।

परकास 1:4

का युहन्‍नाडे़ॽ एसियाबेॽ टुहा एच्‍चि गोटा मन्‍डलिबेॽहा बिस्‍वासिजि सेवा मुनुङे़, निवाहाङ याक्‍लोएम्‍बाङ टुसा, आयुसो टुये मोबा ए़क्‍साङ्‌सो लेङ्‌इये, मोबा निवाहाङ पेन्‍ढाममि पोम्‍बेॽ टुहा एच्‍चि गोटा होङ्‌निवाबाङ हे़निङ अनुग्‍रहानुङ सान्‍ति लिरो।

परकास 2:17

पबित्‍रा होङ्‌निवाडे़ॽ मन्‍डलिबेॽहा बिस्‍वासिजि इमाङ लुन्‍डुजे, ने़ए़क काप्‍खुबा चोबे़ॽ खेप्‍सानुमे। असे़ॽ हेजोन्‍डुए, खो के़ॽ चुम्‌युङ्‌बॽआ मन्‍नाबाङ्‌ ए़डे़ॽवा पिनुङे़, मोबा खो चोङ निङ साप्‍पॽआ इक्‍को उथ्‍रिॽमा रुङ्‌गोॽवामि पाटिसो पिनुङे़। मो निङ चाहिँ उथ्‍रिॽमा रुङ्‌गोॽवामि पाटि चुप्‍खुबे़ॽरेॽ लेन्‍डुए।”