फिलिप्‍पि 4:6 - याम्फु

⁶ हे़निङ इमाङ खामि लागिसो सुरता ए़ले़टानिङे, तर हे़निङ पाप्‍मिहा खा निवाहाङ्‌नुङ पारथनाबेॽ ङागानुमे, मोबा ओहाक पिसाङ खोनुङ बिन्‍ति ले़टानुमे।

फिलिप्‍पि 4:6 Cross References

मत्‍ति 10:19

तर मोडोक्‍पेॽ इमाङ लुमेनुङ इन्‍डोॽ इःमे़ मिॽनुङ सुरता ए़ले़टानुमे। इन्‍ढोङ्‌होङ हे़निङे़ॽ इमाङ इःमा खे़ये माहा चोप खा मोडोक्‍पेॽनोॽ हे़निङे़ॽ चुप्‍मिन्‍डानुमे।

मत्‍ति 13:22

चिजिङ खाबेॽ सिॽपॽआ चरि चाहिँ याॽमिजिडे़ॽ निवाहाङ्‌मि बचनगो खेम्‍इडुजे, तर इगो मक्‍खाम्‍डेमबेॽहा बेॽलो खालहा सुरतानुङ याङ्‌सरावामि नम्‍नमडे़ॽ बचन टोप्‍सिघे़ये मोबा मो चरिबाङ इक्‍को चासो किङ्‌निहा।

मत्‍ति 6:34

मोडोगे़ॽ वागियामि लागि सुरता ए़ले़ॽटानुमे, इन्‍ढोङ्‌होङ वागिया पाप्‍मिहा खा वागियानोॽ पुरा लिहा। आयुहा दुःख आयुमि लागि के़ॽलो टुहा।”

मत्‍ति 6:8

तर हे़निङ माहा याॽमिजिडोॽ ए़ले़टानिङे। इन्‍ढोङ्‌होङ हे़निङ इमाङ खा पाप्‍मिटे़ मो हे़निङ्‌मि निवाहाङ पाबे़ॽ याक्‍लोनोॽ लेबेन्‍डुए।

लुका 10:41

परभु येसुडे़ॽ मारथा लुसु, “होउ मारथा नानि, हे़न बेॽलो खामि लागि सुरता ले़ये।

लुका 12:22

मोबा ए़क्‍साङ येसुडे़ॽ चोङ्‌साजि लुसुजि, “मोडोगे़ॽ हिङ्‌मामि लागि पाप्‍मिये चामे, उङ्‌मे खामि टुम्‍बेॽ सुरता ए़ले़टानिङे।

लुका 12:29

मोडोगे़ॽ इमाङ चामे, इमाङ उङ्‌मे़ लुनुङ सुरता ए़ले़टानिङे।

लुका 18:1

मोबा ए़क्‍साङ येसुडे़ॽ चोङ्‌साजि “सानिङ्‌नोॽ पारथना ले़ःॽमा खे़येनुङ हरेस चामा फे़न्‍निबा” लुमे खा इःॽमामि इडोॽ इःबेॽटुजि,

लुका 18:7

मोडोक्‍नोॽ लेन्‍डा, सेन्‍डा सानिङ्‌नोॽ निवाहाङ्‌नुङ पारथना ले़ःॽखुबा याॽमिजिमि लागि निवाहाङ्‌डे़ॽ नुबा खा ले़ःॽपेॽनिबा ? इमा खोमि याॽमिजिमि लागि ढिलो ले़टुङ्‌घे़न्‍डुए ?

१ कोरिन्‍थि 7:21

निवाहाङ्‌डे़ॽ के़ःॽमाबेॽ हे़न सेउते ले़टाहोङ इमाङ्‌सो ए़मिन्‍ने, तर हे़न फुक्‍का लिडोॽइयेहोङ फुक्‍का लिसे।

१ कोरिन्‍थि 7:32

के़ॽ हे़निङ लुनिम्‍ने, चोप खालहा सुरता पिरबाङ ओः पेनानिङे। फुङ्‌सया मे़ले़ःॽपॽआ याॽमिडे़ॽ इन्‍डोॽ ले़ःॽमाबेॽ परभु साप्‍थाङ्‌इये लुनुङ मो खामिरेॽ सुरता ले़न्‍डुए।

२ कोरिन्‍थि 1:11

हे़निङे़ॽसो कानिङ्‌मि लागि पारथना ले़ःॽनुङ सहायता ले़ःॽमा खे़ये। इडोॽ बेॽलो कानिङ्‌मि लागि पारथना ले़ःॽमाबेॽ मोमि साटो निवाहाङ्‌डे़ॽ कानिङ आसिस पिये, मोबा बेॽलो याॽमिजिडे़ॽ कानिङ्‌मि लागि निवाहाङ ओहाक पिन्‍डुजे।

एफिसि 5:20

सानिङ्‌नोॽ चोप खामि लागि कानिङ्‌मि परभु येसुमि निङ्‌बेॽ निवाहाङ पाबा ओहाक पिसानुमे।

एफिसि 6:18

सानिङ पारथना ले़टानिङे, निवाहाङ्‌नुङ बोल ङागानुमे। सानिङ पबित्‍रा होङ्‌निवाबेॽ लिनुङ पारथना ले़टानुमे। इघा खा निवाबेॽ युङ्‌नुङ सानिङ होसियार लिमानुङ खिरिस्‍टमि पबित्‍रा याॽमिजिमि लागि पारथना ले़टानुमे।

कलस्‍सि 3:15

खिरिस्‍टबेॽ टुये सान्‍तिडे़ॽ हे़निङ्‌मि निवाबेॽ राज्‍य ले़टुरो। चइबानोॽ इगो सान्‍तिमि लागिनोॽ हे़निङ इक्‍को हिङाबेॽ के़ए़टानिङे। इगो खामि लागि हे़निङे़ॽ ओहाक पिसानुमे।

कलस्‍सि 3:17

हे़निङे़ॽ इमाङ ले़न्‍डानुमे, इमाङ इःन्‍डानुमे माहा चोप परभु येसुमि निङ्‌बेॽनोॽ ले़टानुमे, मोबा खोबाङ्‌नोॽ निवाहाङ पाबा ओहाङ पिसानुमे।

कलस्‍सि 4:2

हे़निङे़ॽ सानिङ पारथना ले़ःॽमे। पारथना ले़ःॽमाबेॽ ओहाक पिसाङ निवाहाङ्‌बेॽ निवा टिनुङ पारथना ले़टानुमे।

१ तिमोथि 2:1

चोप्‍पाङ याक्‍लो हे़न लुन्‍ने़, चोपमि लागि बिन्‍तिनुङ पारथना ले़ःॽमे़, मोबा माहाजिमि लागि निवाहाङ ओहाक पिमे़।

१ तिमोथि 5:5

तर टाङ्‌बाङ मे़ॽनिङ्‌हा चाइबमानोॽमा राङ्‌मिॽमाडे़ॽ चाहिँ निवाहाङ्‌बेॽ आसा ले़न्‍डुए। खोसे़ॽ लेन्‍डा, सेन्‍डा सानिङ्‌नोॽ निवाहाङ्‌नुङ पारथना ले़न्‍डुए।

१ पत्‍रुस 4:7

चोप खा नासि लिमे याक के़क्‍पेॽनोॽ लेम्‍बेटे़। मोडोगे़ॽ हे़निङ टाङ्‌बा अधिनबेॽ युङ्‌नुङ होसियार पेम्‍मा खे़ये। इडोॽ हे़निङे़ॽ पारथना ले़ःॽहेन्‍डानुमे।

१ पत्‍रुस 5:7

हे़निङ्‌मि चोप सुरता निवाहाङ्‌बेॽ युक्‍सानुमे, इन्‍ढोङ्‌होङ खोसे़ॽनोॽ हे़निङ खाङ्‌इये।