फिलिप्‍पि 4:19 - याम्फु

¹⁹ के़ए़ निवाहाङ्‌डे़ॽ हे़निङ्‌मि चोप खाँचो पुरा ले़न्‍डुए। खिरिस्‍ट येसुबेॽ टुये खोमि महिमानुङ्‌मा याङ्‌सरावाबाङ्‌नोॽ हे़निङ पाप्‍मिहा खा चोप पिये।

फिलिप्‍पि 4:19 Cross References

मत्‍ति 6:32

इन्‍ढोङ्‌होङ इडोक्‍हा खामि सुरतागो निवाहाङबेॽ बिस्‍वास मे़ले़ःॽखुबा याॽमिजिडे़ॽरेॽ ले़न्‍डुजे। तर इघा चोप खा हे़निङ पाप्‍मिये लुनुङ थाङ्‌सिरिबेॽ पेङ्‌खुबा पाबे़ॽ नुरोॽ लेन्‍डुहा।

युहन्‍ना 20:17

येसुडे़ॽ मरियम लुसु, “का ए़ॽसुःप्‍मायो, का हागोरोसो पाबामि खिमबेॽ मे़ङ्‌खे़ॽटिॽङा। तर के़हा निसाजिबेॽ खे़ॽनुङ इगो खा लुबेॽटाजे, ‘के़ए़ पाबानुङ हे़निङ्‌मि पाबा, के़ए़ निवाहाङ्‌नुङ हे़निङ्‌मि निवाहाङ्‌बेॽ का खे़ॽमे़ॽनिङ्‌सिङे’।”

युहन्‍ना 20:27

मोबा खोसे़ॽ थोमा लुसु, “हे़ने़ए़ हुक्‍खे़ॽवासि के़ए़ हुकपेॽ युङ्‌नुङ के़हा हुक खाक्‍से। हे़ने़ए़ हुक के़ए़ हेप्‍सोक्‍माबेॽ एन्‍डे। सङ्‌क ए़ले़टे तर बिस्‍वास ले़टे।”

रोमि 1:8

चोप्‍पाङ याक्‍लो के़ॽ येसु खिरिस्‍टबाङ हे़निङ चोपमि लागि निवाहाङ पाबा ओहाक पिनुङे़, इन्‍ढोङ्‌होङ हे़निङ्‌मि बिस्‍वासमि टुम्‍बेॽहा खा चोप मक्‍खाम्‍डेमबेॽ परचार लिटाहा।

रोमि 11:33

चइबानोॽ निवाहाङ्‌मि निवानुङ सक्‍ति इन्‍डोक बेॽलो! मोबा खोमि निवानुङ सक्‍ति लेमानोॽ छॽइये! खोमि न्‍याय इन्‍डोक महान ले़ये खोमि राम लेमा छॽइये।

रोमि 2:4

अथबा निवाहाङ्‌मि किरपाडे़ॽ हे़निङ पाप योम्‍बोक लेॽनुङ निवाहाङ्‌बेॽ टेआप्‍मिये लुमे खा मे़लेरेॽ इमाङ हे़निङ खोमि नम्‍नावा, आङ्‌डुङ्‌घे़ॽखुबानुङ चान्‍डोनोॽ सुरके़ॽनिबा लुमे खा ए़डेम्‍मा मिॽइन्‍डानुमे ?

रोमि 8:18

इगो हिङ्‌मवाबेॽ आङ्‌बॽआ दुःख खेःबाङ ए़क्‍साङ कानिङे़ॽ चुप्‍मिये महिमा चाहिँ बेॽए ले़ये।

रोमि 9:23

मोबा निवाहाङ्‌डे़ॽ कानिङ बेॽए सक्‍तिनुङ महिमामि याङ्‌सरावा खाङ्‌मुमा मिॽटु। कानिङ खोमि नम्‍नावा चुप्‍खुबा सुॽउ लिसिङ्‌मा। खोसे़ॽ कानिङ खोमि नम्‍नावा चुप्‍खुबाजि टाङ्‌बामि बेॽए आदरमि लागि पोरोगा।

२ कोरिन्‍थि 12:21

हाइकोखेॽ हे़निङ्‌बेॽ लेम्‍माबेॽ आक्‍कोबेॽहा इक्‍को निप्‍पाङ याॽमिजिडे़ॽ याक्‍लोनोॽ इडोक्‍हा पाप योम्‍बोक असुद्‌ध योम्‍बोक, बेभिचारनुङ ङेसिमा टे़क्‍टे़क्‍हा योम्‍बोक ले़ःॽनुङ्‌सो निवाहाङ्‌बेॽ मे़न्‍टेबॽआ खाङ्‌नुङ दुःखि लिमा खे़येन्‍डे मिॽइनुङे। इडोॽ निवाहाङ्‌डे़ॽ का हे़निङ्‌मि पोम्‍बेॽनोॽ मिॽमु युङ्‌इयेन्‍डे मिॽनुङ का किस्‍सिङे।

२ कोरिन्‍थि 4:17

इन्‍ढोङ्‌होङ कानिङे़ॽ ए़क्‍साङ चुप्‍मिये इन्‍डोक्‍पेॽसो रुक्‍खे़निये महान महिमा पोरोक्‍मे़ॽनिङ्‌सिन्‍डुए। मो मिॽमाबेॽको आयु कानिङे़ॽ इॽछोॽ आङ्‌बॽआ खेःगो चइबानोॽ इमाङ्‌सो ने़ॽनिबा।

एफिसि 1:18

के़ॽ इडोॽ लुनुङ्‌सो इगो पारथना ले़नुङे, हे़निङ्‌मि निवामि जोति उरो, हे़निङ हाम्‍बे आसामि लागि के़ए़टे़नुङ, पबित्‍रा याॽमिजिबेॽ खोमि महिमानुङ्‌मा हक अधिकारमि याङ्‌सरावा इमाङ ले़ये, मो हे़निङे़ॽ लेहेसानुमे।

एफिसि 1:7

खिरिस्‍ट सिसा मोडोगे़ॽ खोमि हरिडे़ॽ कानिङे़ॽ पापबाङ आम्‍लाङ चुप्‍मिटुङ्‌मे़। खोसे़ॽ कानिङ्‌मि पापमि मोल फोङ्‌नुङ कानिङ छुट्‌कारा पिसा। चइबानोॽ निवाहाङ्‌मि अनुग्‍रहा महान ले़ये।

एफिसि 2:7

इगो चाहिँ सिःक्‍माबेॽ सिःक्‍हेनिबा खोमि अनुग्‍रहा लेङ्‌इहा चोप युगबेॽहा याॽमिजि खाङ्‌मुमामि लागि इडोॽ ले़टु। इगो अनुग्‍रहा निवाहाङ्‌डे़ॽ कानिङ येसु खिरिस्‍टबाङ खाङ्‌मुसु।

एफिसि 3:16

खोमि इन्‍डोक्‍पेॽसो रुक्‍खे़ॽनिये आसिसनुङ खोमिन्‍नोॽ होङ्‌निवाबाङ हे़निङे़ॽ सक्‍ति चुप्‍टानुमे, मोबा मो सक्‍तिडे़ॽ हे़निङ निवाहोङ्‌सिॽयुबाङ्‌नोॽ बोलियो लिसानिङे लुनुङ के़ॽ हे़निङ्‌मि लागि पारथना ले़नुङे।

एफिसि 3:8

खिरिस्‍टमि पबित्‍रा याॽमिजिबेॽ का इमा योम्‍बोक मे़ॽनिङ्‌मा ले़टिङ्‌रोसो सिःक्‍माबेॽ सिःक्‍हेनिबा खोमि याङ्‌सरावा सुसमाचार अयहुदि याॽमिजि खेम्‍मेॽमामि लागि का इगो अनुग्‍रहा पिसा।

फिलिप्‍पि 4:7

मोबा कानिङ याॽमिजिमि निवाडे़ॽ लेहेनिबा निवाहाङ्‌मि सान्‍तिडे़ॽ हे़निङ्‌मि निवानुङ सोःक्‍मा खिरिस्‍ट येसुबेॽ रच्‍छे ले़न्‍डुए।

कलस्‍सि 1:27

इगो लेमा छॽइये खा हाइखा जातिजिबेॽ बेॽलो महान ले़ये। मो खा टाङ्‌बामि याॽमिजि खाङ्‌मुमामि निवाहाङ्‌डे़ॽ से़ङ्‌इटे़। इगो लेमा छॽइये खा चाहिँ खिरिस्‍ट हे़निङ्‌बेॽ टुये लुमे खा ले़ये, खो महिमामि आसा ले़ये।

कलस्‍सि 3:16

खिरिस्‍टमि बचन हे़निङ्‌मि निवा इॽठुप युक्‍सानुमे। टाङ्‌बामि चोप निवाडे़ॽ याॽमिजि इःडानुमेनुङ सल्‍लाह पिसानुमे। टाङ्‌बामि निवाबाङ सेमडे़ॽ ओहाङ पिसाङ खोमि महिमा ले़टानुमे।

१ थेस्‍लोनिकि 2:12

हे़निङ चोपनोॽ अरति पिसाङ्‌नुङ हाङ्‌हाङ पिसाङ निवाहाङ्‌डे़ॽ नेन्‍जामारोमा रामबेॽ राप्‍सानिङे लुनुङ आट पिसुङ्‌मा। इन्‍ढोङ्‌होङ खोमि राज्‍यनुङ महिमाबेॽ खोसे़ॽ के़ये।

१ तिमोथि 6:17

इगो मक्‍खाम्‍डेमबेॽहा याङ्‌सारावदाङ्‌बाजि काङायोङ्‌बा ए़रेङ्‌मेनुङ याङ्‌सरावाबेॽ भरोसा ए़ले़ःॽमे लुसाजे, इन्‍ढोङ्‌होङ इघागो सानिङ्‌मि लागि टुडुङ्‌घे़ॽनिहा। तर कानिङ साप्‍थाङ्‌मे हिङ्‌मवामि लागि के़ॽलो चोप थोक पिघुबा निवाहाङ्‌बेॽ भरोसा ले़टानुमे लुनुङ आग्‍या पिसाजे।

फिलेमोन 1:4

निसा फिलेमोन, के़ॽ पारथना ले़ःॽमाबेॽ हे़न मिॽनुङ काङ्‌मि निवाहाङ सानिङ ओहाक पिनुङे़।

१ पत्‍रुस 5:1

हागो के़ॽ हे़निङ्‌मि मन्‍डलिबेॽहा एल्‍रडजि लुनिम्‍ने़, कासो इक्‍को एल्‍डरनोॽ ले़ःॽपॽआसे़ॽ, मोबा खिरिस्‍टडे़ॽ आङ्‌बॽआ दुःख के़ॽनोॽ खाङ्‌इटुङे, ए़क्‍साङ खाङ्‌मुये महिमामिसो साझेदार लिबॽआ नाताडे़ॽ हे़निङ इडोॽ लुनिम्‍ने़।

१ पत्‍रुस 5:10

चोप अनुग्‍रहानुङ्‌मा निवाहाङ्‌डे़ॽ खिरिस्‍टबेॽ टाङ्‌बामि इन्‍डोक्‍पेॽसो सिघे़ॽनिये महिमामि लागि हे़निङ के़ए़टे़। हे़निङे़ॽ इक्‍याक नियाक खेः आङ्‌नुङ ए़क्‍साङ खोसे़ॽनोॽ हे़निङ फेरि चोङ टोङ्‌इये, मोबा पक्‍कानुङ सक्‍तिसालि टोङ्‌इये।