फिलिप्‍पि 4:17 - याम्फु

¹⁷ के़ॽ हे़निङ्‌बाङ भेटि चुप्‍मामि ने़ॽनि, तर के़ॽको हे़निङे़ॽ ले़ःॽपॽआ योम्‍बोकमि इनाम हे़निङ्‌मिनोॽ निङ्‌बेॽ सुम्‍रो लुनुङ लुनिम्‍ने़।

फिलिप्‍पि 4:17 Cross References

युहन्‍ना 15:16

हे़निङे़ॽ का से़म्‍बॽआ ने़ॽनि, तर के़ॽ हे़निङ से़नुङ। इन्‍ढोङ्‌होङ हागो सानिङ टुडुङ्‌घे़हा चा किङ्‌मेॽटानुमे लुनुङ के़ॽ हे़निङ पाङ्‌मे़ॽनिङ्‌सिनिम्‍ने़। मोबा काङ्‌मि निङ्‌बेॽ पाबानुङ इमाङ ङागानुमहोङ्‌सो खोसे़ॽ हे़निङ पिये।

युहन्‍ना 15:8

हे़निङे़ॽ बेॽलो चा किङ्‌मेॽनुङ के़हा चोङ्‌सा लुनुङ चिनारि पिसानुमहोङ इगो खाबेॽनोॽ के़ए़ पाबामि महिमा लिये।

रोमि 15:28

मोडोगे़ॽ इघा भेटि माहाजिबेॽ लाडियासाङ हे़निङ चुप्‍आनुङ स्‍पेन खे़ए़ङे।

२ कोरिन्‍थि 11:16

के़ॽ फेरि लुनिम्‍ने़, का असे़ॽसो उम्‍बरिङ ए़मिॽमाजे। उम्‍बरिङ्‌नोॽ मिॽइन्‍डानुमेहोङ्‌सो के़ॽ काङायोङ्‌बानुङ्‌मा लुबॽआ खा बिस्‍वास ले़टानुमे।

२ कोरिन्‍थि 9:5

मोडोगे़ॽ हे़निङे़ॽ पिन्‍डुङ्‌मे लुबॽआ भेटि पोरोक्‌युङ्‌मामि लागि काबाङ याक्‍लो इघा निसाजि पाङ्‌माबेॽ नुबा लिये मिॽइटुङे। इडोॽ ले़ःॽमाहोङ हे़निङे़ॽ पिन्‍डुङ्‌मे लुबॽआ भेटि पोरोक्‌युङ्‌इन्‍डानुम मोबा भेटि करडे़ॽ ने़ॽनि टाङ्‌बामि राजिखुसिडे़ॽ पिबॽआ लिये।

फिलिप्‍पि 1:11

मोबा निवाहाङ्‌मि महिमानुङ ओहाङ्‌मि लागि येसु खिरिस्‍टबाङ लेङ्‌इये नुबा योम्‍बोक हे़निङ्‌मि हिङ्‌मवाबेॽ बेॽलो खाङ्‌मुहा।

फिलिप्‍पि 4:11

का खाँचोबेॽ सिॽटिङ लुबॽआ ने़ॽनि, कानुङ इमाङ, इन्‍डोक टुउ मोडोक्‍पेॽनोॽ साप्‍थाङ्‌मा के़ॽ चिङ्‌इटुङे।

१ थेस्‍लोनिकि 2:5

इगो खा हे़निङे़ॽसो नुरोॽ लेन्‍डानुम, कानिङे़ॽ चानुये खा इःनुङ हे़निङ मे़रेम्‍डिॽ। मोडोक्‍रेॽ ने़ॽनि कानिङे़ॽ हे़निङ्‌बाङ इमाङ्‌सो चुप्‍मे आसा मे़ले़ःॽटुङ्‌मा। इगो खामि साक्‍छि निवाहाङ्‌नोॽ टुये।

१ तिमोथि 3:3

इ, टोप्‍टे़ॽवा मे़उङ्‌खुबा याॽमिजिनुङ खिमाचुमा मे़योक्‍खुबा लिमा खे़ये। खोगो सहनसिल लिमा खे़ये, याङ्‌सरावामि लोभ ले़ःॽमा फे़न्‍निबा।

१ तिमोथि 6:10

इन्‍ढोङ्‌होङ याङ्‌मि लोभ ले़ःॽमानोॽ चोप खालहा मङे़हा खामि टुम्‍बिरा ले़ये। इन्‍डोॽ याॽमिजि याङ लोभ ले़ःॽनुङ निवाहाङ्‌बेॽ बिस्‍वास ले़ःॽमानोॽ ले़ःॽपेटुजे मोबा बेॽलो खेःडे़ॽ खोजिमि चुवाबेॽ खाॽइटुए।

तितस 1:7

मन्‍डलिबेॽहा अगुवाडे़ॽ निवाहाङ्‌मि योम्‍बोकमि जिम्‍मा लाबॽआसे़ॽ खो इमाङ आप्‍टिक मे़ॽनिङ्‌मा याॽमि लिमा खे़ये। खो टाङ्‌बा खुसि ले़ःॽखुबा, चान्‍डोनोॽ सुरके़ॽखुबा, इनुङ टोप्‍टे़ॽवा उङ्‌खुबा, याॽमिजिनुङ काक्‍खुबा, मोबा खिक्‍तुबाङ लिमा फे़न्‍निबा।

तितस 3:14

कानिङ्‌मि याॽमिजिडे़ॽ योम्‍बोक मे़ॽनिङ्‌मा खाबेॽ हिङ्‌मवा ए़ॽटिसुजिरो तर नुबा योम्‍बोक्‍पेॽ हिङ्‌मवा टिसुजिरो इडोॽ ले़ःॽमाहोङ खोजिडे़ॽ हाइखाजिसो पिहेन्‍डुजे।

हिब्‍रु 6:10

निवाहाङ्‌डे़ॽ अन्‍याय ले़टुनिबा, हे़निङ्‌मि योम्‍बोकनुङ निवाहाङ्‌मि याॽमिजि हे़निङे़ॽ ले़ःॽपॽआ नम्‍नम खोसे़ॽ मिन्‍डेडुनिबा। हे़निङ हागोसो मोडोक्‍नोॽ सेवा ले़ःॽमे़ॽसिन्‍डानिङे।

१ पत्‍रुस 5:2

निवाहाङ्‌डे़ॽ हे़निङ्‌मि जिम्‍माबेॽ युङ्‌बॽआ खोमि बगालमि नुरोॽ हेरचाह ले़टानुमे। करडे़ॽ ने़ॽनि तर साप्‍थाङ्‌मानुङ, याङ्‌सरावा चुप्‍मिये लुनुङ ने़ॽनि तर निवाहाङ्‌डे़ॽ नेन्‍जाबॽआ इगोनोॽ ले़ये मिॽनुङ हे़निङ्‌मि चोप निवाडे़ॽ ले़टानुमे।

२ पत्‍रुस 2:15

माहाजि बओरमि पसा बालाममि मङे़ॽमा रामबेॽ राम्‍मे़ॽनिङ्‌सिम्‍मे, बालाम मङे़ॽमा योम्‍बोक ले़ःॽनुङ टोङ्‌बॽआ याङ्‌सरावा चुप्‍नुङ साप्‍थाक्‍से़।

२ पत्‍रुस 2:3

इडोक्‍हा मे़ॽनोक्‍हा सिक्‍छे इःॽखुबाजि लोभि ले़म्‍मे, माहाजिडे़ॽ माङ्‌माङ्‌हा पारलेन इःनुङ हे़निङ रेम्‍इम्‍मे। याक्‍लोनोॽ माहाजिमि न्‍याय लिबेटे़नुङ, माहाजि चइबानोॽ नासि लिम्‍मे।

यहुदा 1:11

माहाजिमि लागि इगो खा बेॽलोनोॽ किस्‍सिमारोमा ले़ये। इन्‍ढोङ्‌होङ माहाजि टाङ्‌बामिनोॽ निसा सेॽनेघुबा कयिनमि चालबेॽ राम्‍इम्‍मे, याङ्‌सरावामि लोभबेॽ सिॽनुङ बालामडे़ॽ ले़टिडोॽ ने़ॽनिहा खाबेॽ फाङ्‌सिघे़म्‍मे, मोबा कोरहडे़ॽ ले़टिडोॽ बिरोध ले़ःॽपॽआसे़ॽ खोजि नास लिम्‍मे।