फिलिप्‍पि 3:20 - याम्फु

²⁰ तर कानिङ्‌गो थाङ्‌सिरिबेॽहा याॽमिजि ले़न्‍डिङ्‌मा। थाङ्‌सिरिबाङ लेङ्‌घुबा मुक्‍तिदाङ्‌बा, परभु येसु खिरिस्‍टमि राम हुङ्‌मे़ॽनिङ्‌सिन्‍डुङ्‌मे।

फिलिप्‍पि 3:20 Cross References

मत्‍ति 19:21

येसुडे़ॽ मो वेन्‍जा लुसु, “हे़न चइबानोॽ धरमि याॽमि लिमा मिङ्‌इयेहोङ, खे़ॽनुङ हे़ने़हा चोप याङ्‌सरावा इन्‍जानुङ इमाङ्‌सो मे़ङ्‌काप्‍खुबा गरिबजि हाबेॽटाजे। मोबा हे़ने़ॽ थाङ्‌सिरिबेॽ याङ्‌सरावा चुप्‍मिन्‍डुए, मोबा हे़न कानुङ राप्‍से।”

लुका 12:21

मोबा येसुडे़ॽ मो खानवा इडोक्‍पेॽनोॽ येॽसाङ लुसु, “टाङ्‌बामि लागि याङ्‌सरावा सुम्‌युङ्‌घुबा, तर निवाहाङ्‌मि लागि याङ्‌सरावा मे़सुम्‍खुबा याॽमिजिमि दसा इडोक्‍नोॽ लिये।”

लुका 14:14

मोबा हे़ने़ॽ आसिस चुप्‍इन्‍डुए इन्‍ढोङ्‌होङ माहाजिनुङ हे़ने़हा साटो टेमामि इमाङ्‌सो काप्‍टुजिने। तर निवाहाङ्‌मि खा खसिघुबाजि सिघे़ॽपॽआबाङ हिङ्‌बोक्‍माबेॽ निवाहाङ्‌डे़ॽनोॽ हे़न इनाम पिये।”

एप्‍पा चोङ्‌सा 1:11

“होउ गालिलबेॽहा याॽमिजि, इन्‍ढोङ नान्‍द्‌रुङ्‌माबेॽ खाङ्‌मे़ॽनिङ्‌सिडानुमे ? हे़निङे़ॽ येसु थाङ्‌सिरिॽटु ठेॽपोक्‍खे़ॽपॽआ खाङ्‌इटानुमे मोडोक्‍नोॽ खो इक्‍याक फेरि लेङ्‌इये।”

१ कोरिन्‍थि 1:7

मोडोगे़ॽ कानिङ्‌मि परभु येसु खिरिस्‍टमि राम खाङ्‌साङ हुङ्‌माबेॽ हे़निङ इमाङ बरदानमिसो खाँचो सिॽनिबा।

१ कोरिन्‍थि 15:48

मक्‍खाम्‍डेमबेॽहा याॽमिजि आक्‍खामाबाङ टोङ्‌बॽआडोॽ ले़म्‍मे। थाङ्‌सिरिबेॽहा याॽमिजि चाहिँ थाङ्‌सिरिबाङ लेम्‍बॽआजिडोक्‍नोॽ लेम्‍मे।

२ कोरिन्‍थि 4:18

कानिङ खाङ्‌मुहा खामि लागि ने़ॽनि, तर खाङ्‌मुनिहा खाबेॽ निवा टिन्‍डुङ्‌मे, इन्‍ढोङ्‌होङ खाङ्‌मुहा खा चाहिँ इॽछोॽमि लागि ले़हा, तर खाङ्‌मुनिहा खा चाहिँ सानिङ टुडुङ्‌घे़हा।

२ कोरिन्‍थि 5:8

कानिङे़ॽ आसा ले़ःॽमा लेडुङ्‌मानि, थाङ्‌सिरिबेॽ चुप्‍मिये हिङा चुप्‍नुङ परभुनुङ पेम्‍मामि लागि इगो हिङा लेप्‍पेमासो पोरोक्‍इन्‍डिङ्‌मा।

गलाति 4:26

तर हाइको मेॽनामिॽ सारा चाहिँ थाङ्‌सिरिमि यरुसलेम ले़ये, मोबा कानिङ सारामि पसाजि ले़न्‍डिङ्‌मे।

एफिसि 2:19

मोडोगे़ॽ हागो हे़निङ हाइको देसबेॽहा याॽमिनुङ अयहुदि ने़ॽनि, तर हे़निङ्‌गो निवाहाङ पाबामि पबित्‍रा याॽमिजिनुङ खोमि राज्‍यमि अधिकार चुप्‍मिटानुमेनुङ खोमि खिमबेॽहा याॽमिजि लिटानिङे।

एफिसि 2:6

कानिङे़ॽ येसु खिरिस्‍टबेॽ बिस्‍वास ले़ःॽपॽआसे़ॽ निवाहाङ्‌डे़ॽ कानिङ्‌सो येसुनुङ हिङ्‌रिक टोक्‍सा, मोबा खोनुङ्‌नोॽ थाङ्‌सिरिमि राज्‍यबेॽ अधिकार ले़ःॽमेॽटा।

फिलिप्‍पि 1:10

इडोॽ लिहोङ हे़निङे़ॽ चोपबाङ नुबा मराम हाम्‍बे चाहिँ ले़ये लुनुङ लेहेन्‍डानुमे, मोबा खिरिस्‍ट लेम्‍माबेॽ हे़निङ पबित्‍रानुङ आप्‍टिक मे़ॽनिङ्‌हा याॽमिजि लिहेन्‍डानिङे।

फिलिप्‍पि 1:27

चोप्‍पाङ बेॽए खा लुबॽआ चाहिँ हे़निङ्‌मि चाल चलन सुसमाचार परचार ले़ःॽमारोमा लिमा खे़ये। मोडोगे़ॽ का हे़निङ्‌बेॽ लेङ्‌ङासो मे़लेङ्‌ङासो हे़निङ चाहिँ इक्‍को होङ्‌निवाबेॽ बोलियो लिसानिङे। मोबा इक्‍कोनोॽ योम्‍बोक ले़ःॽमे निवा खिनुङ बेॽलो याॽमिजिडे़ॽ बिस्‍वास ले़टुमिरो मिॽनुङ सुसमाचारमि परचार ले़ःॽपॽआ के़ॽ खेम्‍मा मिॽइनुङे।

कलस्‍सि 1:5

इगो चाहिँ हे़निङ्‌मि लागि थाङ्‌सिरिबेॽ युङ्‌बॽआ आसाडे़ॽ ले़ःॽमे़ॽ इडोक्‍मा बिस्‍वासनुङ नम्‍नम ले़ए़टानुमे। इगो आसामि टुम्‍बेॽ याक्‍लोबाङ्‌नोॽ हे़निङे़ॽ चाइबानोक्‍मा बचन, अथबा सुसमाचारबेॽ खेम्‍इटानुमे।

१ थेस्‍लोनिकि 1:10

मोबा सिघे़ॽपॽआबाङ निवाहाङ्‌डे़ॽ हिङ्‌बोक्‍पॽआ खोमि पसा येसु थाङ्‌सिरिबाङ लेङ्‌इये लुनुङ हे़निङे़ॽ खोमि राम खाङ्‌इन्‍डानुम्‍रो। अथबा खोनोॽ कानिङ न्‍यायमि याकपेॽ निवाहाङ्‌मि सुरिकबाङ जोगा ले़ःॽखुबा ले़ये।

१ थेस्‍लोनिकि 4:16

इन्‍ढोङ्‌होङ हुकुममि सेम्‍ला मुक्‍मानुङ, चोप्‍पाङ एप्‍पा थाङ्‌सिरिदुतमि सेम्‍ला मोबा निवाहाङ्‌मि तुरहि मिःॽमाबेॽ परभु थाङ्‌सिरिबाङ उङ्‌इयेनुङ मोडोक्‍पेॽ खिरिस्‍टबेॽ बिस्‍वास ले़ःॽनुङ सिघे़ॽपॽआ याॽमिजि याक्‍लो हिङ्‌बोॽइम्‍मे।

२ तिमोथि 4:8

हागोगो के़ॽ निवाहाङ्‌मि पोम्‍बेॽ ले़ःॽपॽआ नुबा योम्‍बोकमि धारमिक मुकुट चुप्‍मे बेला लेङ्‌इटे़। मो मुकुट न्‍याय ले़ःॽखुबा परभुडे़ॽ नुबा बेलाबेॽ का पिये, इगो मुकुट कारेॽनोॽ ने़ॽनि, खोमि रामबेॽ नुरोॽ राम्‍साङ खोमि राम खाङ्‌खुबा धरमि याॽमिजि चोपनोॽ खोसे़ॽ पिन्‍डुजे।

तितस 2:13

कानिङे़ॽ ले़ःॽपॽआ आसा पुरा लिमे याकमि राम हुङ्‌इन्‍डुङ्‌मे। मो याक कानिङ्‌मि महान निवाहाङ्‌नुङ कानिङ मुक्‍ति पिघुबा हाङ्‌बा खिरिस्‍टडे़ॽ बेॽए मान चुप्‍मिन्‍डुए।

हिब्‍रु 12:22

तर हे़निङ्‌गो सियोन सुम्‍लाखाबेॽ लेङ्‌इटानिङे, हिङ्‌रिक निवाहाङ्‌मि सहरबेॽ लेङ्‌इटानिङे, थाङ्‌सिरिडोॽमा यरुसलेमबेॽनुङ बेॽलो थाङ्‌सिरि दुतजिमि रुम्‍बेॽ लेङ्‌इटानिङे।

हिब्‍रु 9:28

मोडोक्‍नोॽ बेॽलो याॽमिजिमि पाप नास ले़ःॽमामि खिरिस्‍टसो इक्‍खेॽ बलि लिसा। खो फेरि लेम्‍माबेॽ पापबाङ आम्‍लाङ पिमामि ने़ॽनि, तर खोमि राम खाङ्‌नुङ हुङ्‌घुबाजि मुक्‍ति पिसिॽ लेङ्‌इये।

परकास 1:7

खाक्‍सानुमे, येसु खिम्‍मिॽवाबेॽ उङ्‌मे़ॽनिङ्‌सिये। चोबे़ॽ खो खाङ्‌डोक्‍इन्‍डुजे, खो खाक्‍खुबाजिडे़ॽसो खाङ्‌डोक्‍इन्‍डुजे, इगो मक्‍खाम्‍डेमबेॽहा चोप जातिजिडे़ॽ सोक ले़न्‍डुजे। इडोक्‍नोॽ लिरो, आमेन।