फिलिप्‍पि 3:17 - याम्फु

¹⁷ वावानिसानुङ नानुसाजेओ, हे़निङे़सो के़ॽ ले़टिडोक्‍नोॽ ले़टानुमे। कानिङ हे़निङ्‌मि पोम्‍बेॽ नुबा याॽमि लिनुङ हिङ्‌इटिङ्‌मे। कानिङ्‌डोक्‍नोॽ ले़ःॽनुङ हिङ्‌घुबाजि खाङ्‌नुङ हे़निङे़ॽसो चिनानुमे।

फिलिप्‍पि 3:17 Cross References

रोमि 16:17

वावानिसानुङ नानुसाजि, के़ॽ हे़निङ बिन्‍ति ले़निम्‍ने़, हे़निङ्‌मि रुम्‍बेॽ खिमवा खा लाप्‍खुबा मोबा हे़निङे़ॽ चिम्‍बॽआ धारमिक नियममि बिरोधबेॽ सिक्‍छे इःॽनुङ हे़निङ्‌मि बिस्‍वासबेॽ फाङ्‌सेॽखुबा याॽमिजिबाङ होसियार ले़टानिङे। हे़निङ आक्‍टोॽहा याॽमिजिबाङ ओःनोॽ पेनानिङे।

१ कोरिन्‍थि 10:32

हे़ने़ॽ हिङ्‌बॽआ हिङ्‌मवाडे़ॽ यहुदिजि अथबा अयहुदिजि मोबा बिस्‍वासिजि हाप्‍सेॽमा फे़न्‍निबा।

१ कोरिन्‍थि 11:1

खिरिस्‍टडे़ॽ ले़टिडोॽ के़ॽ ले़नुङे, हे़निङे़ॽसो के़ॽ ले़टिडोक्‍नोॽ ले़टानुमे।

१ कोरिन्‍थि 4:16

मोडोगे़ॽ काङ्‌मि हिङ्‌मवा खाङ्‌नुङ चिनानुमे लुनुङ बिन्‍ति ले़ःॽनिम्‍ने़।

फिलिप्‍पि 4:9

काबाङ हे़निङे़ॽ इमाङ चिङ्‌इटानुमेनुङ चुप्‍मिटानुमे माहा चिम्‍बॽआनुङ चुप्‍पॽआ खानोॽ ले़टानुमे, मोबा सान्‍ति पिघुबा निवाहाङ हे़निङ्‌नुङ सोरि पेङ्‌इये।

१ थेस्‍लोनिकि 1:6

हे़निङ परभुनुङ कानिङ्‌मि हिङ्‌मवा खाङ्‌साङ मो रामबेॽ राप्‍सानिङ। मोबा दुःखनुङ खेःबेॽ सिॽमाबेॽसो पबित्‍रा होङ्‌निवाबाङ चुप्‍पॽआ हाङ्‌हाङ्‌नुङ बिस्‍वास ले़टानुम।

२ थेस्‍लोनिकि 3:14

कानिङे़ॽ इगो पत्‍राबेॽ साप्‍पॽआ खाडोॽ मे़ले़ःॽखुबा याॽमिजि नुरोॽ लेयुङ्‌मे़नुङ, माहाजिनुङ लङ्‌गाम ए़ले़ःॽमे खो खोमटाङ्‌बा ङेम्‍मा सिॽइये।

२ थेस्‍लोनिकि 3:7

इन्‍ढोङ्‌होङ याक्‍लो हे़निङ्‌नुङ टुमाबेॽ कानिङे़ॽ ले़ःॽपॽआडोक्‍नोॽ ले़ःॽमा खे़ये लुमे खागो हे़निङे़ॽ नुरोॽ लेन्‍डानुमे। हे़निङ्‌नुङ टुमाबेॽ कानिङ मे़म्‍पाङ्‌सुरेॽ पेनिङ्‌मा।

२ थेस्‍लोनिकि 3:9

हे़निङ्‌नुङ कानिङे़ॽ सहायोग लामे अधिकार माॽआडे़न्‍से़ॽ ने़ॽनि, तर कानिङे़ॽ ले़ःॽपॽआ खाङ्‌नुङ हे़निङे़ॽ चिनानुमे लुनुङ नमुनामि लागि मोडोॽ ले़टुङ्‌मा।

१ तिमोथि 4:12

हे़न वेन्‍जा ले़ःॽपॽआसे़ॽ हे़न असे़ॽसो हेला मे़ले़ःॽहेमिरो। तर नुबा खारेॽ यामुमे, नुबा चाल चलन, नम्‍नम, बिस्‍वासनुङ चोखो हिङ्‌मवा हिङ्‌नुङ बिस्‍वासिजिमि लागि इघा खाबेॽ हे़न नमुना लिसे।

हिब्‍रु 13:7

याक्‍लो हे़निङ निवाहाङ्‌मि बचन इःॽखुबा अगुवाजि मिडानुमे। बिस्‍वासबेॽ हिङ्‌मानुङ खोजिडे़ॽ ले़ःॽपॽआ नुबा खा मिडानुमे, मोबा खोजिडे़ॽ इन्‍डोक इगो मक्‍खाम्‍डेम याःॽयासुजे। हे़निङे़ॽसो मोडोक्‍नोॽ ले़टानुमे।

१ पत्‍रुस 5:3

हे़निङ्‌मि जिम्‍माबेॽ टुघुबाजिसोक्‍पेॽ अधिन ले़ःॽनुङ ने़ॽनि, तर खोजिमि पोम्‍बेॽ नुबा नमुना लिनुङ हिक्‍सानिङे।