फिलिप्‍पि 3:16 - याम्फु

¹⁶ आइरो इन्‍डोॽ कानिङ इगोठोक लेङ्‌इटिङ्‌मे हागो इडोक्‍नोॽ बोलियो लिनुङ पोम्‍बेॽसो खडि।

फिलिप्‍पि 3:16 Cross References

रोमि 12:16

चोपनुङ टोङ्‌जासानिङे, असानुङ्‌सो बेॽए ए़रे़क्‍सानिङे, चोप याॽमिजिनुङ ए़डेम्‍मा लिसानिङे मोबा चोप खा लेघुबा ए़रेक्‍सानिङे।

रोमि 15:5

निवाहाङ्‌डे़ॽनोॽ हे़निङ आङ्‌हेमेनुङ बोलियो लिमे सक्‍ति पिये। मोबा येसु खिरिस्‍टनुङ इक्‍को लिनुङ बिस्‍वास ले़ःॽखुबाजिमि रुम्‍बेॽ इक्‍को निवा लिनुङ हिङ्‌हेसानिङे,

गलाति 5:7

हे़निङ्‌गो नुरोक्‍नोॽ पिम्‍मे़ॽसिसानिङ। तर असे़ॽ हे़निङ चाइबमा खा पालना ले़ःॽमाबाङ से़गामे ?

गलाति 6:16

हागो इगो नियम पालना ले़ःॽखुबाजिनुङ निवाहाङ्‌मि चोप पसाजिबेॽ सान्‍तिनुङ नम्‍नावा टुडुङ्‌घे़ॽरो।

फिलिप्‍पि 1:27

चोप्‍पाङ बेॽए खा लुबॽआ चाहिँ हे़निङ्‌मि चाल चलन सुसमाचार परचार ले़ःॽमारोमा लिमा खे़ये। मोडोगे़ॽ का हे़निङ्‌बेॽ लेङ्‌ङासो मे़लेङ्‌ङासो हे़निङ चाहिँ इक्‍को होङ्‌निवाबेॽ बोलियो लिसानिङे। मोबा इक्‍कोनोॽ योम्‍बोक ले़ःॽमे निवा खिनुङ बेॽलो याॽमिजिडे़ॽ बिस्‍वास ले़टुमिरो मिॽनुङ सुसमाचारमि परचार ले़ःॽपॽआ के़ॽ खेम्‍मा मिॽइनुङे।

फिलिप्‍पि 2:2

आक्‍टोॽहोङ हे़निङ इक्‍को निवानुङ्‌हा लिनुङ, इक्‍कोसे़ॽ हाइको नम्‍नम ले़ःॽखुसे़ॽचुसानिङे, मोबा इक्‍को निवानुङ्‌हा लिनुङ टोङ्‌जासानिङे, इगो खाडे़ॽ का सारोनोॽ साप्‍थाङ्‌मेये।

फिलिप्‍पि 4:2

हागो के़ॽ इयोदियानुङ सुन्‍तुखे हे़न्‍जिङ परभुबेॽ इक्‍को निवानुङ्‌मा लिमा खे़ये लुनुङ बिन्‍ति ले़न्‍जिम्‍ने़।

कलस्‍सि 2:6

इन्‍डोॽ हे़निङे़ॽ खिरिस्‍ट येसु परभु मिॽनुङ बिस्‍वास ले़ए़टानुमे, मोडोक्‍नोॽ हे़निङ खोबेॽ हिक्‍सानिङे।

कलस्‍सि 4:2

हे़निङे़ॽ सानिङ पारथना ले़ःॽमे। पारथना ले़ःॽमाबेॽ ओहाक पिसाङ निवाहाङ्‌बेॽ निवा टिनुङ पारथना ले़टानुमे।

परकास 3:3

मोडोगे़ॽ हे़निङे़ॽ इमाङ खा खेम्‍नुङ बिस्‍वास ले़टानुमे मो नुरोॽ मिॽखाक्‍सानुमे। हे़निङे़ॽ चिम्‍बॽआ खा नुरोॽ पालना ले़टानुमे, मोबा पापि आनिबानि लेडानुमे। हे़निङे़ॽ मोडोॽ मे़ले़टानुमहोङगो हे़निङे़ॽ मे़मिॽपॽआ बेलाबेॽ का खुसुबाङ्‌डोॽ हाजोक्‍टोॽ लेङ्‌इङे़। का इन्‍डोक्‍पेॽ हे़निङ्‌बेॽ लेङ्‌इङे़ मो खा हे़निङे़ॽ लेसानुम्‍नि।